హైదరాబాద్ : మహారాష్ట్రలో వర్షాలు, వరద పరిస్థితిపై ఆ రాష్ట్ర మంత్రి గిరీష్ మహాజన్కు తెలంగాణ భారీ నీటిపారుదల శాఖ మంత్రి హరీశ్రావు ఆదివారం ఫోన్ చేశారు. దిగువకు విడుదల చేస్తున్న నీటి వివరాలను ఆయన అడిగి తెలుసుకున్నారు.
  
 ఈ మేరకు ఇరిగేషన్ శాఖాధికారులను హరీశ్రావు అప్రమత్తం చేశారు. ఎస్సారెస్పీ, ఎల్లంపల్లి, మిడ్ మానేరు, ఎల్ఎండీ, సింగూర్, నిజాంసాగర్ ప్రాజెక్టుల వరద పరిస్థితిని ఎప్పటికప్పుడు సమీక్షించాలని హరీశ్ ఆదేశించారు. 


 ప్రభుత్వాన్ని డిమాండ్ చేసిన సీపీఎం
 
  సాక్షి, హైదరాబాద్: గోదావరి ప్రాజెక్టులకు సంబంధించి మహారాష్ట్రతో రాష్ట్ర ప్రభుత్వం చేసుకున్న ఒప్పందాల వివరాలను బహిర్గతం చేయాలని సీపీఎం డిమాండ్ చేసింది. చారిత్రక ఒప్పందం జరిగిందని రాష్ట్ర ప్రభుత్వం ప్రకటిస్తుండగా, అలాంటివేమీ జరగలేదని మహారాష్ట్ర మంత్రి గిరీశ్ మహాజన్ ప్రకటించడం ఆందోళన కలిగిస్తోందని సీపీఎం పేర్కొంది. రాష్ట్ర ప్రయోజనాలకు అనుగుణంగా ప్రాజెక్టులను చేపట్టాలని సూచించింది.
 
 కాగా, తెలంగాణ విద్యుత్ ఉద్యోగులపై విద్యుత్ సంస్థలు విధించిన ఆంక్షలను వెంటనే ఎత్తేయాలని సీపీఎం కార్యదర్శి తమ్మినేని వీరభద్రం డిమాండ్ చేశారు. ముందస్తు అనుమతి లేకుండా ఉద్యోగులెవరూ ఈఆర్‌సీ విచారణలో పాల్గొనకూడదని ప్రభుత్వ విద్యుత్ సంస్థలు నిర్ణయించడం అన్యాయమన్నారు.