వాషింగ్‌టన్: చంద్రయాన్-3 విజయం తర్వాత ప్రపంచ దేశాల చూపు భారత దేశం వైపు మళ్లింది. ప్రపంచ దేశాలు భారత్‌తో చేతులు కలిపేందుకు సిద్ధమవుతున్నాయి. ఇప్పటికే అమెరికా అంతరిక్ష సంస్థ  నాసా భారత అంతరిక్ష పరిశోధన సంస్థ ఇస్రోతో కలిసి సంయుక్తంగా డెవలప్ చేసిన నాసా-ఇస్రో SAR (NISAR) ఉపగ్రహాన్ని ప్రయోగించే బాధ్యతలను ఇస్రో చేతులకు అప్పజెప్పింది నాసా. భూమి యొక్క కక్ష్యను పరిశీలించే నిసార్ ఉపగ్రహం ప్రయోగానికి ముందు ఇస్రో దీనికి తుది మెరుగులు దిద్దుతోంది.  ఇస్రో తెలిపిన వివరాల ప్రకారం, NISAR 12 రోజుల్లో మొత్తం భూగోళాన్ని మ్యాప్ చేయగలదు. భూకంపాలు, సునామీలు, అగ్నిపర్వతాలు, కొండచరియలు సహా భూమి యొక్క పర్యావరణ వ్యవస్థలు, మంచు ద్రవ్యరాశి, వృక్షసంపద, సముద్ర మట్టం పెరుగుదల, భూగర్భ జలాలు, సహజ ప్రమాదాల గురించి అర్థం చేసుకోవడానికి తాత్కాలికమైనా కూడా స్థిరమైన సమాచారాన్ని అందిస్తుంది. NISAR L, S డ్యూయల్ బ్యాండ్ సింథటిక్ ఆపర్చ్యుర్ రాడార్ (SAR)ని కలిగి ఉంటుంది. ఇందులో L బ్యాండ్ SARను కాలిఫోర్నియా జెట్ ప్రపల్షన్ లేబొరేటరీ డెవలప్ చేయగా S బ్యాండ్ SARను మాత్రం ISRO అభివృద్ధి చేసింది. ఇది స్వీప్ SAR టెక్నిక్‌తో పనిచేస్తూ హై రిజొల్యూషన్ డేటాను అందిస్తుంది. SAR పేలోడ్‌లు ఇంటిగ్రేటెడ్ రాడార్ ఇన్‌స్ట్రుమెంట్ స్ట్రక్చర్ (ఐరిస్)పై అమర్చబడ్డాయి.   SUV-పరిమాణంలో ఉండే పేలోడ్‌ను ప్రత్యేక కార్గో కంటైనర్‌లో బెంగళూరుకు తరలించినట్లు యూఎస్ స్పేస్ ఏజెన్సీ తెలిపింది. బెంగళూరులోని యూ.ఆర్.రావు శాటిలైట్ సెంటర్‌లో ఉపగ్రహం తుదిమెరుగులు దిద్దుకుని 2024లో ఇస్రో ఆధ్వర్యంలో శ్రీహరికోటలోని సతీష్ ధావన్ స్పేస్ సెంటర్ నుంచి ఉపగ్రహాన్ని ప్రయోగించడానికి ప్రణాళిక రూపొందించింది నాసా.   Touchdown in Bengaluru! @ISRO receives NISAR (@NASA-ISRO Synthetic Aperture Radar) on a @USAirforce C-17 from @NASAJPL in California, setting the stage for final integration of the Earth observation satellite, a true symbol of #USIndia civil space collaboration. #USIndiaTogether pic.twitter.com/l0a5pa1uxV — U.S. Consulate General Chennai (@USAndChennai) March 8, 2023 ఇది కూడా చదవండి:ప్రిగోజిన్ మరణంపై అనేక అనుమానాలు!


 ‘హుజీ’ కేసులో మరో నిందితుడు ఇస్లాం అరెస్టు
 సాక్షి, హైదరాబాద్: నకిలీ పాస్‌పోర్టుల ద్వారా ఉగ్రవాద సానుభూతిపరులను దేశం దాటిం చి, శిక్షణ ఇప్పించేందుకు కుట్రపన్ని పోలీసులకు చిక్కిన నిషిద్ధ హర్కత్ ఉల్ జిహాద్ ఏ ఇస్లామీ(హుజీ) ఉగ్రవాది మహ్మద్ నిసార్ అనుచరుడు ఇస్లాంను సీసీఎస్ ఆధీనంలోని సిట్ అధికారులు శుక్రవారం పట్టుకున్నారు. ప్రస్తుతం చర్లపల్లి జైలులో రిమాండ్ ఖైదీగా ఉన్న నిసార్‌ను కలవడానికి వచ్చి సిట్‌కు చిక్కాడు. బంగ్లాదేశ్‌కు చెందిన నిసార్‌తో పాటు మరికొందరు బంగ్లాదేశీయులు, మయన్మార్ వాసులు, ఇద్దరు స్థానికుల్ని ఈ ఏడాది ఆగస్టులో అరెస్టు చేసిన విషయం విదితమే.
 
 నిసార్ విచారణలో ఇస్లాం వ్యవహారం వెలుగులోకి రావడంతో అప్పటి నుంచి వలపన్ని ఎట్టకేలకు అరెస్టు చేశారు. బంగ్లాదేశ్‌కు చెందిన నిసార్ భారత్‌కు వచ్చిన తరవాత కొన్ని నెలల పాటు పానిపట్‌లోని బ్లాంకెట్స్ ఫ్యాక్టరీలో పని చేశాడు. బెంగాల్‌లోని దక్షిణ్ దినాజ్‌పూర్ ప్రాంతానికి చెందిన అలీమ్ ఉల్ ఇస్లాం మండల్‌కు.. మాల్దా రైల్వేస్టేషన్‌లో నిసార్‌తో పరిచయమైంది. నిసార్ ఢిల్లీ వెళ్లేందుకు టిక్కెట్ ఖరీదు చేస్తుండగా ఇస్లాం తారసపడటంతో ఇద్దరూ మాటలు కలిపారు.
 
 ఇద్దరూ ఒకే కంపార్ట్‌మెంట్‌లో ప్రయాణం చేసిన నేపథ్యంలో ఒకరి భావాలు మరొకరు పంచుకునిమంచి స్నేహితులయ్యారు. ఈ నేపథ్యంలోనే బెంగాల్‌లోని భత్రా ప్రాంతంలో మదర్సా నెలకొల్పాలని, ఆ ముసుగులో జిహాదీ శిక్షణ కార్యక్రమాలు చేపట్టాలని వీరు పథకం వేశారు. ఈ ప్రక్రియలో సోహైల్ సహకారం తీసుకున్నారు. అయితే అనివార్య కారణాల నేపథ్యంలో సో హైల్, ఇస్లాం మధ్య విభేదాలు రావడంతో ఆ ప్రతిపాదన ఆగిపోయింది. తరవాత నిసార్ అరెస్టయ్యాడు. ఇస్లాం కోసం సిట్ అధికారులు గాలింపు ముమ్మరం చేశారు. ఇందులో భాగంగా నిసార్ ఉన్న చర్లపల్లి జైలు వద్ద ఓ బృందం మాటువేసి ఉంటోంది. శుక్రవారం ములాఖత్ ద్వారా నిసార్‌ను కలిసి భవిష్యత్తు కార్యాచరణ చర్చించడానికి వచ్చిన ఇస్లాంను సిట్ అధికారులు అరెస్టు చేశారు.