సరైన శుభ్రత పాటించకపోతే పాదాలు, చేతులు అందవికారంగా కనిపిస్తాయి. ఈ సమస్య దరిచేరకుండా ఉండాలంటే రోజూ సరైన జాగ్రత్తలు పాటించాలి.
 * ఉల్లిపాయను నూరి, ఆ ముద్దను మడమల మీద రాసి, 20 నిమిషాల తర్వాత కడిగేయాలి. ఇలా చేస్తే కాలి పగుళ్లు తగ్గుతాయి.
 * రోజూ రాత్రి పడుకునే ముందు ఆవనూనె పాదాలకు, చేతులకు రాసుకోవాలి.
 * అర కప్పు పెరుగులో అర టీ స్పూన్ వెనిగర్ కలిపి పాదాలకు మసాజ్ చేయాలి.
 * క్యాండిల్ వ్యాక్స్, ఆవనూనె కలిపిన మిశ్రమాన్ని రాత్రిపూట కాలి పగుళ్లకు రాసి సాక్స్ ధరించాలి. నిద్ర లేచాక  శుభ్రపరుచుకోవాలి.
 * తాజా గులాబీ పువ్వులు కప్పు, అరకప్పు పాలు కలిపి మెత్తగా నూరాలి. దీంట్లో టీ స్పూన్ శనగపిండి కలపాలి. ఈ మిశ్రమాన్ని పాదాలకు, చేతులకు పట్టించి పది నిమిషాల తర్వాత శుభ్రపరచాలి.
 * పెట్రోలియమ్ జెల్లీలో టీ స్పూన్ విటమిన్ ‘ఇ’ ఆయిల్, టీ స్పూన్ గ్లిజరిన్ కలపాలి. ఈ మిశ్రమాన్ని పట్టించి పది నిమిషాల తర్వాత కడిగేయాలి.
 * బొప్పాయి అరకప్పు, పైనాపిల్ అర కప్పు, తేనె నాలుగు టేబుల్‌స్పూన్లు కలిపి పాదాలకు పట్టించాలి. పది నిమిషాల తర్వాత శుభ్రపరుచుకోవాలి.