క్రికెట్‌పై ఉన్న క్రేజ్‌ మరింత రెట్టింపు చేసేందుకు ‘రాయల్‌ చాలెంజర్స్‌ బెంగళూరు’ (ఆర్‌సీబీ) ఓఅడుగు ముందుకేసింది. టీ–20 మ్యాచ్‌లను మిక్స్‌డ్‌ జెండర్‌గా నిర్వహించేందుకు సమాయత్తమవుతోంది. ఇండియన్‌ టీం నుంచి ఐదుగురు మహిళాక్రికెటర్లు, ఆరుగురు పురుషక్రికెటర్లతో జట్టు రూపొందించారు. కోహ్లీ, మిథాలీరాజ్, హర్మన్‌ ప్రీత్‌కౌర్, వేదకృష్ణమూర్తి తదితర క్రికెటర్లతో ఇటీవల ఆర్‌సీబీ ఓ ప్రోమోను రూపొందించింది. దీనిపై క్రికెట్‌ అభిమానుల్లో స్పందన ఎలా ఉంటుందోతెలుసుకునేందుకు ఆ వీడియోను యూ ట్యూబ్‌ వేదికగా విడుదల చేసింది. ప్రోమోను మెచ్చుకుంటూ కొన్ని గంటల్లోనే లక్షల్లో హిట్స్, వేలల్లో కామెంట్స్‌ రావడం గమనార్హం. మిక్స్‌డ్‌ జెండర్‌ క్రికెట్‌ వివరాలపై కథనం.  ఏమిటీ మిక్స్‌డ్‌జెండర్‌ క్రికెట్‌.. ? టీ– 20 క్రికెట్‌లో మన ఇండియన్‌ టీంలో పురుష క్రికెటర్లతో పాటు మహిళా క్రికెటర్లు కూడా ఇప్పుడు ఆడనున్నారు. ఆరుగురు మేల్‌ క్రికెటర్స్, ఐదుగురు ఫీమేల్‌ క్రికెటర్స్‌తో ఉన్న టీంని ‘మిక్స్‌డ్‌ జెండర్‌ క్రికెట్‌’ టీంగా పిలుస్తారు. ఆర్‌సీబీ విడుదల చేసిన వీడియోకు బీసీసీఐ నుంచి మంచి స్పందన వచ్చింది. మన దేశంతో పాటు ఇతర దేశాల వాళ్లు కూడా ముందుకొచ్చారు. ప్రస్తుతం నాలుగు దేశాలకు చెందిన వాళ్లు మిక్స్‌డ్‌ క్రికెట్‌ టీంకి ఆటగాళ్లను ఇచ్చినట్లుసమాచారం.   ప్రపంచ వ్యాప్తంగా నాలుగు జట్లు.. మిక్స్‌డ్‌ జెండర్‌ క్రికెట్‌ టోర్నీకి ఇప్పటికే ప్రపంచవ్యాప్తగా నాలుగు జట్లను ఎంచుకున్నారనే వార్తలు వినిపిస్తున్నాయి. ప్రపంచకప్‌ పోటీలు ముగిసిన తర్వాత జూలైలో ఇంగ్లండ్‌ వేదికగా ‘మిక్స్‌డ్‌ జెండర్‌ క్రికెట్‌’ని నిర్వహించేందుకు ‘ఆర్‌సీబీ’ సన్నద్ధమవుతున్నట్లు సమాచారం. ఇందులో మన హైదరాబాద్‌ నుంచి ఇద్దరు మహిళా క్రికెటర్లు ప్రాతినిధ్యం వహించనున్నారు.సీనియర్‌ క్రికెటర్‌ మిథాలీరాజ్, ఇటీవల టీ–20కి బౌలర్‌గా ఎంపికైన అరుంధతీరెడ్డి మిక్స్‌డ్‌ జెండర్‌ క్రికెట్‌లో ఆడనున్నట్లు క్రికెట్‌ వర్గాలు చెబుతున్నాయి.  ఐడియా బాగుంది.. ‘అవకాశం ఇచ్చి చూస్తేనే కదా మేం ఎంత బాగా ఆడతామనేది తెలిసేది. మిక్స్‌డ్‌ జెండర్‌ క్రికెట్‌ ఐడియా నాకు బాగా నచ్చింది. కేవలం మేల్‌ క్రికెటర్లలోనే కాదు అమ్మాయిల్లో కూడా 100–115 కి.