నటిగా, నిర్మాతగా, టాక్‌ షోకి హోస్ట్‌గా.. ఏం చేసినా లక్ష్మీ మంచు ఫుల్‌ మార్కులు సంపాదించుకుంటారు. ఇప్పుడు ఓ కొత్త షోను ప్రకటించారు. గురువారం లక్ష్మీ మంచు పుట్టినరోజు. ఈ సందర్భంగా ఆమె తాజా షో ‘కమింగ్‌ బ్యాక్‌ టు లైఫ్‌ విత్‌ లక్ష్మీ మంచు’ని ప్రకటించారు. ఈ షోలో ఆమె íసినిమా, స్పోర్ట్స్, ఫ్యాషన్, ఫుడ్‌ తదితర రంగాలకు చెందిన సెలబ్రిటీలను ఇంటర్య్వూ చేయనున్నారు. ఈ షోకి సంబంధించి లక్ష్మీ విడుదల చేసిన ప్రోమోలో రాజమౌళి, తాప్సీ, సెంథిల్‌ రామమూర్తి, సానియా మీర్జా, ప్రకాశ్‌ అమృతరాజ్‌ తదితర ప్రముఖులు కనిపిస్తున్నారు. ఈ షో త్వరలోనే ప్రారంభం కానుందని లక్ష్మీ తెలిపారు. సౌత్‌ బే సమర్పణలో ఈ షో రూపొందుతోంది. ఇదిలా ఉంటే.. లాక్‌డౌన్‌లో ‘లాక్డ్‌ అప్‌ విత్‌ లక్ష్మీ మంచు’ పేరుతో పలువురు సినీ, రాజకీయ ప్రముఖులతో ఇన్‌స్టాగ్రామ్‌ లైవ్‌ ద్వారా ఇంటరాక్ట్‌ అయ్యారు లక్ష్మీ. ఈ లైవ్‌కి మంచి ఆదరణ లభించింది. అలాగే ఇప్పుడు ‘కమింగ్‌ బ్యాక్‌ టు లైఫ్‌ విత్‌ లక్ష్మీ మంచు’ షోని అందర్నీ అలరించేలా నిర్వహించడానికి లక్ష్మీ రెడీ అవుతున్నారు.

‘మేము సైతం’ షోతో బుల్లితెరలో తనకంటూ ఓ ప్రత్యేక గుర్తింపు తెచ్చుకున్నారు  మంచు లక్ష్మీ ప్రసన్న. టాక్ షోస్, రియాలిటీ షోలతో లక్ష్మీకి ఫాలోయర్స్ బాగానే పెరిగిపోయారు. గతేడాది కూడా ఓ బోల్డ్ షోను హోస్ట్ చేశారు మంచు లక్ష్మీ. దీని ద్వారా స్టార్స్ అందరి బెడ్రూమ్ ముచ్చట్లు బయటికి తీసుకొచ్చారు. ‘ఫీట్ అప్ విత్ ది స్టార్స్’ అంటూ మంచు లక్ష్మీ చేసిన ఈ షో బాగానే పాపులర్ అయింది. ఇక లాక్‌డౌన్ సమయంలో కూడా 'లాక్డ్ అప్ విత్ ల‌క్ష్మీ మంచు' పేరుతో ప‌లువురు సినీ, పొలిటిక‌ల్ సెల‌బ్రిటీల‌తో ఇన్‌స్టాగ్రామ్ లైవ్‌లో ఆమె ఇంట‌రాక్ట్ అయ్యారు. తాజాగా తన పుట్టిన రోజు సందర్భంగా అక్టోబర్ 8న మరో కొత్త షోకు శ్రీకారం చుట్టారు మంచు లక్ష్మీ. ఇందుకు సంబంధించిన ప్రోమోతో త‌న కొత్త షోను అనౌన్స్ చేశారు మంచు లక్ష్మీ. (చదవండి: ‘మళ్లీ జన్మలోనూ నా కూతురిగానే పుట్టాలి’) #ComingBackToLifeWithLakshmi It’s a series of positive,forward-looking conversations with celebrated personalities across the globe, Hosted by @LakshmiManchu Presented by @RanaDaggubati , the digital series will air on @SouthBaySound #ComeBackToLife pic.twitter.com/WiL21R8IZI — Lakshmi Manchu (@LakshmiManchu) October 8, 2020 సౌత్ బే స‌మ‌ర్పిస్తోన్న‌ ఆ షో పేరు 'క‌మింగ్ బ్యాక్ టు లైఫ్ విత్ ల‌క్ష్మీ మంచు'. ఇది కూడా లాక్‌డౌన్ సమయంలో వచ్చిన 'లాక్డ్ అప్ విత్ ల‌క్ష్మీ మంచు' త‌ర‌హాలోనే ఉండబోతుంది. ఈ షోలో ఆమె ఫిలిమ్స్‌, స్పోర్ట్స్‌, ఫ్యాష‌న్‌, ఫుడ్‌.. త‌దిత‌ర రంగాల‌కు చెందిన సెల‌బ్రిటీల‌ను ఇంట‌ర్వ్యూ చేయబోతున్నారు. తాజాగా విడుదలైన ప్రోమోలో టాలీవుడ్ దర్శక దిగ్గజం రాజ‌మౌళితో పాటు లక్ష్మీ ఫ్రెండ్ తాప్సీ ప‌న్ను.. సెంథిల్ రామ‌మూర్తి, సానియా మీర్జా, ప్ర‌కాష్ అమృత‌రాజ్‌, శంత‌ను, నిఖిల్‌, బిభు మొహాపాత్ర‌, పూజా ధింగ్రా, అన్నా పొలీవియౌ త‌దిత‌రులు కనిపిస్తున్నారు. సౌత్ బే ప్రెజెంట్ చేస్తున్న 'క‌మింగ్ బ్యాక్ టు లైఫ్ విత్ ల‌క్ష్మీ మంచు' షో త్వ‌ర‌లోనే ప్రారంభం కానుంది.

