సాక్షి, హైదరాబాద్‌: పెద్ద నోట్ల రద్దు సమయంలో తప్పుడు ఇన్వాయిస్‌లతో నల్లధనాన్ని తెల్లధనంగా మార్చే విషయంలో అడ్డంగా దొరికిపోయిన ముసద్దిలాల్‌ జ్యువెల్లర్స్‌పై తాజాగా మరో కేసు నమోదైంది. తమకు రూ.75 కోట్లు రుణం తీసుకుని ఎగ్గొట్టారన్న ఇండియన్‌ ఓవర్సీస్‌ బ్యాంకు (ఐవోబీ) ఫిర్యాదుతో సీబీఐ చీటింగ్‌ కేసు నమోదు చేసింది. ఈ కేసులో ముసద్దిలాల్‌ జ్యువెల్లర్స్‌ అండ్‌ ఎక్స్‌పోర్ట్స్‌ ప్రైవేట్‌ లిమిటెడ్‌తోపాటు కంపెనీ డైరెక్టర్లు మోహన్‌లాల్‌ గుప్తా, ప్రశాంత్‌ గుప్తాలను నిందితులుగా చేర్చింది. పంజగుట్ట కేంద్రంగా నడుస్తోన్న ముసద్దిలాల్‌ జ్యువెల్లర్స్‌ అండ్‌ ఎక్స్‌పోర్ట్స్‌ ప్రైవేట్‌ లిమిటెడ్‌ 2009 అక్టోబర్‌లో ఐఎన్జీ వైశ్యా బ్యాంక్‌ నుంచి రూ.55 కోట్లు రుణం తీసుకుంది. ఈ క్రమంలో తమ రుణాన్ని ఇండియన్‌ ఓవర్సీస్‌ బ్యాంకు(ఐఓబీ)కు మార్చాలంటూ ముసద్దిలాల్‌ జ్యువెల్లర్స్‌ ఐఎన్జీ వైశ్యా బ్యాంకుకు విన్నవించుకుంది. బ్యాలెన్స్‌ షీట్‌ సరిగానే నిర్వహించడంతో సంతృప్తి చెందిన ఐఎన్జీ వైశ్యా బ్యాంకు 2013 మార్చిలో ఆ రుణాన్ని ఐవోబీ బ్యాంకుకు మార్చారు. ఆ తర్వాత బ్యాంకు వద్ద మరికొంత రుణం తీసుకున్నారు. అది కాస్తా రూ.82 కోట్లకు చేరింది. రానురాను రుణాన్ని తిరిగి చెల్లించడంలో ముసద్దిలాల్‌ జ్యువెల్లర్స్‌ విఫలమవుతూ వచ్చింది. దీంతో 2014 మార్చిలో ఖాతాలను బ్యాంకు స్తంభింపజేసింది. 2016లో జరిగిన ఆడిట్‌ తనిఖీల్లో వారు తీసుకున్న రుణంలో రూ.58 కోట్ల రూపాయలను ఇతర కంపెనీలకు మళ్లించినట్లుగా గుర్తించారు. దీంతో తమ వద్ద తీసుకున్న రుణాన్ని ఉద్దేశపూర్వకంగా మళ్లించి తమకు రూ.75 కోట్లు ఎగ్గొట్టారని బ్యాంకు నిర్ధారణకు వచ్చింది. దీంతో ఐవోబీ బ్యాంకు చీఫ్‌ రీజనల్‌ మేనేజర్‌ రవిచంద్రన్‌ సీబీఐకి ఫిర్యాదు చేశారు. దీనిపై స్పందించిన సీబీఐ బెంగళూరు శాఖ ముసద్దిలాల్‌ జ్యువెల్లర్స్‌తోపాటు కంపెనీ డైరెక్టర్లు మోహన్‌లాల్‌ గుప్తా, ప్రశాంత్‌ గుప్తాలపై ఐపీసీ 120, 406, 420, 468, 471 సెక్షన్ల ప్రకారం కేసులు నమోదు చేసింది.


 ఆశ్రయం కల్పించిన వ్యక్తీ కటకటాల్లోకి..
 