మీ వేగంతో ఫాస్ట్‌ బౌలింగ్, స్పిన్‌ బౌలింగ్‌ చేయగలిగేవాళ్లు ఉన్నారు. మేల్‌ క్రికెటర్లతో కలిసి ఆడుతున్న సమయంలో మేం వారిని నుంచి నేర్చుకునే చాన్స్‌ కూడా దక్కుతుంది’     – అరుంధతీరెడ్డి, ఇండియన్‌ టీ– 20 బౌలర్‌ క్రికెట్‌ అభిమానులకు విందే.. మేల్‌ అండ్‌ ఫీమేల్‌ క్రికెటర్లు కలిసి ఒకే జట్టులో ఆడటం ఎంతో కనువిందుగా ఉంటుంది. క్రీడాభిమానులకు ఇది ఒక ఫన్‌ లాంటిదే. 110– 115 కి.మీ వేగం ఫాస్ట్‌ బౌలింగ్‌లో ఫీమేల్‌ క్రికెటర్లు అవలీలగా ఆడగలరు. 140 కి.మీ బౌలింగ్‌ మాత్రం వారికి కొద్దిగా కష్టం. దీనిని పరిశీలిస్తే బాగుంటుందనేది నా ఆలోచన.     – మూర్తి, మిథాలీరాజ్‌ సౌత్‌సెంట్రల్‌ రైల్వేస్‌ కోచ్‌   నిజంగా సాహసమే..‘రెండేళ్ల క్రితం జరిగిన మహిళా ప్రపంచ కప్‌లో అతివలు సైతం క్రికెట్‌ను బాగా ఆడగలరనే విషయం యావత్‌ ప్రపంచానికి తెలిసింది. మేం ఓడినప్పటికీ కొన్ని కోట్ల మంది మా ఆటను, మా ధైర్యాన్ని మెచ్చుకున్నారు. దీంతో అమ్మాయిలు క్రికెట్‌ను కెరీర్‌గా ఎంచుకుంటున్నారు. టీ– 20 తరహాలో పురుష  క్రికెటర్లతో పాటు మమ్మల్ని కూడా భాగస్వాముల్ని చేయడం, ఒకటే టీంలో అందరం కలిసి ఆడటం నిజంగా సాహసమే. ఈ నిర్ణయాన్ని ఆహ్వానిస్తున్నాం’    – మిథాలీరాజ్, భారత మహిళా  క్రికెటర్‌ తేడా ఏమీ ఉండదు.. నాకు తెలిసి మేల్‌ అండ్‌ ఫీమేల్‌ క్రికెటర్ల మధ్య పెద్ద తేడా ఏమీ ఉండదు. ఫీమేల్‌ క్రికెటర్‌లో కూడా హైస్పీడ్‌ 120– 130 కి.మీ బౌలింగ్‌ వేయగలిగేవాళ్లు ఉన్నారు. ఉమెన్‌ కూడా భారీ షాట్స్‌తో సిక్స్, ఫోర్లు కొట్టగలరు. వారికి మిక్స్‌డ్‌ జెండర్‌ క్రికెట్‌ ఓ వరమే.  మరింత మంది అమ్మాయిలు క్రికెట్‌లోకి వచ్చే అవకాశం ఉంటుంది.            – సువర్ణ, సౌత్‌సెంట్రల్‌ రైల్వేస్‌ అసిస్టెంట్‌ కోచ్‌


 ► నారంగ్, జీతూరాయ్‌లపై ఆశలు
 ► నేటి నుంచి ప్రపంచకప్‌ షూటింగ్‌
 న్యూఢిల్లీ: రియోలో నిరాశపరిచిన భారత షూటర్లు సొంతగడ్డపై జరిగే మెగా ఈవెంట్‌లో పతకాలపై గురిపెట్టారు. శుక్రవారం నుంచి జరిగే ప్రపంచకప్‌ షూటింగ్‌లో సత్తాచాటేందుకు సిద్ధమయా్యరు. ఇక్కడి డాక్టర్‌ కర్నిసింగ్‌ షూటింగ్‌ రేంజ్‌లో పది రోజుల పాటు ఈ పోటీలు జరుగనున్నాయి. భారత మేటి షూటర్లు గగన్  నారంగ్, జీతూరాయ్, హీనా సిదు్ధలపై భారత్‌ ఆశలు పెట్టుకుంది. 1999 తర్వాత... ఒలింపిక్‌ చాంపియన్ , భారత స్టార్‌ షూటర్‌ అభినవ్‌ బింద్రా లేకుండా భారత బృందం తలపడుతున్న తొలి ప్రపంచకప్‌ ఇదే కావడం గమనార్హం.
