నిహార్, నాగార్జున, రగ్ధా ఇఫ్తాకర్, సత్య కృష్ణ, సంజన, తుమ్మల ప్రసన్న కుమార్, శాంతి తివారీ, సోనియా, కాశీ విశ్వనాథ్‌ కీలక పాత్రల్లో నటించిన చిత్రం ‘రికార్డ్‌ బ్రేక్‌’. చదలవాడ శ్రీనివాసరావు దర్శకత్వం వహించారు. శ్రీ తిరుమల తిరుపతి వెంకటేశ్వర ఫిలిమ్స్‌పై చదలవాడ పద్మావతి నిర్మించారు. ఈ సినిమా గ్లింప్స్‌ని ‘మాతృదేవోభవ’ ఫేమ్‌ దర్శకుడు అజయ్‌ కుమార్, టీజర్‌ని నిర్మాత రామ సత్యనారాయణ, ట్రైలర్‌ని తెలుగు ఫిలింప్రోడ్యూసర్స్‌ కౌన్సిల్‌ సెక్రటరీ టి. ప్రసన్నకుమార్‌ విడుదల చేశారు. చదలవాడ శ్రీనివాసరావు మాట్లాడుతూ–‘‘వేటగాడు, అడవి రాముడు, దేవదాసు’ వంటి సినిమాల స్ఫూర్తితో ఇండస్ట్రీలో అడుగు పెట్టాను. ఇప్పటి వరకు నాకున్న అనుభవంతో సమాజానికి  ఉపయోగపడే ఓ మంచి కథతో సినిమా తీయాలని ‘రికార్డ్‌ బ్రేక్‌’ తీశా. ఇందులో చివరి 45 నిమిషాలు చాలా భావోద్వేగాలు ఉంటాయి. ఈ సినిమాకి విజయం అందించాలి’’ అన్నారు. ఈ కార్యక్రమంలో నటీనటులు నిహార్‌ కపూర్, రగ్ధ ఇఫ్తాకర్, సత్య కృష్ణ, సంజన, సోనియా, నాగార్జున, కథా రచయిత అంగిరెడ్డి శ్రీనివాస్, మ్యూజిక్‌ డైరెక్టర్‌ సాబు వర్గీస్‌ పాల్గొన్నారు. ఈ చిత్రానికి కెమెరా: కంతేటి శంకర్, నిర్మాణం: చదలవాడ బ్రదర్స్‌.

ముంబై: మహారాష్ట్ర రాజకీయాల్లో ఏక్‌నాథ్‌ షిండే తిరుగుబాటుతో నెలకొన్న ఉత్కంఠ ఇంకా కొనసాగుతూనే ఉంది. ఉద్ధవ్‌ థాక్రేకు దెబ్బ మీద దెబ్బ తగులుతూనే ఉంది. కీలక నేతలతో పాటు కుటుంబ సభ్యుల్లోనూ కొందరు షిండే వర్గానికి మద్దతు తెలుపుతుండటం ఉద్ధవ్‌కు కంటి మీద కునుకులేకుండా చేస్తోంది. తాజాగా మరో షాక్‌ తగిలింది. బాల్‌థాక్రే మనుమడు, ఉద్ధవ్‌ థాక్రే సోదరుడి కుమారుడు నిహార్‌ థాక్రే.. ముఖ్యమంత్రి ఏక్‌నాథ్‌ షిండేను కలిశారు. వారికి మద్దతు ఇస్తున్నట్లు ప్రకటించారు. నిహార్‌ థాక్రేకు ఇప్పటి వరకు రాజకీయంగా అనుభవం లేకపోయినా.. ప్రస్తుత పరిస్థితుల్లో షిండేను కలవటం హాట్‌టాపిక్‌గా మారింది. బాల్‌ థాక్రే పెద్ద కుమారుడు బిందుమాధవ్‌ థాక్రే కుమారుడే నిహార్‌ థాక్రే. బిందుమాధవ్‌.. 1996లో జరిగిన ఓ రోడ్డు ప్రమాదంలో ప్రాణాలు కోల్పోయారు. ఆయన సినీ నిర్మాతగా ఉండగా.. రాజకీయంగా క్రియాశీలకంగా లేరు. అయితే.. ఆయన కుమారుడు నిహార్‌.. తాజాగా షిండేను కలవటం ప్రాధాన్యం సంతరించుకుంది. మరోవైపు.. ఉద్ధవ్‌ మరో సోదరుడు జైదేవ్‌ థాక్రే మాజీ భార్యా స్మితా థాక్రే సైతం ఇటీవలే సీఎం షిండేను కలిశారు. నిహార్‌ థాక్రే ఒక న్యాయవాది. ఆయన బీజేపీ నేత హర్షవర్ధన్‌ పాటిల్‌ కుమార్తె అంకితా పాటిల్‌ను గత ఏడాది డిసెంబర్‌లో వివాహం చేసుకున్నారు. హర్షవర్ధన్‌ పాటిల్‌ గతంలో కాంగ్రెస్‌లో ఉన్నారు. మంత్రిగానూ సేవలందించారు. వలసలు పెరిగిన క్రమంలో షిండేపై ఇటీవలే తీవ్ర ఆరోపణలు చేశారు ఉద్ధవ్‌ థాక్రే. తాను అనారోగ్యానికి గురైనప్పుడు కుట్రలు పన్ని వెన్నుపోటు పొడిచారని ఆరోపించారు. ఇదీ చదవండి: ‘మేమూ ‘యోగి’ స్టైల్లోనే వెళ్తాం’.. బీజేపీ నేత హత్యపై సీఎం హెచ్చరిక!

