ముంబై, పూణే, ఢిల్లీ, హైదరాబాద్ వంటి పెద్ద నగరాల్లో నివసించే చాలా మందికి క్రెడిట్ కార్డు అనేది ఒక నిత్యావసరంగా మారింది. మీరు ఉద్యోగం చేస్తున్నట్లయితే క్రెడిట్ కార్డు పొందడం అనేది సులభం. ఎందుకంటే, క్రెడిట్ కార్డు జారీ చేయడానికి ముందు బ్యాంకులు, కార్డు కంపెనీలు మీ ఆదాయాన్ని పరిగణలోకి తీసుకొని కార్డును మంజూరు చేస్తాయి. దీని కోసం, మీరు శాలరీ స్లీప్స్, ఆదాయపు పన్ను రిటర్న్(ఐటిఆర్) మొదలైన వాటిని వారికి అందించాల్సి ఉంటుంది.(చదవండి: కాసుల వర్షం కురిపిస్తున్న బిగ్‌బాస్‌ షో...!) కానీ, మీరు ఉద్యోగం చేయకపోయిన(విద్యార్థి, రిటైర్డ్ వ్యక్తి లేదా గృహిణి) ఇప్పటికీ క్రెడిట్ కార్డు లేకపోతే కొత్త కార్డు తీసుకోవచ్చని మీకు తెలుసా?. అవును, స్వయం ఉపాధి/నిరుద్యోగులు క్రెడిట్ కార్డు పొందడం అనేది కష్టంగా కావచ్చు కానీ అసాధ్యం కాదు. మీకు ఉద్యోగం లేకున్నా క్రెడిట్ కార్డును ఎలా పొందగలరో ఇప్పుడు తెలుసుకుందాం.. స్టాండర్డ్ క్రెడిట్ కార్డు: మీరు నిరుద్యోగి అయితే మ్యూచువల్ ఫండ్స్, ఫిక్సిడ్ డిపాజిట్, ప్రొఫెషనల్ ఫీజులు మొదలైన ఇతర వనరుల నుంచి మీ బ్యాంకు ఖాతాలో ప్రతి నెల స్థిరమైన ఆదాయం వస్తుంటే బ్యాంకులు, కార్డు కంపెనీలు అవసరమైన పత్రాలను ధృవీకరించిన తర్వాత క్రెడిట్ కార్డును జారీ చేసే అవకాశం ఉంది. రుణదాతలు ఎల్లప్పుడూ ఫైనాన్షియల్ స్టేట్ మెంట్లు చెక్ చేస్తాయి. అంటే, క్రెడిట్ కార్డు బకాయిలను సకాలంలో తిరిగి చెల్లించే సామర్ధ్యం దరఖాస్తుదారుడికి ఉందా? లేదా? అనేది తనిఖీ చేస్తాయి.  