 సాక్షి, హైదరాబాద్‌: పెద్దనోట్ల రద్దు ప్రకటన వెలువడిన రోజు రాత్రి మూడు గంటల వ్యవధిలో బోగస్‌ పత్రాలు, రసీదులతో సుమారు వంద కోట్ల ‘వ్యాపారం’చేసినట్లు ఆరోపణలు ఎదుర్కొంటున్న ముసద్దీలాల్‌ జెమ్స్‌ అండ్‌ జ్యుయెలర్స్‌ ప్రైవేట్‌ లిమిటెడ్‌.. దాని అనుబంధ సంస్థలు ముసద్దీలాల్‌ జెమ్స్‌ అండ్‌ జ్యుయెలర్స్, వైష్ణవి బులియన్‌ ప్రైవేట్‌ లిమిటెడ్‌పై నమోదైన కేసుకు సంబంధించి వీటి డైరెక్టర్‌గా ఉన్న కైలాశ్‌చంద్‌గుప్తాను సీసీఎస్‌ పోలీసులు బుధవారం అరెస్టు చేశారు. ఈ కేసులో నిందితులు రిజిస్ట్రార్‌ ఆఫ్‌ కంపెనీస్‌ (ఆర్‌వోసీ) రికార్డుల్నీ తారుమారు చేశారని డీసీపీ అవినాష్‌ మహంతి పేర్కొన్నారు. ఓ కేసులో నిందితుడిగా ఉన్న కైలాశ్‌గుప్తాకు ఆశ్రయం కల్పించిన అతడి బంధువు సాగర్‌ పెట్రోలియం ప్రైవేట్‌ లిమిటెడ్‌ ఎండీ నరేందర్‌ కుమార్‌నూ అరెస్టు చేసినట్లు తెలిపారు. ముసద్దీలాల్‌ సంస్థలకు కైలాశ్‌ ఆయన కుమారులు నితిన్‌గుప్తా, నిఖిల్‌గుప్తా, కోడలు నేçహాగుప్తా తదితరులు డైరెక్టర్లుగా ఉన్నారు.
 
 నోట్ల రద్దు ప్రకటన వెలువడిన నవంబర్‌ 8 రాత్రి వీరంతా కలసి తమ వద్ద ఉన్న నల్లధనాన్ని తెల్లధనంగా మార్చాలని కుట్ర పన్నారు. దీనికోసం ఆ రోజు రాత్రి 9 నుంచి అర్థరాత్రి 12 గంటల మధ్య 5,200 మంది వినియోగదారులు రూ.97.85 కోట్ల బంగారం ఖరీదు చేసినట్లు బోగస్‌ అడ్వాన్స్‌ పేమెంట్‌ రసీదులు సృష్టించారు. దీనిపై ఆదాయపన్ను శాఖ ఫిర్యాదు మేరకు నమోదైన కేసును సీసీఎస్‌ అధికారులు దర్యాప్తు చేస్తున్నారు. నిందితుల అరెస్టుపై న్యాయస్థానం ఇచ్చిన స్టే ఇటీవల తొలగిపోవడంతో వీరు తమ సెల్‌ఫోన్లు, సిమ్‌కార్డుల్ని ఎప్పటికప్పుడు మార్చేస్తూ తప్పించుకు తిరుగుతున్నారు. రెండు రోజులు ఒకే ఇంట్లో ఉండకుండా ఆశ్రయం పొందుతున్నారు. కైలాశ్‌.. నరేంద్రకుమార్‌కు చెందిన మణికొండలోని ఇంటితో పాటు ఆటోనగర్‌లోని ఫ్యాక్టరీలో ఆశ్రయం పొందాడు. దీనిపై సమాచారం అందుకున్న సీసీఎస్‌ పోలీసులు బుధవారం దాడి చేసి కైలాశ్‌తో పాటు అతడికి ఆశ్రయం కల్పించిన నరేంద్రను అరెస్టు చేశారు.
 
