దక్షిణాదిలో ప్రస్తుతం పూజా హెగ్డేకు ఉన్న క్రేజ్‌ గురించి ప్రత్యేకంగా చెప్పనక్కర్లేదు. దాదాపు దక్షిణాది స్టార్‌ హీరోలదరి సరసన నటించి అగ్ర హీరోయిన్‌గా పేరు తెచ్చుకుంది. వరుస ఆఫర్లు, పాన్‌ ఇండియా చిత్రాలతో ఆమె కెరీర్‌లో దూసుకుపోతుంది. అయితే ఇటీవల ఆమె నటించిన రాధేశ్యామ్‌, ఆచార్య, బీస్ట్‌లు నిరాశ పరిచిన పూజ క్రేజ్ ఏమాత్రం తగ్గలేదు. తెలుగులో పలు చిత్రాలతో పాటు హిందీలో రెండు సినిమాలు చేస్తుంది. మరోవైపు స్పెషల్‌ సాంగ్స్‌లో కూడా నటించే అవకాశం అందుకుంటుంది.  చదవండి: బిగ్‌బాస్‌ 6లోకి వడ్డే నవీన్‌.. భారీ రెమ్యునరేషన్‌ ఆఫర్‌! ప్రస్తుతం హిందీలో సల్మాన్‌ ఖాన్‌ ‘కభీ ఈథ్‌ కభీ దివాలీ’ సర్కస్‌ వంటి చిత్రాల్లో నటిస్తుంది. ఈ క్రమంలో ఇటీవల పూజా బాలీవుడ్‌ మీడియాతో ముచ్చటించింది. ఈ సందర్భంగా ఆమె మాట్లాడుతూ తన కెరీర్‌లో సక్సెస్‌, ఫెల్యూయిర్స్‌పై స్పందించింది. ‘తెలుగులో నేను నటించిన 6 సినిమాలు వరుసగా హిట్‌ అవ్వడం నా కెరీర్‌ అది బిగ్గెస్ట్‌ సక్సెస్‌. ఇక లోయేస్ట్‌ పాయింట్‌ వచ్చేసి నా డెబ్యూ(మొహంజోదారో) చిత్రమే బాక్సాఫీసు వద్ద పరాజయం పొందడం. నా కెరీర్‌లో అది ఒక చెత్త సినిమాగా నిలిచింది. నా లీస్ట్‌ చిత్రాల్లో అది ఒక్కటే. ఆ సినిమా వల్ల నాకు ఏడాది పాటు ఆఫర్స్‌ రాలేదు. చదవండి: క్రేజీ రూమర్.. ఆ దర్శకుడితో మహేశ్‌ బాబు 30వ సినిమా! ఈ సినిమా ఫ్లాప్‌తో నాకు ఐరన్‌ లెగ్‌ అనే పేరు కూడా వచ్చింది. ఈ క్రమంలో తెలుగు చిత్రం అలా వైకుంఠపురంలో నాకు బ్రేక్‌ ఇచ్చింది. ఇక అప్పటి నుంచి నేను వెనక్కి తిరిగి చూసుకోలేదు. ఆ సినిమా నా కెరీర్‌ను అద్భుతంగా మార్చింది’ అంటూ చెప్పుకొచ్చింది. కాగా పూజా బాలీవుడ్‌ మూవీ మొహంజోదారోతో సినీరంగ ప్రవేశం చేసిన సంగతి తెలిసిందే. పీరియాడికల్‌ డ్రామాగా తెరకెక్కిన ఈ చిత్రం బాక్సాఫీసు వద్ద ఘోర పరాజయం పొందింది. ఈ సినిమాలో బాలీవుడ్‌ గ్రీకువీరుడు హృతిక్‌ రోషన్‌తో పూజా జతకట్టింది. ఇదిలా ఉంటే ప్రస్తుతం తెలుగులో పూజా జనగనమణ మూవీతో పాటు పలు ప్రాజెక్ట్స్‌కు సైన్‌ చేసింది. 

‘మొహంజోదారో’ చిత్రంతో బీటౌన్‌లో అడుగుపెట్టారు ఇప్పటి టాలీవుడ్‌ బిజీ హీరోయిన్‌ పూజాహెగ్డే. కానీ, ఆ సినిమా ఆశించిన ఫలితాన్ని ఇవ్వకపోవడంతో ఆమె నటించిన మరో సినిమా విడుదలకు దాదాపు మూడేళ్లు పట్టింది. తాజాగా అక్షయ్‌ కుమార్‌ ‘హౌస్‌ఫుల్‌ 4’ సినిమాతో హిందీ తెరపై మెరవబోతున్నారీ బ్యూటీ. ‘మొహంజోదారో’ సినిమా విఫలం కావడం వల్లే బాలీవుడ్‌లో మీకు అవకాశాలు తగ్గాయా? అన్న ప్రశ్నను పూజా ముందు ఉంచితే...‘‘ఈ ప్రశ్న ఎదురైన ప్రతిసారీ చెబుతూనే ఉన్నాను. ఈ సినిమా చేసినందుకు పశ్చాత్తాపం లేదు. అప్పట్లో ఈ సినిమా చేయాలని నేను తీసుకున్న నిర్ణయం సరైనదేనని ఇప్పటికీ నమ్ముతున్నాను. నా తొలి హిందీ సినిమాలోనే హృతిక్‌రోషన్‌ వంటి స్టార్‌ హీరోతో కలిసి నటించినందుకు సంతోషంగా ఉంది. ఇక సినిమా ఫలితం అన్నది నటీనటుల చేతుల్లో ఉండదు. ప్రేక్షకులు నిర్ణయిస్తారు. నేను నటించిన ‘హౌస్‌ఫుల్‌ 4’ ప్రేక్షకులకు కచ్చితంగా నచ్చుందనే నమ్మకం ఉంది’’ అన్నారు.


 ముంబై: ఫ్లాప్ టాక్ వచ్చినప్పటికీ హృతిక్ రోషన్ తాజా సినిమా 'మొహంజోదారో' బాక్సాఫీస్ వద్ద నిలదొక్కుకుంది. ఎట్టకేలకు రూ. 100 కోట్ల క్లబ్ లో చేరింది. 10 రోజుల్లో ప్రపంచవ్యాప్తంగా 102.82 కోట్ల గ్రాస్ వసూళ్లు సాధించింది. ఆగస్టు 12న విడుదలైన ఈ సినిమా నినాదంగా కలెక్షన్లు కొల్లగొట్టింది. ఇండియాలో వసూళ్లకు దీటుగా అబ్రాడ్ లోనూ కలెక్షన్లు వచ్చాయని నిర్మాతలు వెల్లడించారు. భారత్ లో రూ. 76.5 కోట్లు, విదేశాల్లో 26.32 కోట్ల గ్రాస్ సాధించినట్టు ప్రకటించారు.
 
 అసతోష్ గోవారికర్, హృతిక్ రోషన్ కాంబినేషన్ లో వచ్చిన రెండో సినిమా ఇది. 2008లో వీరిద్దరి కాంబినేషన్ లో వచ్చిన ‘జోదాఅక్బర్’ మంచి విజయం సాధించింది. కాగా, 'మొహంజోదారో' కలెక్షన్లపై హృతిక్ రోషన్ అసంతృప్తిగా ఉన్నాడు. ఈ సినిమాతో పాటు విడుదలైన అక్షయ్ కుమార్ ‘రుస్తుం’  బాక్సాఫీస్ వద్ద భారీ వసూళ్లతో దూసుకుపోతోంది.