యాడ్ ఆన్ క్రెడిట్ కార్డు: ఒకవేల మీకు ఎటువంటి ఆదాయవనరు లేకపోతే, మీరు నిరుద్యోగి అయితే మీరు కూడా క్రెడిట్ కార్డు పొందే ఒక మార్గం ఉంది. మీ కుటుంబంలో ఎవరైనా ఇప్పటికే ఒక క్రెడిట్ కార్డును కలిగి ఉన్నట్లయితే మీరు యాడ్ ఆన్ లేదా సప్లిమెంటరీ క్రెడిట్ కార్డును పొందవచ్చు. ఇది ముఖ్యంగా విద్యార్థులు, గృహిణులకు ఉపయోగకరంగా ఉంటుంది. యాడ్ ఆన్ కార్డు అనేది ప్రాథమిక క్రెడిట్ కార్డు(ప్రామాణిక లేదా సురక్షితమైన క్రెడిట్ కార్డు) కింద జారీ చేసిన మరో అదనపు కార్డు.  సాధారణంగా ప్రాథమిక కార్డుహోల్డర్ తన జీవిత భాగస్వామి, తల్లిదండ్రులు, తోబుట్టువులు, 18 సంవత్సరాల కంటే ఎక్కువ వయస్సు ఉన్న పిల్లలకు ఇది ఇవ్వవచ్చు. ఈ సందర్భంలో మొత్తం క్రెడిట్ లిమిట్ అనేది ప్రైమరీ. యాడ్ ఆన్ కార్డ్ హోల్డర్ మధ్య పంచుతారు. రెండు కార్డులను ఉపయోగించి చేసిన అన్ని లావాదేవీలకు ఒకే కన్సాలిడేటెడ్ స్టేట్ మెంట్ ఇస్తారు.(చదవండి: ఈ 4 యాప్స్ మీ ఫోన్‌లో ఉంటే వెంటనే డిలీట్ చేయండి!) సెక్యూర్డ్ క్రెడిట్ కార్డ్: మీకు ఉద్యోగం లేకపోయిన, హామీదారుడు లేకున్నా మీరు సెక్యూర్డ్ క్రెడిట్ కార్డును పొందవచ్చు. దీని కోసం మీరు నిర్దిష్ట మొత్తంను బ్యాంకులో డిపాజిట్ చేయాల్సి ఉంటుంది. మీరు క్రెడిట్ కార్డును తిరిగి చెల్లించలేకపోతే, మీ సెక్యూరిటీ డిపాజిట్ నుంచి ఆ సొమ్ము రికవరీ చేస్తారు. ఈ క్రెడిట్ లిమిట్ అనేది సాధారణంగా డిపాజిట్ మొత్తంలో 80-90 శాతం వరకు ఉంటుంది. ఉదాహరణకు.. కోటక్ మహీంద్రా బ్యాంక్ ఆక్వా గోల్డ్ క్రెడిట్ కార్డును పొందాలంటే మీరు బ్యాంకులో కనీసం రూ.25,000 ఫిక్సిడ్ డిపాజిట్ చేయాలి. అదే ఎస్​బీఐ ఉన్నతి క్రెడిట్ కార్డును పొందడానికి స్టేట్ బ్యాంక్ ఆఫ్ ఇండియాలో రూ.25,000 లేదా అంతకంటే ఎక్కువ ఎఫ్ డి చేయాలి.