హైదరాబాద్‌ : ట్యాలెంట్‌ ఉన్న హ్యాస్యనటులను ప్రోత్సహించేందుకు నటుడు నాగబాబు డిజిటల్‌ మీడియా వేదికగా రెండు కొత్త షోలను ప్రారంభించనున్నట్టుగా ప్రకటించిన సంగతి తెలిసిందే. అందులో ఒకటి స్టాండప్‌ కామెడీ షో, మరోకటి ‘అదిరింది’ మాదిరి కామెడీ స్కిట్స్‌ అని తెలిపారు. అందులో ఇప్పటికే స్టాండప్‌ కామెడీ షో.. ఖుషీ ఖుషీగా వివరాలను జబర్దస్త్‌ నటుడు బుల్లెట్‌ భాస్కర్‌ వెల్లడించారు. తాజాగా కామెడీ స్కిట్స్‌తో కూడిన షో వివరాలను జబర్దస్త్‌ ఫేమ్‌ గెటప్‌ శ్రీను ఓ వీడియో ద్వారా వివరించారు.(రెండు రోజుల తర్వాత కరోనా అంటూ ఫోన్‌..!) షో పేరు విజిల్‌.. ప్రీలోడెడ్‌ అని తెలిపారు. ఈ డిజిటల్‌ షోలో అవకావం దక్కించుకోవడానికి ఏం చేయాలో కూడా వివరించారు. ఆ తర్వాత ఎంపిక ప్రకియ ఎలా కొనసాగుతుందో కూడా తెలిపారు. ఎంపికైనవారికి ప్రోత్సహకాలు ఉంటాయని చెప్పారు. నాగాబాబు ఆధ్వర్యంలోని జడ్జిమెంట్‌ ప్యానల్‌ చివరకు.. ఆరు టీమ్‌లను ఎంపిక చేసి వాటి మధ్య ఫైనల్‌ నిర్వహించనున్నట్టు వెల్లడించారు. వీరికి ఓటీటీ ప్లాట్‌ఫామ్‌లో అవకాశం కల్పించనున్నట్టు చెప్పారు. ఈ షోలో పాపులర్‌ కమెడియన్స్‌ కూడా పాల్గొనే అవకాశం ఉందన్నారు. ఆసక్తి కలిగిన వారు ఈ అవకాశాన్ని సద్వినియోగం చేసుకోవాలని కోరారు. (హీరోయిన్‌ ఐశ్వర్య అర్జున్‌కు కరోనా) Here's a golden chance for all the Talented people. Don't miss this opportunity! Registration link - https://t.co/K2jXq5AfqW Watch Here: https://t.co/NEJVY6C86A#VijilPreloadedShow #NagaBabu #GetupSrinu #ManaChannelManaIshtam — Naga Babu Konidela (@NagaBabuOffl) July 20, 2020


