జక్కన్న రూపొందించిన ఆర్‌ఆర్‌ఆర్‌ మూవీ ఎంతటి సంచలన విషయం సాధించిందో​ ప్రత్యేకంగా చెప్పనక్కర్లేదు. మార్చి 25న ప్రపంచ వ్యాప్తంగా విడుదలైన ఈ మూవీ రికార్డు స్థాయిలో కలెక్షన్స్‌ వసూళ్లు  చేస్తోంది. 1920 బ్యాక్‌డ్రాప్‌లో తెరకెక్కించిన ఈ మూవీపై సినీ ప్రముఖులతో పాటు రాజకీయ నాయకులు సైతం ప్రశంసలు కురిపిస్తున్నారు.  ఈ మూవీలో జూనియర్‌ ఎన్టీఆర్‌, రామ్‌ చరణ్‌ల నటనకు ప్రతి ఒక్కరు ఫిదా అవుతున్నారు. ఇక ఇందులో ఎన్టీఆర్‌ సరసన బ్రిటిష్‌ బ్యూటీ ఒలీవియా మోరిస్‌ నటించిన సంగతి తెలిసిందే. చదవండి: ప్లీజ్‌ నా గురించి తప్పుడు ప్రచారం చేయకండి: రాశీ ఖన్నా జెన్నీఫర్‌ అలియాస్‌ జెన్నీ అనే బ్రిటిష్‌ యువతిగా కీలక పాత్ర పోషించిన ఒలీవియా తెలుగు ప్రేక్షకులను బాగా ఆకట్టుకుంది.  ఈ మూవీ బ్లాక్‌బస్టర్‌ హిట్‌ అందుకున్న నేపథ్యంలో తాజాగా ఒలీవియా ఓ టీవీ చానల్‌తో ముచ్చటించింది. ఈ సందర్బంగా ఆమె మూవీ విశేషాలతో పాటు ఎన్టీఆర్‌పై ఆసక్తికర వ్యాఖ్యలు చేసింది. ఫస్ట్‌డే తన బాయ్‌ఫ్రెండ్‌తో ఈ సినిమా చూశానని చెప్పిన ఒలీవియా ‘కోమురం భీముడో’ పాటలో తారక్‌ నటనకు ఫిదా అయినట్లు పేర్కొంది. ఈ పాటలో తారక్‌ను చూస్తే కన్నీళ్లు వచ్చాయని, ఇందులోని మరిన్ని సన్నివేశాలు చూసి భావోద్వేగానికి లోనయ్యానని చెప్పింది. ఇక ఎన్టీఆర్‌ అద్భుతమైన వ్యక్తి అని, సింగిల్‌ టేక్‌ ఆర్టిస్ట్‌ అంటూ తారక్‌పై ప్రశంసల జల్లు కురిపించింది. చదవండి: విజయ్‌ బీస్ట్‌ మూవీపై షారుక్‌ ట్వీట్‌, దళపతి ఫ్యాన్స్‌ రియాక్షన్‌ చూశారా? ఇక ఈ మూవీలో నాటు నాటు పాట బాగా నచ్చిందని, ఈ పాటకు తన బాయ్‌ఫ్రెండ్‌ డ్యాన్స్‌ ట్రై చేస్తున్నట్లు పేర్కొంది. అలాగే రాజమౌళి అద్భుతమైన డైరెక్టర్‌ అని కొనియాడింది. హైదరాబాద్‌లో తను 20 రోజుల ఉన్నానని, బిజీ షెడ్యుల్‌ కారణంగా నగరం మొత్తం చూడలేకపోయానని, కానీ హైదరాబాద్‌తో తనకు మంచి అనుబంధం ఎర్పడిందని, ఇ​క్కడ శిల్పారామం చూశానని చెప్పుకొచ్చింది. అక్కడ తన తల్లికి, సోదరికి సిల్క్‌ స్కార్ఫ్‌తో పాటు తన బాయ్‌ఫ్రెండ్‌కు బహుమతులు తీసుకున్నట్లు ఒలీవియా పేర్కొంది.

