న్యూఢిల్లీ: తక్కువ రేట్లకు విమాన సర్వీసులు అందించే ఇండిగో ఆదివారం నుంచి దేశీయంగా 10 కొత్త సర్వీసులు ప్రారంభించనుంది. హైదరాబాద్ సహా బెంగళూరు, చెన్నై, ఢిల్లీ, గోవా, కోల్‌కతాల నుంచి ఈ సర్వీసులు ప్రారంభిస్తున్నట్లు సంస్థ ప్రెసిడెంట్, ఎగ్జిక్యూటివ్ డెరైక్టర్ ఆదిత్య ఘోష్ తెలియజేశారు. చెన్నై-హైదరాబాద్, చెన్నై-కోల్‌కతా, హైదరాబాద్-గోవా, చెన్నై-గోవా (వయా హైదరాబాద్) మధ్య తాజా నాన్-స్టాప్ విమాన సర్వీసులు ప్రారంభిస్తున్నట్లు చెప్పారు. 22వ తేదీ నుంచి ఢిల్లీ-బెంగళూరు, ఢిల్లీ-గోవా మధ్య కూడా కొత్త సర్వీసులు ప్రారంభిస్తున్నట్లు వెల్లడించారు.