 వినియోగదారుల పరిశీలన ప్రారంభం..
 నోట్ల రద్దు ప్రకటన రోజు ముసద్దీలాల్‌ యాజమాన్యం రూపొందించిన బోగస్‌ బిల్లుల ప్రకారం ప్రతి వినియోగదారుడు రూ.1.89 లక్షల బంగారం ఖరీదు చేశాడు. ఈ రసీదులతో పాటు మరికొన్ని ధ్రువీకరణల్నీ జత చేసింది. ఇవి బోగస్‌ అనే అనుమానంతో సీసీఎస్‌ పోలీసులు క్రాస్‌ వెరిఫికేషన్‌ ప్రారంభించారు. ఆ గుర్తింపు పత్రాల ఆధారంగా సంబంధీకుల్ని పిలిపించి విచారిస్తున్నారు. ముసద్దీలాల్‌ యాజమాన్యం నవంబర్‌ 8న తమ సీసీ కెమెరాల్లో రికార్డు అయిన ఫీడ్‌లోనూ మార్పుచేర్పులు చేసినట్లు సీసీఎస్‌ పోలీసులు అనుమానిస్తున్నారు. అలాగే అరెస్టుల్ని తప్పించుకునేందుకు ముసద్దీలాల్‌ సంస్థలకు వేరే వ్యక్తులు డైరెక్టర్లుగా ఉన్నారని పేర్కొంటూ ఆర్‌వోసీ రికార్డుల్నీ తారుమారు చేశారు. ముసద్దీలాల్‌ యాజమాన్యం గతంలో ఐటీ విభాగంతో సంప్రదింపులు జరిపినప్పుడు తాము ఆ రోజు చేసిన రూ.97.85 కోట్ల వ్యాపారంలో రూ.10 కోట్ల వరకు లాభం వచ్చిందని, ఆ మేరకు పన్ను చెల్లిస్తామని చెప్పినట్లు తెలిసింది. అయితే సీసీఎస్‌ పోలీసులు రంగంలోకి దిగిన తర్వాత రూ.97.85 కోట్ల వ్యాపారానికి సంబంధించి రూ.75 కోట్ల వరకు పన్ను చెల్లిస్తామంటూ ఐటీ విభాగంతో చెప్పినట్లు సమాచారం.
 
 ముసద్దీలాల్‌ డైరెక్టర్లకు ముందస్తు బెయిల్‌  
 పాత నోట్ల రద్దు నేపథ్యంలో అక్రమంగా పెద్ద ఎత్తున బంగారం విక్రయించారంటూ సీసీఎస్‌ అధికారులు నమోదు చేసిన కేసులో ముసద్దీలాల్‌ జ్యుయెల్లర్స్, వైష్ణవి బులియన్‌ డైరెక్టర్లు నితిన్‌గుప్తా, నిఖిల్‌గుప్తా, నరేందర్‌జీ, వినుత బొల్లా, మల్లేశ్‌లకు నాంపల్లి కోర్టు తాత్కాలిక ముందస్తు బెయిల్‌ మంజూరు చేసింది. తదుపరి ఉత్తర్వులు జారీ చేసే వరకూ వీరిని అరెస్టు చేయరాదని మొదటి అదనపు మెట్రోపాలిటన్‌ సెషన్స్‌ జడ్జి డి.తిరుమలరావు బుధవారం ఉత్తర్వులు జారీ చేశారు. విచారణకు సహకరించడం లేదనే పేరుతో ముసద్దీలాల్‌ జ్యుయెలర్స్‌ డైరెక్టర్లను పోలీసులు అరెస్టు చేసే అవకాశం ఉందని, వారికి ముందస్తు బెయిల్‌ మంజూరు చేయాలని వారి తరఫు న్యాయవాది బి.చంద్రసేన్‌రెడ్డి దాఖలు చేసిన పిటిషన్‌ను న్యాయమూర్తి విచారించిన అనంతరం వీరికి తాత్కాలికంగా ముందస్తు బెయిల్‌ మంజూరు చేస్తూ విచారణను శనివారానికి వాయిదా వేశారు. కాగా, ఇదే కేసులో నిందితునిగా ఉన్న మరో డైరెక్టర్‌ కైలాశ్‌గుప్తాను అరెస్టు చేసిన సీసీఎస్‌ పోలీసులు బుధవారం కోర్టులో హాజరుపర్చి రిమాండ్‌కు తరలించారు.


