మిర్యాలగూడ : జీతాలు సకాలంలో చెల్లించాలంటూ కాంట్రాక్ట్ ఉద్యోగులు చేపట్టిన ఆందోళన రెండోరోజుకు చేరింది. నల్గొండ జిల్లా మిర్యాలగూడ పట్టణ మున్సిపాలిటీలో పనిచేస్తున్న కాంట్రాక్ట్ ఉద్యోగులు గత కొంతకాలంగా తమకు వేతనాలు చెల్లించటంలేదంటూ సోమవారం నుంచి పురపాలక కార్యలయం ఎదుట ధర్నా కొనసాగిస్తున్నారు. రెండోరోజు వినూత్న రీతిలో కార్మికులు బిక్షాటన చేస్తూ తమ నిరసన తెలిపారు. కాంట్రాక్ట్ కార్మికుల ఆందోళనకు పలు కార్మిక సంఘాలు సంఘీభావం తెలిపాయి.