 అమ్మాయిల్లో ఉద్యోగం చేయని వారు, చేసేవారు... ఇద్దరూ ఉంటారు. వీరిద్దరినీ దృష్టిలో పెట్టుకుంటే పెళ్లి చేసుకోబోయే అమ్మాయికి సంబంధించిన ఆర్థిక అవసరాలను నాలుగు కేటగిరీల కింద వర్గీకరించొచ్చు.
  1. వ్యక్తిగత ఖర్చులు
  2. గృహ అవసరాల ఖర్చులు
  3. అత్యవసర పరిస్థితుల కోసం డబ్బు
  4. భవిష్యత్‌లో సొంత ఇల్లు, కారు లాంటివి కొనుక్కోవడం, విదేశీ టూర్లకు వెళ్లడం వంటి అవసరాలకు నిధులు.
  ఉద్యోగిని అయినా, ఉద్యోగం చేయనివారైనా ఎవరైనా సరే! అవసరాలను గుర్తెరిగి, ముందస్తుగా ప్రణాళిక వేసుకుంటే, భవిష్యత్‌లో రెండు కుటుంబాలకూ మంచిదే.
 
  ఉద్యోగం చేయని వారి సంగతి తీసుకుంటే ఆర్థిక నిర్వహణపై వారికి కొంత ఎక్కువగా అవగాహన కల్పించాల్సి ఉంటుంది. ఆర్థికంగా నిలదొక్కుకోవటం నేర్పాలి. అమ్మాయి పెళ్లి కావడానికి ముందే.. ఆమె కుటుంబ సభ్యులు లేదా ఆమే స్వయంగా ఈ ప్లానింగ్‌కి పూనుకోవాలి. విద్యాబుద్ధులు నేర్పడంతోపాటు వివాహయోగ్యమైన వయసు వచ్చినప్పట్నుంచీ ప్రతినెలా కొంత ఆదాయం వచ్చేలా ఆమె పేరిట ఇన్వెస్ట్ చేయొచ్చు. ఇది తల్లిదండ్రుల బాధ్యత. ఫ్యాషన్ డిజైనింగ్, ఇంటీరియర్ డెకరేషన్ లాంటి వాటిలో శిక్షణనిప్పించడమూ మంచిదే.
 
 పెళ్లి కాకముందైనా.. అయ్యాకైనా ఇతరులపై ఆధారపడ కుండా ఆమె నిలదొక్కుకోవడానికివి ఉపయోగపడతాయి. పెళ్లి తర్వాత ఆర్థిక సమస్యలు తలెత్తినా ఎదుర్కొనగలిగే ధీమా ఆమెకు లభిస్తుంది. అలాగే, అమ్మాయికి ప్రత్యేకంగా బ్యాంకు అకౌంటుతో పాటు బ్యాంకింగ్ లావాదేవీలు ఎలా జరపాలన్నదీ తెలిసుండాలి. పెళ్లికి ముందు నుంచే పొదుపు చేయడం మొదలు పెట్టడం సర్వదా అభిలషణీయం. ఇక ఉద్యోగం చేసేవారి సంగతి చూస్తే... వారు పెళ్లి నాటికి కూడా ఉద్యోగం చేస్తున్నట్లయితే ఆర్థిక భద్రతకు సంబంధించి వారి సమస్యలు సగం తీరినట్లే.
 
 ఆర్థిక నిర్వహణ గురించి వర్కింగ్ ఉమెన్‌కి కొంతైనా అవగాహన ఉంటుంది. వీరు తమ జీతంలో కనీసం 25-30 శాతమైనా పొదుపు చేయాలి. అలాగని దాచిపెట్టుకున్నదంతా పెళ్లి వేడుకలకు ఖర్చు చేసేయడం ఎంతమాత్రం సరికాదు. దుస్తులు, ఇతర హడావుడి వ్యయాలను కాస్త తగ్గించుకుని కొంత పక్కన పెట్టడం మేలు. పెళ్లైన తొలినాళ్లలో ఖర్చుల కోసం ఇంట్లో వారిని అడగాలంటే మొహమాటం ఉంటుంది గనుక... అప్పుడు ఈ డబ్బులు అక్కరకొస్తాయి.
 
  భార్యా, భర్తలు ఇరువురికి జీవిత బీమా, వైద్య బీమా పాలసీలుండాలి. ఏదైనా అనుకోని దుర్ఘటన జరిగితే.. బీమా మొత్తం సిసలైన వారసులకు దక్కేలా వారి పేర్లను చేర్చేలా జాగ్రత్తలు తీసుకోవాలి. ఈ విషయంలో సాధ్యమైనంత వరకూ ఇతర కుటుంబ సభ్యుల మనస్సు నొప్పించని విధంగా వ్యవహరించాలి. కుటుంబ సభ్యుల కోసం ప్రమాద బీమా, వైద్య బీమా తీసుకోవడం మంచిది. ఇక, బ్యాంక్ అకౌంట్లు, ఇతరత్రా ఆస్తులకు నామినేషన్ ఉండేలా చూసుకోవాలి.
  ఇదంతా భర్తను, అతని కుటుంబసభ్యుల నిబద్ధతను అనుమానిం చటం కాదు. అలాంటి భావన కలిగేలా వ్యవహరించకూడదు కూడా. భవిష్యత్‌లో ఒడిదుడుకులు ఎదురుకాకుండా భార్య, భర్త ఆర్థికంగా స్థిరపడగలిగేలా చూసుకోవాలన్నదే దీని సారాంశం.