దర్శకధీరుడు రాజమౌళి తెరకెక్కించిన 'ఆర్‌ఆర్‌ఆర్‌' చిత్రం బాక్సాఫీస్‌ వద్ద కలెక్షన్ల వర్షం కురిపిస్తుంది. విడుదలైన మూడు రోజుల్లోనే రూ. 500కోట్లు వసూలు చేసి ఇండస్ట్రీ రికార్డులను బద్దలు కొట్టిందీ చిత్రం. కొమురం భీమ్‌గా ఎన్టీఆర్‌, అల్లూరి సీతారామరాజుగా రామ్‌చరణ్‌ల నటనకు ప్రేక్షకులు ఫిదా అవుతున్నారు. ఈ సినిమలో ఆలియా భట్‌, బ్రిటిష్‌ నటి ఒలివియా మోరిస్‌ హీరోయిన్లుగా నటించారు. అయితే వీరికంటే ముందే చాలా మంది హీరోయిన్ల పేరు తెరపైకి వచ్చాయి.  కానీ కొన్ని కారణాల వల్ల వారు ఆర్‌ఆర్‌ఆర్‌ సినిమాలో నటించేందుకు రిజెక్ట్‌ చేశారట. దీంతో జక్కన్న సినిమాలో ఛాన్స్‌ వదులుకున్న ఆ ఆ హీరోయిన్స్‌ ఎవరా అని నెటిజన్లు చర్చిస్తున్నారు. సీత పాత్ర కోసం ఆలియా కంటే ముందుగా శ్రద్దా కపూర్‌ని అప్రోచ్‌ అయ్యారట. కానీ ఆమె బిజీ షెడ్యూల్స్‌ వల్ల ఈ ఆఫర్‌ని తిరస్కరించిందట. ఆ తర్వాత పరిణితి చోప్రాను అడగ్గా ఆమె కూడా డేట్స్‌ అడ్జస్ట్‌ చేసుకోలేక ఈ సినిమాను వదులుకుంది. ఇక ఎన్టీఆర్‌కి జోడీగా ఒలివియా కంటే ముందు అమీ జాక్సన్‌ని సంప్రదించారట. కానీ ప్రెగ్నెన్సీ కారణంగా ఆమె కూడా నో చెప్పిందట. దీంతో బ్రిటన్ నటి డైసీ ఎడ్గార్ జోన్స్‌ అనే నటిని తీసుకున్నా కొద్ది రోజులకే ఆమె ఆర్‌ఆర్‌ఆర్‌ ప్రాజెక్ట్‌ నుంచి తప్పుకోవడంతో ఆ ఛాన్స్‌ ఒలివియా మోరిస్‌కు దక్కిందనమాట.

RRR Movie Main Key Characters: ప్రస్తుతం యావత్‌ భారతదేశం వేయి కళ్లతో ఎదురుచూసిన తరుణం సమీపించింది. ఓటమెరుగని దర్శకధీరుడు రాజమౌళి తెరకెక్కించిన భారీ మల్టీస్టారర్‌ చిత్రం 'రౌద్రం.. రణం.. రుధిరం'. మెగా పవర్ స్టార్ రామ్ చరణ్‌, యంగ్‌ టైగర్ జూనియర్‌ ఎన్టీఆర్‌ పవర్‌ఫుల్‌ నటనను వీక్షించేందుకు ఇంకా ఒక్క రోజే మిగిలింది. ఎన్నో వాయిదాల అనంతరం ఎట్టకేలకు ఈ శుక్రవారం అంటే మార్చి 25న ప్రపంచవ్యాప్తంగా ప్రేక్షకుల ముందుకు వచ్చేస్తోంది ఆర్ఆర్ఆర్. ఈ మూవీలో అల్లూరి సీతారామరాజుగా చెర్రీ, కొమురం భీమ్‌గా తారక్‌, సీతగా బాలీవుడ్‌ క్యూట్‌ బ్యూటీ అలియా భట్‌ అలరించనున్న సంగతి తెలిసిందే. ఆర్ఆర్ఆర్‌లో ఈ ఇద్దరే కాకుండా ఇతర కీలక పాత్రలు కూడా సందడి చేయనున్నాయి. ఆ పాత్రలేంటో చూద్దామా ! 'ఆర్ఆర్ఆర్' చిత్రంలో బాలీవుడ్‌ హీరో అజయ్‌ దేవగన్ కీలకపాత్రలో నటిస్తున్నాడు. ఈ చిత్రంతోనే ఆయన తెలుగు ప్రేక్షకులకు చేరువకానున్నాడు. ఇందులో ఆయనది పవర్‌ఫుల్‌ రోల్‌ అని తెలుస్తోంది. 'యుద్ధాన్ని వెతుక్కుంటూ ఆయుధాలు వాటంతటవే వస్తాయ్‌..', 'నేనంటేనే ఓ పోరాటం' అంటూ తన చుట్టూ ఉన్న ప్రజల కోసం భార్యాబిడ్డల్ని వదిలి యుద్ధభూమిలోకి అడుగు పెట్టిన పోరాటయోధుడిగా అజయ్‌ దేవగన్‌ కనిపించనున్నారు. ఈ రోల్‌కు అజయ్‌ ఎలాంటి రెమ్మ్యునరేషన్‌ తీసుకోలేదని సమాచారం. అజయ్‌ దేవగన్‌కు సతీమణిగా సరోజిని పాత్రలో అలరించనుందని స్టార్‌ హీరోయిన్‌ శ్రియ సరన్. 