మామాఅల్లుళ్ల సవాల్‌ సినిమాల్లో భలే సరదాగా ఉంటాయి. నువ్వా? నేనా? అని మామా అల్లుళ్లు తలపడటం సినిమాల్లో చూస్తుంటాం. ఇప్పుడు తమిళనాడు బాక్సాఫీస్‌ దగ్గర మామాఅల్లుళ్లు రజనీకాంత్, ధనుష్‌ తలపడే అవకాశం కనిపిస్తోంది. ఏఆర్‌ మురుగదాస్‌ దర్శకత్వంలో రజనీకాంత్‌ హీరోగా తెరకెక్కిన చిత్రం ‘దర్బార్‌’. నయనతార కథానాయిక. సంక్రాంతికి ఈ సినిమాను విడుదల చేస్తున్నట్టు చిత్రబృందం ఎప్పుడో ప్రకటించింది. మరోవైపు దురై సెంథిల్‌ కుమార్‌ దర్శకత్వంలో ధనుష్‌ ద్విపాత్రాభినయం చేస్తున్న సినిమా ‘పటాస్‌’. మెహరీన్, స్నేహా కథానాయికలు. ఈ సినిమా షూటింగ్‌ చివరి దశలో ఉంది. ‘పటాస్‌’ చిత్రాన్ని సంక్రాంతికి రిలీజ్‌ చేయాలని చిత్రబృందం భావిస్తోంది. దాంతో వచ్చే ఏడాది పొంగల్‌కి బాక్సాఫీస్‌ దగ్గర మామాఅల్లుళ్ల క్లాష్‌ ఏర్పడనుందని భావిస్తున్నారంతా. ఏం జరుగుతుందో చూడాలి.


 ఎన్టీఆర్ ఆర్ట్స్ బ్యానర్‌పై నందమూరి కల్యాణ్ రామ్ నిర్మాతగా వ్యవహరించి, హీరోగా నటించిన పటాస్ సినిమా టైటిల్‌లో జాతీయ చిహ్నాన్ని అవమానపరిచేలా చిహ్నం ఏర్పాటు చేశారని, ఆయనపై చర్యలు తీసుకోవాలంటూ దిల్‌సుఖ్ నగర్‌కు చెందిన న్యాయ విద్యార్థి వై.శ్రీధర్ బంజారాహిల్స్ పోలీస్‌స్టేషన్‌లో ఫిర్యాదుచేశారు. పటాస్ టైటిల్‌లో టా అక్షరంపై అశోకచక్రం ఏర్పాటు చేశారని, ఇది చట్టవిరుద్ధమని ఆయన ఫిర్యాదులో పేర్కొన్నారు.
 ఈ సినిమా ప్రచారంలో భాగంగా ఇదే అక్షరంపై అశోక చక్రం ముద్రించారని పేర్కొన్నారు. బంజారాహిల్స్ రోడ్ నంబర్ 2లోని సాగర్ సొసైటీలో ఉన్న ఎన్టీఆర్ ఆర్ట్స్ సినిమా కార్యాలయంపై కూడా కేసు నమోదు చేయాలని డిమాండ్ చేశారు. ఈ సినిమా విడుదలకు ముందే నందమూరి కల్యాణ్‌రామ్‌కు లీగల్ నోటీసు పంపించినా ఆయన స్పందించలేదని అందులో వివరించారు. కాగా ఈ ఫిర్యాదుపై నిపుణుల సలహా మేరకు కేసు నమోదు చేయనున్నట్లు బంజారాహిల్స్ ఇన్‌స్పెక్టర్ మురళీ కృష్ణ తెలిపారు.


 పటాస్ సినిమా సక్సెస్ను హీరో నందమూరి కళ్యాణ్రామ్ ఆస్వాదిస్తున్నారు. తిరుపతి నగరంలోని ఓ థియేటర్లో అభిమానుల మధ్య కూర్చుని పటాస్ మూవీని కళ్యాణ్రామ్ శుక్రవారం నాడు చూశారు. సినిమా ఘనవిజయం సాధిస్తుందని, ప్రేక్షకుల నుంచి అపూర్వ ఆదరణ లభిస్తుండటంతో బాక్సాఫీసు దగ్గర వసూళ్లు కూడా తగ్గలేదని ఆయన అన్నారు.
 
 'శనివారం నుంచి పటాస్ సినిమా విజయోత్సవ ర్యాలీలో పాల్గొంటాను. మంచి కథ దొరికితే మల్టీస్టారర్ మూవీలో నటించడానికి సిద్ధంగా ఉన్నాను' అని ఈ సందర్భంగా హీరో నందమూరి కళ్యాణ్రామ్ తెలిపారు.


 నచ్చిన కథలతో సినిమాలు తీస్తూ, నచ్చిన పాత్రల్నే ఎంచుకుంటూ తన అభిరుచికి అనుగుణంగా కెరీర్‌లో ముందుకు దూసుకుపోతున్నారు నందమూరి కల్యాణ్‌రామ్. ఈ క్రమంలో ఆయన చేస్తున్న తాజా చిత్రం ‘పటాస్’. అనిల్ రావిపూడి దర్శకుడు. ఇప్పటికే షూటింగ్ పూర్తి చేసుకున్న ఈ చిత్రం ప్రస్తుతం పోస్ట్‌ప్రొడక్షన్‌లో ఉంది. ఈ చిత్రం టైటిల్ లోగోను, టీజర్‌ను శుక్రవారం విడుదల చేశారు. సాయికార్తీక్ స్వరాలందించిన ఈ చిత్రం పాటలను డిసెంబర్ 7న విడుదల చేయనున్నట్లు కల్యాణ్‌రామ్ తెలిపారు.
 
 మాస్ మెచ్చే కమర్షియల్ ఎంటర్‌టైనర్‌గా అనిల్ ఈ చిత్రాన్ని రూపొందించారనీ, ఇప్పటివరకూ చేయని భిన్నమైన పాత్రను ఇందులో చేశాననీ కల్యాణ్‌రామ్ అన్నారు. డిసెంబర్‌లోనే సినిమాను విడుదల చేస్తామని ఈ సందర్భంగా ఆయన తెలిపారు. శ్రుతీ సోధీ కథానాయికగా నటించిన ఈ చిత్రంలో బ్రహ్మానందం, సాయికుమార్, ఎమ్మెస్ నారాయణ, జయప్రకాశ్‌రెడ్డి, పోసాని కృష్ణమురళి, ఆశుతోష్ రాణా, శ్రీనివాసరెడ్డి ఇతర పాత్రధారులు. ఈ చిత్రానికి కెమెరా: సర్వేష్ మురారి, నిర్మాణం: నందమూరి తారక రామారావు ఆర్ట్స్.