గూగుల్ కొత్త ఓఎస్ ‘నుగట్’పై పనిచేయనున్న తొలి మొబైల్ ఇదే
  న్యూయార్క్: దక్షిణ కొరియా ఎలక్ట్రానిక్ దిగ్గజ కంపెనీ ఎల్‌జీ తాజాగా ‘వి20’ స్మార్ట్‌ఫోన్‌ను శాన్‌ఫ్రాన్సిస్కోలో ఆవిష్కరించింది. దీని ధర తెలియాల్సి ఉంది. ఈ స్మార్ట్‌ఫోన్లువచ్చే నెలలో కొరియా మార్కెట్లోకి అటుపై భారత్‌లోని వినియోగదారులకు అందుబాటులోకి రానున్నాయి. గూగుల్ కొత్త ఆండ్రాయిడ్ 7.0 ఆపరేటింగ్ సిస్టమ్ ‘నుగట్’తో మార్కెట్‌లోకి వస్తోన్న తొలి స్మార్ట్‌ఫోన్ ఇది. అలాగే ఇందులో తొలిసారిగా 32 బిట్ హై-ఫై క్వాడ్ డిజిటల్ టు అనలాగ్ కన్వర్టర్‌ని అమర్చారు.
 దీనిసాయంతో లైవ్ పెర్ఫార్మెన్స్‌లో సౌండ్ ఎలా వస్తుందో అలాంటి క్లారిటీ తో కూడిన సౌండ్‌ను హెడ్‌ఫోన్స్‌లో వినొచ్చు. ఇందులో 5.7 అంగుళాల స్క్రీన్, 4 జీబీ ర్యామ్, 64 జీబీ ఇంటర్నల్ మెమరీ, క్వాల్‌కామ్ స్నాప్‌డ్రాగన్ 820 ప్రాసెసర్ , 5 ఎంపీ ఫ్రంట్ కెమెరా, 16 ఎంపీ/8 ఎంపీ రియర్ కెమెరాలు, 3,200 ఎంఏహెచ్ బ్యాటరీ, గూగుల్ ఇన్‌యాప్ సెర్చ్, సెకండరీ డిస్‌ప్లే వంటి ప్రత్యేకతలు ఉన్నాయని కంపెనీ పేర్కొంది.


 న్యూఢిల్లీ:  గూగుల్ ఆండ్రాయిడ్ తాజా వెర్షన్ 7.0 నోగట్  తో హెచ్ టీసీ  స్మార్ట్ ఫోన్ల తయారీకి రంగం సిద్ధమైంది.  తమ  అప్  కమింగ్ మోడ్సల్ ను గూగుల్ అండ్రాయిడ్ వెర్షన్ నోగట్ తో అప్ డేట్ చేయనున్నట్టు వెల్లడించింది.  ఈ ఏడాది చివరికి ఆండ్రాయిడ్ 7.0 వెర్షన్ తో అప్ డేట్  చేస్తామని ట్టిట్టర్ ద్వారా తెలిపింది.  ఈ అప్ డేట్ తేదీని త్వరలోనే వెల్లడిస్తామని  చెప్పింది  ఈ ఏడాది ఫోర్త్ క్వార్టర్ లో హెచ్ టీసీ10ను  నౌగట్ వెర్షన్ తో అప్ డేట్ చేసే మొదటి  స్మార్ట్ ఫోన్ కానుంది.  .వన్ ఎం 9, వన్ ఎ 9 డివైజ్ లను నౌగట్ తో లాంచ్ చేయనున్నట్టు తెలిపింది. అయితే ఈ ఏడాది చివరికా, లేక 2017 ఫస్ట్ క్వార్టర్ లోనా అనేది స్పష్టంగా పేర్కొనలేదు.
 
 కాగా  గూగుల్ నెక్సస్ స్మార్ట్ ఫోన్ల తయారీలో  హెచ్టీసీ  భాగస్వామ్య వార్తలను ఇటీవల హెచ్టీసీ ధృవీకరించిన సంగతి తెలిసిందే. ఆండ్రాయిడ్ తాజా వెర్షన్ 7.0 నోగట్ తో పనిచేసేలా రెండు కొత్త నెక్సస్ స్మార్ట్ ఫోన్లను తయారీచేస్తున్నామని హెచ్ టీసీ రిపోర్టు చేసింది.
  
 
 We’re excited to receive final shipping Android 7.0 Nougat software from Google! pic.twitter.com/BNbQBpgddK
 — HTC (@htc) August 24, 2016