 దర్యాప్తు ముమ్మరం చేసిన సీసీఎస్‌ అధికారులు
 
 సాక్షి, హైదరాబాద్‌: పెద్ద నోట్ల రద్దు ప్రకటన వెలువడిన నవంబర్‌ 8వ తేదీ రాత్రి నుంచి 9వ తేదీ తెల్లవారుజాము వరకు రూ.100 కోట్లకు పైగా వ్యాపారం చేసిన ముసద్దీలాల్‌ జెమ్స్‌ అండ్‌ జ్యుయెలర్స్‌ ప్రైవేట్‌ లిమిటెడ్, దాని అనుబంధ సంస్థ వైష్ణవి బులియన్‌ ప్రైవేట్‌ లిమిటెడ్‌పై నమోదైన కేసు దర్యాప్తును నగర నేర పరిశోధన విభాగం(సీసీఎస్‌) ముమ్మరం చేసింది. శుక్రవారం వరకు వీటికి చెందిన మొత్తం 14 బ్యాంకు ఖాతాలను సీసీఎస్‌ అధికారులు ఫ్రీజ్‌ చేశారు. ఆదాయ పన్ను శాఖ అధికారుల ఫిర్యాదు మేరకు జూబ్లీ హిల్స్‌ ఠాణాలో నమోదైన కేసు సీసీఎస్‌కు బదిలీ అయింది. ఆరోపణలు ఎదుర్కొంటు న్న రెండు సంస్థలూ బంజారాహిల్స్‌ రోడ్‌ నం.2లోని ఒకే ప్రాంగణంలో ఉన్నాయి. ఈ సంస్థలకు చెందిన డైరెక్టర్లు నితిన్‌ గుప్తా, సీరా మల్లేష్, నరేంద్రజి గెల్లబోయిన, వినూత బొల్ల నిందితులుగా ఉన్నారు.
 
 8 గంటల్లో 100 కోట్ల వ్యాపారం
 పెద్ద నోట్ల రద్దు నిర్ణయాన్ని కేంద్రం నవంబర్‌ 8వ తేదీ రాత్రి వెల్లడించింది. ఎక్కువ ధరకు బంగారం కొనుగోలు చేయ డానికి సిద్ధమైన వారి నుంచి రద్దయిన పాత నోట్లను తీసుకో వడానికి సిద్ధమైన ఈ రెండు సంస్థల యాజ మాన్యాలూ అక్రమ వ్యాపారానికి తెరలేపా యి. 8వ తేదీ రాత్రి నుంచి 9వ తేదీ తెల ్లవారు జాము వరకు 8 గంటల వ్యవధి లోనే 5,200 మంది వినియోగదారులకు రూ.100 కోట్ల విలువ చేసే ఆభరణాలను విక్రయించి నట్లు ఈ సంస్థలు రికార్డులు రూపొందించా యి. ముసద్దీలాల్‌ జ్యువెల్లర్స్‌ యాజమాన్యం పంజ గుట్టలోని ఎస్‌బీఐ బ్రాంచ్‌లో నవంబర్‌ 10న రూ.57.85 కోట్లు, 11న రూ.24.8 కోట్లు, 15న రూ.27.2 కోట్లు పెద్దనోట్లను జమ చేసింది. వైష్ణవి బులియన్‌ జూబ్లీహిల్స్‌ యాక్సిస్‌ బ్యాం కులో గత నెల 10న ఓ కొత్త అకౌంట్‌ తెరిచి రూ.40 కోట్ల పాతనోట్లను జమ చేసింది.
 
 వివిధ ఖాతాలకు నిధుల మళ్లింపు
 ఎస్బీఐలో జమ చేసిన రూ.57.85 కోట్లను మసద్దీలాల్‌ యాజమాన్యం వివిధ బ్యాంకు ఖాతాల్లోకి బదిలీ చేసింది. నవంబర్‌ 11–23 తేదీల మధ్య ఈ నగదును దాదాపు 31 దఫాలుగా వివిధ ఖాతాల్లోకి మార్చారని సీసీఎస్‌ గుర్తిం చింది. శ్రీబాలాజీ గోల్డ్, ఎంఎస్‌ ఇంప్లెక్స్, వైష్ణవి బులియన్‌ ప్రైవేట్‌ లిమిటెడ్‌ తది తర కంపెనీల పేర్లతో ఉన్న ఖాతాల తోపాటు డైరెక్టర్‌ నితిన్‌  వ్యక్తిగత ఖాతా లోకీ మళ్ళించారని తేలింది. యాక్సిస్‌ బ్యాంక్‌లో డిపాజిట్‌ చేసిన రూ.40 కోట్ల నగదును అష్టలక్ష్మీ గోల్డ్‌ ఖాతాలోకి బదిలీ చేశారు. దీని నుంచి 36 దఫాల్లో  బ్యాంకు ఖాతాల్లోకి మళ్లించారు. ఒక్కో ఖాతాలోకి కనిష్టంగా రూ.99 లక్షల నుంచి గరిష్టంగా రూ.4 కోట్ల వరకు బదిలీ చేసినట్లు సీసీ ఎస్‌ అధికారులు గుర్తించారు.  నగదు బది లీ అయిన ఖాతాలపై ఆరా తీస్తున్నారు.