ఏదైనా సినిమాలో తమ పాత్రకు అనుగుణంగా డ్యాన్సింగ్‌కో, కొత్త భాష నేర్చుకోవడానికో నటీనటులు ట్రైనర్స్‌ని పెట్టుకుంటారు. అయితే హాలీవుడ్‌ యాక్టర్‌ నికొలస్‌ కేజ్‌ మాత్రం తాగడం కోసం ఓ కోచ్‌ను పెట్టుకున్నారు. ‘లీవింగ్‌ లాస్‌వేగాస్‌’ అనే చిత్రంలో మద్యానికి బానిసైన రచయితగా నికొలస్‌ నటించాలి. ఆ పాత్ర కోసం డ్రింకింగ్‌ కోచ్‌ని పెట్టుకోవల్సి వచ్చింది. సినిమా షూటింగ్‌ చేసే రోజులన్నీ అతన్ని సెట్లోనే ఉండమని, అతని ఆహార్యాన్ని గమనిస్తూ ఈ సినిమాను పూర్తి చేశారట. ఈ విషయాన్ని ఇటీవల నికొలస్‌ తెలిపారు. ఈ సినిమాకు గాను బెస్ట్‌ యాక్టర్‌గా కేజ్‌ ఆస్కార్‌ అవార్డ్‌ గెలుచుకున్నారు. అన్నట్లు.. నికొలస్‌కు మద్యం అలవాటు లేక కోచ్‌ని పెట్టుకున్నారను కుంటున్నారా? అదేం లేదు. అయితే బానిస అయిన వ్యక్తిగా నటించాలి కదా.. అందుకే.


 ఇంట్లో దొంగలు పడితే సాధారణంగా వస్తువులు, డబ్బుల్ని ఎత్తుకెళ్లుతారు. కాని హలీవుడ్ స్టార్  క్రిస్టియానా ఫుల్టన్ ఇంట్లో దొంగలు పడి దోచుకుపోయింది వస్తువులను, సొమ్ములను కానేకాదు. దొంగల్లో కూడా శృంగార ప్రియులు ఉన్నారేమో.. తన మాజీ ప్రియుడు నికొలాస్ కేజ్ తో క్రిస్టియానా ఫుల్టాన్ దిగిన ఎక్స్ రేటేడ్ (అత్యంత శృంగారభరితమైనవి) ఫోటోలను ఎత్తుకెళ్లారట. 
  
 ఎంతో ఇష్టంగా దాచుకున్న మాజీ ప్రేయసి జ్క్షాపకాలను దొంగలు ఎత్తుకుపోవడంపై హాలీవుడ్ స్టార్ గొల్లుమంటున్నాడు. ఫుల్టన్ ఇంట్లోకి దూరి నాలుగు కంప్యూటర్లను, నాలుగు ఫోటో బాక్సులను అపహరించుకుపోయారని పోలీసులు తెలిపారు. అయితే ఈ నేరంలో రికార్డో ఓరాజ్కో అనే వ్యక్తిని పోలీసుల అరెస్ట్ చేశారు. అయితే అపహరణకు గురైన పోటోలను ఇంకా స్వాధీనం చేసుకోలేదని పోలీసులు వెల్లడించారు.