పల్లవి :
  
  బృందం: తకఝం తకఝం ఝం (2)
  అతడు: కిలకిలకిలకిలకిల పడుచు కోకిల
  పలికె ప్రియగీతిక పెళ్లికిలా
  ఆమె: కలకలకలకలకల వలపు దాఖల
  తెలిపె శుభలేఖల సరిగమలా
  అ: మెరుపుల చెల్లి మా పిల్లకి
  ఆ: మేఘాలన్నీ పూపల్లకి
  ఏడేడు వర్ణాల ఆషాడవేళ    
  ॥॥
  
  చరణం : 1
  
  అ: వేచి వేచి వేడెక్కే ఆ వేచి ఉన్న పండక్కే
  నే పరుగులు తీస్తున్నా
  ఆ: కాచుకున్న కానుక్కే నే కాచుకున్న వేడుక్కే
  నేనెదురై నిలుచున్నా
  అ: కాదే అవునై కవ్విస్తే...
  బృం: తకఝం తకఝం ఝం
  ఆ: కన్నే పిలుపై కబురొస్తే...
  బృం: తకఝం తకఝం ఝం
  అ: ఆ... కొమ్మచాటు కోకిలమ్మ గట్టిమేళాలెన్నో పెట్టి
  కాళ్లు కడిగి కన్యనిచ్చి పేరంటాలే ఆడే వేళ
  ॥॥
  
  చరణం : 2
  
  ఆ: జాబిలమ్మ కన్నుల్లో ఓ సందె సూరీడున్నట్టే
  నీ తహతహ చూస్తున్నా
  అ: ఒంటినిండా ఊపొచ్చి ఒంపులెన్నో ఊరించే
  నీ తకధిమి వింటున్నా
  ఆ: కాయే పండై కలిసొస్తే...
  బృం: తకఝం తకఝం ఝం
  అ: అది పండే నోమై చిలకొస్తే...
  బృం: తకఝం తకఝం ఝం
  ఆ: తోటలోని పూలన్ని సిరి తోరణాలై దీవిస్తుంటే
  గోరువంక పెళ్లి మంత్రాలెన్నో చదివే సుముహూర్తంలో
  ॥
  
  చిత్రం : పెళ్లిసందడి (1996); రచన : వేటూరి, సంగీతం : ఎం.ఎం.కీరవాణి; గానం : ఎస్.పి.బాలు, కె.ఎస్.చిత్ర, బృందం
  
  నిర్వహణ: నాగేశ్
  


 పల్లవి :
 
  అతడు: ఏమని అడగనూ...
    ఏ వరము నిను కోరనూ
  నీ దాసదాసానుదాసుడనూ
  నీ ఎదుట నే మూగనూ...
  కృష్ణా... ఆ...
  ఏమని అడగనూ...
  
  చరణం : 1
  
  అ: మొసలి బారిపడి
  మొరలిడినా గజేంద్రుని బాధలు లేవు
  రక్ష రక్షయని ప్రార్థించుటకు ద్రౌపది దుస్థితి లేదు
  అటుకులిచ్చు సంపదలు తెమ్మనే అర్ధాంగలక్ష్మి లేనే లేదు
  అడగకున్నా అన్నీ ఇచ్చేవాడే... నా వాడని తెలిసీ...
  ఏమని అడగనూ... ఏ వరము నిను కోరనూ
  కృష్ణా... కృష్ణా... కృష్ణా... ఆ... ఏమని అడగనూ...
  
  చరణం : 2
  
  ఆమె: బంధమే లేని భగవంతుడు
    నీ అనుబంధానికి బంధితుడు
  అందరిచేత అడిగించుకొనేవాడు నిన్నడుగుతున్నాడు
  అంతా నువ్వే అంటాడయ్యా... ఆ ఒక్కటేదో అడగవా...
  అ: (వచనం)- అమ్మా... ఈ కిష్టయ్య
  చిన్నప్పుడు మన్ను తిన్నాడని తెలిసి నోరు చూపమంటే
  తన నోట పదునాలుగు
    భువనాలను చూపించాడు కదమ్మా
  అప్పుడు ఆ యశోదమ్మ ఆశ్చర్యంతో
    నోరు తెరిచి చూసేందే కానీ
  నోరు తెరిచి ఏమైనా
    అడిగిందా తల్లీ...
  అ: మన్ను తిన్న ఆ నోట
  అన్ని లోకాలను చూసిన యశోదమ్మ ఏ వరమడిగిందమ్మా...
  వేణుగానమును విని ఆ గోవులు తరించినవి కానీ...
    గోవిందుని ఏం కోరాయమ్మా
  ముక్తికాంతుడగు ముకుందుడే...
  ముక్తికాంతుడగు ముకుందుడే
    నా ముందు నిలిచి ఉన్నాడు
  నా పంచప్రాణాల తులసి దళాలతో అర్చన చేస్తున్నాను
  ఇంతకన్నా కావలిసింది ఇంకేముందీ
  అంతా తెలిసిన అంతర్యామిని అడిగేదేముందీ...
  
  చిత్రం : పాండురంగడు (2008)
  రచన : శ్రీవేదవ్యాస
  సంగీతం : ఎం.ఎం.కీరవాణి
  గానం : ఎస్.పి.బాలు, మాళవిక, సౌమ్య