నిరంతర కృషి, అంకితభవంతో ప్రయత్నిస్తే సాధించలేనిది అంటూ ఏదీ ఉండదని 'నమస్తే సేట్ జీ' హీరోయిన్ స్వప్నా చౌదరి అమ్మినేని అన్నారు. తల్లాడ సాయి కృష్ణ స్వీయ దర్శకత్వంలో రూపొందించిన చిత్రం ఈ నెల 9న విడుదలై థియేటర్లలో ప్రదర్శితమవుతోంది. ఈ రోజు స్వప్నా చౌదరి జన్మదినం సందర్భంగా చిత్ర విశేషాలను పంచుకున్నారు. స్వప్న చౌదరి మాట్లాడుతూ.. 'ఈ పుట్టిన రోజు నాకెంతో ముఖ్యమైనది. నేను కథానాయికగా నటించిన మొదటి చిత్రం ఇంతటి ఘన విజయాన్ని సాధించడం మరిచిపోలేని అనుభూతి. వాస్తవానికి సక్సెస్ చాలా ఈజీ.. దాని కోసం నిరంతరం చేసే ప్రయత్నమే చాలా కష్టం. నేను పుట్టి పెరిగిందంతా ఖమ్మంలోనే. నటనలో మంచి పేరు తెచ్చుకోవాలని చిరకాల కోరిక. కానీ మొదటి సినిమాతోనే అది పదిలం అవుతుందని అనుకోలేదు. దీనంతటికీ ముఖ్య కారణం సినిమా డైరక్టర్ తల్లాడ సాయి కృష్ణ. ఈ సినిమా విజయంలో మూవీ టీం సహకారం ఎప్పటికీ మర్చిపోలేనిది. త్వరలో మరో సినిమాలో చేసే ఆలోచనలో ఉన్నా.' అని అన్నారు. 

తల్లాడ సాయికృష్ణ హీరోగా నటించి, స్వీయ దర్శకత్వంలో తెరకెక్కించిన చిత్రం ‘నమస్తే సేట్‌జీ..’. అమ్మినేని స్వప్న హీరోయిన్‌. తల్లాడ శ్రీనివాస్‌ నిర్మించిన ఈ చిత్రం ఈ 9న విడుదల కానుంది. ఈ సందర్భంగా జరిగిన  ప్రీ రిలీజ్‌ వేడుకలో నిర్మాతలు రామసత్యనారాయణ, మహంకాళి దివాకర్‌ పాల్గొని ట్రైలర్, ఆడియోలను లాంచ్‌ చేశారు. సాయికృష్ణ మాట్లాడుతూ– ‘‘కిరాణా షాపు యజమానుల నేపథ్యంలో ఈ సినిమా ఉంటుంది. కరోనా టైమ్‌లో నన్ను కలచివేసిన వాస్తవ ఘటనలతో సందేశాత్మకంగా ఈ సినిమా తీశాను’’ అన్నారు. ‘‘ప్రతి కిరాణా షాపు యజమాని చూడాల్సిన చిత్రమిది’’ అన్నారు తల్లాడ శ్రీనివాస్‌.

తల్లాడ సాయి కృష్ణ దర్శకత్వం వహిస్తూ,హీరోగా నటిస్తున్న తాజా చిత్రం ‘నమస్తే సేట్‌ జీ’. శ్రీ అన్నపూర్ణ క్రియేషన్స్ బ్యానర్‌పై తల్లాడ శ్రీనివాస్ నిర్మిస్తున్న ఈ చిత్రంలో స్వప్న చౌదరి, మోన, రేఖ హీరోయిన్లుగా నటించారు. ఇటీవల సెన్సార్ పూర్తి చేసుకొని క్లీన్ "యూ" సర్టిఫికెట్‌ని అందుకున్న ఈ సినిమా 80 శాతం సింగిల్ లొకేషన్‌లో షూటింగ్ జరుపుకుంది. ఈ సందర్భంగా తెలంగాణ రాష్ట్ర టూరిజం శాఖ డెవలప్మెంట్ చైర్మెన్ ఉప్పల శ్రీనివాస్ గుప్తా 'నమస్తే సేట్ జీ' సినిమా టీం ని అభినందించారు. డైరెక్టర్, హీరో తల్లాడ సాయి కృష్ణ మాట్లాడుతూ.. ‘కిరాణా షాప్ వారి జీవన విధానాల పైన రూపొందించిన ఈ సీనిమా రెండు పార్ట్‌లుగా విడుదల అవ్వబోతుంది. నమస్తే సెట్ జీ పార్ట్ 1 ని రీసెంట్ గా షూట్ చేశాం.ఇది కామెడీ  మెస్సేజ్ జోనర్ లో ఉంటుంది. ఈ సినిమా ని 80 శాతం సింగిల్ లొకేషన్ లో షూట్ చేయడం జరిగింది. కొత్తగా ఉంటుంది అని సింగిల్ లొకేషన్ లొనే సినిమా ని షూట్ చేశాం. ఓపికగా, అర్థం చేసుకుంటే సినిమా చాలా మంది ప్రేక్షకుల్ని మెప్పిస్తుంది. త్వరలో నమస్తే సెట్ జీ పార్ట్ 2 కి సంబంధించిన వివరాలు వెల్లడిస్తాం’ అని అన్నారు.