దీపికా పదుకొణె రణ్‌బీర్ కంటే ముందు నిహార్‌ పాండ్యేను ప్రేమించింది. అయితే కొన్ని కారణాలతో వీరి విడిపోయారు. ఆ తర్వాత దీపిక రణ్‌బీర్‌ ప్రేమలో పడిపోయింది. ఇద్దరూ కలిసి చెట్టాపట్టాలేసుకొని తిరిగేవారు. అయితే రణ్‌బీర్‌తో డేటింగ్‌ చేసే సమయంలోనే ఆమె తన ఎక్స్‌ బాయ్‌ఫ్రెండ్‌ నిహార్‌ పాండేతోనూ చనువుగా ఉన్నట్లు రణ్‌బీర్‌కు తెలిసిందట. ఓ సినిమా షూటింగ్‌ కోసం రణ్‌బీర్‌ ఊటీకి వెళ్లినప్పుడు దీపికా నిహార్‌తో లంచ్‌డేట్‌కి వెళ్లిందని, దాదాపు రెండు గంటల పాటు వీరి డేట్‌ జరిగిందని సమాచారం. మరోసారి దీపికా, నిహార్‌లు కలిసి వెళ్తున్నప్పుడు రణ్‌బీర్‌ వాళ్లను చూసి నిహార్‌తో గొడవకు దిగాడట. ఈ క్రమంలో ఇద్దరూ నడిరోడ్డుమీదే కొట్టుకున్నారట. నిహార్  విషయంలో రణ్‌బీర్‌ ఎప్పుడూ అభద్రతా భావంలోనే ఉండేవాడని సన్నిహిత వర్గాల సమాచారం. మరోవైపు రణ్‌బీర్‌ కూడా దీపికాతో లవ్‌లో ఉన్నప్పుడే కత్రినాతో కూడా డేటింగ్‌ చేశాడని, ఓసారి వీరిద్దరి దీపికా రెడ్‌ హ్యాండెడ్‌గా పట్టుకుందని బీటౌన్‌ టాక్‌. ఆ తర్వాత కొన్నాళ్లకు ఇద్దరి మధ్యా దూరం పెరిగి తమ ప్రేమకు గుడ్‌బై చెప్పేసుకున్నారు. దీపికాతో విడిపోయాక కత్రినా కైఫ్‌తో రణ్‌బీర్‌ పీకల్లోతు ప్రేమలో మునిగిపోయాడు. కానీ ఆ తర్వాత కత్రినాకు కూడా బ్రేకప్‌ చెప్పి ప్రస్తుతం ఆలియాతో ప్రేమాయణం సాగిస్తున్నాడు. అటు దీపికా రణ్‌వీర్‌ సింగ్‌ను వివాహమాడితే, ఆమె ఎక్స్‌ బాయ్‌ఫ్రెండ్‌ నిహార్‌ కూడా సింగర్‌ నీతి మోహన్‌ను ప్రేమించి పెళ్లి చేసుకున్నాడు. 


  టేకులపల్లి మండలం గంగారం పంచాయతీ లచ్చగూడెంలో సోమవారం విషాదం చోటుచేసుకుంది. లచ్చగూడెంలోని గడ్డి చెరువు కాలువలో పడి నిహార్(2) అనే బాలుడు మృతిచెందాడు. బాలుడి మృతితో తల్లిదండ్రులు శోకసంద్రంలో మునిగిపోయారు. పూర్తి వివరాలు తెలియాల్సి ఉంది.