 
 ప్రయోగాత్మక ఈవెంట్లకు ఈ ప్రపంచకప్‌ వేదికైంది. మహిళల ప్రాతినిధ్యం పెంచాలనే లక్ష్యంతో అంతర్జాతీయ ఒలింపిక్‌ కమిటీ సిఫార్సు చేసిన మిక్స్‌డ్‌ జెండర్‌ (మహిళా, పురుషులు కలిసి ఆడే పోటీలు) ఈవెంట్లను తొలిసారిగా ఈ టోర్నీలోనే పరిశీలించనున్నారు. 50 దేశాలకు చెందిన 452 మంది షూటర్లు ఈ టోర్నీ బరిలోకి దిగుతున్నారు. ఆతిథ్య భారత్‌ నుంచి 63 మంది షూటర్లు తమ అదృష్టాన్ని పరీక్షించుకునేందుకు సిద్ధమయా్యరు.
 భారత్‌లో గతంలోనూ ప్రపంచకప్‌ షూటింగ్‌ ఈవెంట్లు (1997, 2000, 2003) జరిగినప్పటికీ ఈ ఈవెంట్‌ మాత్రం ప్రత్యేకవైుంది. ఇప్పటిదాకా భారత్‌లో జరిగిన మెగా ఈవెంట్లన్నీ కేవలం షాట్‌గన్  పోటీల (ట్రాప్, డబుల్‌ ట్రాప్, స్కీట్‌)కు మాత్రమే పరిమితం కాగా... తాజా ప్రపంచకప్‌లో రైఫిల్, పిస్టల్, షాట్‌గన్  ఇలా అన్ని కేటగిరీల్లో పోటీలు నిర్వహించనున్నారు. టోక్యో ఒలింపిక్స్‌ (2020)కు ఇది తొలి క్వాలిఫయింగ్‌ ఈవెంట్‌ కావడం మరో విశేషం.
 
 ఈ ఈవెంట్లలో చివరిసారిగా...
 అంతర్జాతీయ షూటింగ్‌ సమాఖ్య త్వరలోనే కొన్ని ఈవెంట్లను ఒలింపిక్‌ క్యాలెండర్‌ నుంచి తొలగించనుంది. పురుషుల డబుల్‌ ట్రాప్, 50 మీ. పిస్టల్, 50 మీ. ప్రోన్‌ ఈవెంట్లు ఈ జాబితాలో ఉన్నాయి. మును్మందు ఇందులో పోటీపడే అవకాశం లేదని తెలిసినా... ఆఖరి సారిగా ప్రపంచకప్‌లో ఆయా ఈవెంట్లలో తమ అదృష్టాన్ని పరీక్షించుకునేందుకు పలువురు షూటర్లు బరిలోకి దిగుతున్నారు.
 
 కొత్తగా మిక్స్‌డ్‌ జెండర్‌ ఈవెంట్స్‌
 యూరోపియన్ పియన్ ప్, జూనియర్‌ ప్రపంచకప్, యూత్‌ ఒలింపిక్స్‌లో ప్రవేశపెట్టిన మిక్స్‌డ్‌ జెండర్‌ పోటీలను తొలిసారిగా ఓ మేజర్‌ టోర్నమెంట్‌లో ఆడిస్తున్నారు. ఇందులో భాగంగా 10 మీ. ఎయిర్‌ రైఫిల్, 10 మీ. ఎయిర్‌ పిస్టల్, ట్రాప్, స్కీట్‌ ఈవెంట్లలో పురుషులు, మహిళలు కలిసి గురిపెటా్టల్సి వుంటుంది. అయితే ఇది పూర్తిస్థాయి పోటీలు కాకపోవడం... ప్రయోగాత్మక పరిశీలన నేపథ్యంలో ఇందులో గెలిచిన వారికి పతకాల బదులు బ్యాడ్జిలు అందజేస్తారు.