హైదరాబాద్, బిజినెస్ బ్యూరో: లాజిస్టిక్స్ రంగంలో ఉన్న పార్సల్డ్ సంస్థ.. విస్తరణలో భాగంగా హైదరాబాద్‌లో అడుగుపెట్టింది. ఇప్పటికే ఢిల్లీ, ముంబై, పుణె, జైపూర్, బెంగళూరులో సేవలందిస్తోంది ఈ సంస్థ. ఆన్‌లైన్‌లో కొరియర్ సర్వీసును బుక్ చేసుకుంటే చాలు.. ఏజెంట్ మన ఇంటికొచ్చి మన ముందే సంబంధింత వస్తువులను ప్యాకింగ్ చేసి.. షిప్పింగ్ చేస్తారు. ఈ ప్రత్యేకతే తమను ముందుకు తీసుకెళుతోందని సంస్థ కో-ఫౌండర్, సీఈఓ క్షితిజ్ కోఠి సోమవారం ఒక ప్రకటనలో పేర్కొన్నారు.