 ముంబై: 'ద కపిల్ శర్మ షో' అంటూ త్వరలో టీవీ ప్రేక్షకుల ముందుకు రాబోతున్న నటుడు కపిల్ శర్మ బుర్రలో ఓ కొత్త ఐడియా తళుక్కుమంది.  కొత్తదనం కోసం పరితపిస్తున్న ఆయన తాను చేస్తున్న  తన కొత్త కామెడీ షోలో భారత ప్రధానమంత్రి  నరేంద్ర మోదీని చూడాలనుకుంటున్నాడట.  'కామెడీ నైట్స్ విత్ కపిల్'  అంటూ నిన్నమొన్నటి వరకు టీవీ ఛానల్‌ లో బాలీవుడ్ ప్రముఖులు, స్పోర్ట్స్ సెలబ్రిటీలను  ఆహ్వానించి ఆకట్టుకున్న  కపిల్ శర్మ  తన కొత్త షోలో  రాజకీయ నాయకులతో కూడా హల్చల్ చేయనున్నాడట. ఈ నేపథ్యంలో మోదీ జీవితంలోని  స్ఫూర్తివంతమైన కోణాన్ని ప్రజలకు పరిచయం చేయాలని ఆశపడుతున్నాడట. తద్వారా రాజకీయ ప్రముఖులకు, ప్రజలకు మధ్య అనుసంధానంగా ఉండాలని కోరుకుంటున్నానని కపిల్ ఓ ఇంటర్వ్యూలో పేర్కొన్నాడు.
 
 ఇటీవల  అమెరికాలోని ఓ టీవీ  షోలో (ఎల్లెన్ డేజనెర్స్) బరాక్ ఒబామాను చూసిన తరువాత కపిల్ మదిలో ఈ ఆలోచన వచ్చిందట. మోదీ జీవితంలోని గొప్పఅంశాలను తనకు చాలా   ప్రేరణనిచ్చాయని, ఆయనతో మాట్లాడి, నిర్ణయం తీసుకుంటానన్నాడు. అయితే ఈ  షోలో రాజకీయాలు,  పార్టీ వ్యవహరాలకు చోటు ఉండదట. కేవలం స్ఫూర్తివంతమైన ఆయన రాజకీయ జీవితాన్ని ప్రేక్షకులకు అందించాలన్నదే తన ఉద్దేశమంటున్నాడు. ఒక మారుమూల గ్రామం నుంచి, దేశ ప్రధాని స్థాయికి ఎదిగిన మోదీ  రాజకీయ ప్రస్థానం ద్వారా ఇతరులకు ప్రేరణ కలిగించాలని భావిస్తున్నట్లు కపిల్ శర్మ తెలిపాడు. మరోవైపు సహనటుడు కృష్టతో విభేదాలంటూ వచ్చిన వార్తలను  కపిల్  ఖండించాడు. అలాంటిదేమీ లేదని ఇద్దరం కలిసి ఓ షో చేయబోతున్నట్లు అతడు స్పష్టం చేశాడు.
 
 కాగా పాపులర్‌ హిందీ కామెడీ షో 'కామెడీ నైట్స్‌ విత్‌ కపిల్‌' వ్యాఖ్యాత కపిల్‌ శర్మ ఇప్పుడు మరో కొత్త కామెడీ షోతో ప్రేక్షకుల ముందుకు రానున్న సంగతి తెలిసిందే. ఏప్రిల్ 23 నుంచి శని, ఆదివారాలలో తొమ్మిది గంటలకి ప్రసారంకానున్నీ  షో  ప్రమోషన్ కోసం ఢిల్లీ, లక్నో, భోపాల్, అమృత్ సర్  లాంటి ప్రముఖ నగరాలలో లైవ్ పెర్‌ఫార్మెన్స్‌ ఇవ్వడానికి రెడీ అవుతున్నాడు.