'ఛత్రపతి' తర్వాత రాజమౌళి సినిమాలో మళ్లీ కనిపిస్తోంది శ్రియ. భర్త అడుగుజాడల్లో పోరాటంలోకి అడుగుపెట్టిన స్త్రీగా ఆమె పండించిన హావాభావాలు ప్రేక్షకులు భావోద్వేగానికి లోనయ్యేలా ఉన్నాయి.    పాన్‌ ఇండియాగా తెరకెక్కిన ఈ సినిమాలో కోలీవుడ్‌ నటుడు, డైరెక్టర్‌ సముద్రఖని నటించారు. ఇందులో ఆయన పోలీస్‌ కానిస్టేబుల్‌ పాత్రలో రామ్‌చరణ్‌కు సన్నిహితుడిగా కనిపించనున్నట్లు ట్రైలర్‌ చూస్తుంటే తెలుస్తోంది. బ్రిటీష్‌ వారికి ఎదురుతిరిగేందుకు చెర్రీ సిద్ధమవుతుండగా 'చాలా ప్రమాదం.. ప్రాణాలు పోతాయిరా..' అని ఆయన ఎమోషనల్‌గా చెప్పిన డైలాగ్‌ మెప్పించింది. ఇంకా ఈ మూవీలో రాజీవ్‌ కనకాల నటిస్తున్న సంగతి తెలిసిందే. రాజమౌళికి ఆయనకు మధ్య ఎంతో మంచి స్నేహబంధం ఉంది. జక్కన్న తెరకెక్కించిన ఎన్నో చిత్రాల్లో కీలకపాత్రల్లో నటించారు. ఇప్పుడు చాలా కాలం తర్వాత ఈ సినిమాలో కీ రోల్‌ ప్లే చేయనున్నట్లు తెలుస్తోంది. వీళ్లే కాకుండా ఎన్టీఆర్‌కు లవర్‌గా విదేశీ భామ ఒలివీయా మోరీస్‌ కొన్ని సన్నివేశాల్లో తళుక్కున మెరిసి ఆకట్టుకోనుంది. విలనిజంతో కూడకున్న పాత్రలో ఐరిష్‌ నటి అలిసన్‌ డూడీ నటించారు. లేడీ స్కాట్‌గా ఆమె తన విలనిజాన్ని తెలుగు ప్రేక్షకులకు పరిచయం చేయనున్నారు. కమెడియన్‌, నటుడు రాహుల్‌ రామకృష్ణ ఈ సినిమాలో ఎన్టీఆర్‌ వెంట ఉండే వ్యక్తిగా కీలక పాత్ర పోషిస్తున్నట్లు సమాచారం.

RRR Actress Olivia Morris Visits Hyderabad: జూనియర్‌  ఎన్టీఆర్‌, రామ్‌చరణ్‌ ప్రధాన పాత్రలో రాజమౌళి దర్శకత్వంలో రూపొందుతున్న పాన్‌ ఇండియా త్రం‘ఆర్‌ఆర్‌ఆర్‌’(రౌద్రం,రణం, రుధిరం). ఈ చిత్రంతో హాలీవుడ్‌ భామ ఒలీవియా మోరీస్‌(Olivia Morris) తెలుగు ప్రేక్షకులకు పరిచయం కానుంది. షూటింగ్‌ నిమిత్తం హైదరాబాద్‌కు వచ్చిన ఈ హాలీవుడ్‌ బ్యూటీ, శనివారం సాయంత్రం హైదరాబాద్ నగరంలో చక్కర్లు కొట్టింది.  (చదవండి:  ‘ఖడ్గం’ ఫేమ్‌ కిమ్ శర్మ ఇప్పుడెలా ఉంది? ఏం చేస్తుంది?) ‘ఆర్‌ఆర్‌ఆర్‌’ కాస్ట్యూమ్‌ డిజైనర్‌గా వ్యవహరిస్తున్న అనురెడ్డితో కలిసి ఆమె శిల్పారామం వెళ్లారు. అక్కడి ప్రకృతి అందాలకు, హస్తకళలకు ఆమె ముగ్ధులయ్యారు. సిటీ విధుల్లో చిరుతిళ్ళు, పానీపూరీలు తింటూ సందడి చేశారు. దీనికి సంబంధించిన ఫోటోలను ఆమె తన ఇన్‌స్ట్రాగ్రామ్‌లో షేర్‌ చేయగా.. ప్రస్తుతం అవి వైరల్‌ అయ్యాయి. స్వాతంత్య్రం కోసం ధైర్యసాహసాలతో పోరాడే కొమురం భీమ్‌(ఎన్టీఆర్‌)తో ప్రేమలో పడే బ్రిటిష్‌ వనిత పాత్రను ఒలీవియా చేస్తున్నారు. View this post on Instagram A post shared by Olivia (@oliviakmorris)