ప్యారిస్‌: తన కుమారుడు ఉగ్రవాది కాదని ప్యారిస్‌లోని ఓర్లి విమానాశ్రయంలో సైనికుల చేతుల్లో ప్రాణాలుకోల్పోయిన అగంతకుడి తండ్రి చెప్పాడు. మద్యం సేవించడం, మత్తుపదార్థాలు తీసుకోవడం వల్ల అతడి చర్యలు అలాంటి ఆందోళన కలిగిస్తాయని చెప్పారు. ‘నా కొడుకు ఉగ్రవాది కాదు. అతడు ఎప్పుడు ప్రార్థన చేయలేదు. బాగా తాగుతాడు. ఆ కారణం వల్లే అతడి చర్యలు విపరీతంగా అనిపిస్తాయి’  అని జియాద్‌ బెన్‌ బెల్గాసెమ్‌ తండ్రి ఫ్రాన్స్‌కు చెందిన యూరప్‌ 1 రేడియోకు వివరాలు అందించాడు.
 
 ఓర్లి విమానాశ్రయంలో గస్తీ నిర్వహిస్తున్న ఓ సైనికురాలి వద్ద తుపాకీ లాక్కునేందుకు జియాద్‌ ప్రయత్నించి ప్రకంపనలు సృష్టించాడు. అతడి చర్యతో అవాక్కయిన బలగాలు వెంటనే అతడిని ఉగ్రవాదిగా భావించి కాల్పులు జరపడంతో అతడు అక్కడికక్కడే చనిపోయాడు. అయితే, అంతకంటే ముందు అతడు అల్లా కోసం చనిపోతానని, వేరే వాళ్లను చంపేస్తానని బెదిరించినట్లు కాల్పులు జరిపిన సైనికులు చెబుతున్నారు.
 సంబంధిత మరిన్ని వార్తా కథనాలకై చదవండి
 
 ప్యారిస్ ఎయిర్‌పోర్ట్‌లో కాల్పుల కలకలం
  


 ప్యారిస్: ఫ్రాన్స్ రాజధాని ప్యారిస్ కాల్పుల ఘటనతో ఉలిక్కిపడింది. శనివారం ప్యారిస్‌ ఓర్లీ విమానాశ్రయంలో ఓ అగంతకుడు సైనికుల నుంచి తుపాకీ లాక్కొనేందుకు ప్రయత్నించగా.. సైనికులు వెంటనే అప్రమత్తమై అతనిపై కాల్పులు జరిపారు. అగంతకుడు అక్కడికక్కడే మరణించాడు.  
 
 ఈ ఘటన తర్వాత విమానాశ్రయంలో హై అలర్ట్ ప్రకటించారు. విమానాశ్రయం నుంచి ప్రయాణికులను ఖాళీ చేయించారు. విమానాశ్రయంలో సెక్యూరిటి ఆపరేషన్ కొనసాగుతోందని అధికారులు చెప్పారు. ఫ్రాన్స్ సైనికుల కాల్పుల్లో మరణించిన అగంతకుడు ఎవరు? ఎందుకు తుపాకీ లాక్కోవాలని ప్రయత్నించాడు? ఇందులో ఉగ్రకోణం ఉందా? వంటి విషయాలు తెలియాల్సివుంది. ఈ ఘటనకు సంబంధించి పూర్తి వివరాలు తెలియాల్సివుంది.
 
 
 
 
 


 పారిస్: ఎయిర్పోర్ట్ వద్ద గస్తీ నిర్వహిస్తున్న సైనికుడిపై ఆగంతకుడు కత్తితో దాడి చేశాడు. అనంతరం అతడు పరారైయ్యాడు. ఈ ఘటన పారిస్లోని ఒర్లీ ఎయిర్పోర్ట్లో శుక్రవారం చోటు చేసుకుంది. ఈ మేరకు ఆ దేశ రక్షణ మరియు అంతర్గత మంత్రులు సంయుక్తంగా విలేకర్ల సమావేశంలో వెల్లడించారు.
 దాడి చేసిన వ్యక్తి కోసం గాలింపు చర్యలు చేపట్టినట్లు వారు తెలిపారు. అలాగే ఈ దాడిపై జ్యుడిషియల్ విచారణకు ఆదేశించినట్లు చెప్పారు. అయితే దేశంలోని అన్ని ఎయిర్పోర్ట్ల వద్ద గస్తీని తీవ్రతరం చేసినట్లు మంత్రులు వివరించారు.