న్యూఢిల్లీ : దేశవ్యాప్తంగా ఏడో దశ ఎన్నికల పోలింగ్ బుధవారం ఉదయం ప్రారంభమైంది. ఏడు రాష్ట్రాలు, రెండు కేంద్రపాలిత ప్రాంతాల్లోని 89 లోక్‌సభ స్థానాలకు పోలింగ్ కొనసాగుతోంది. సుమారు 13.9 కోట్ల మంది ఓటర్లు దాదాపు 1,200 మంది అభ్యర్థుల భవితవ్యాన్ని నిర్దేశించనున్నారు. గుజరాత్‌లోని 26 లోక్‌సభ స్థానాలు, ఉత్తరప్రదేశ్‌లో-14, పంజాబ్‌లో-13 సీట్లు, పశ్చిమ బెంగాల్‌లో- 9, బీహార్‌- 7, జమ్మూకాశ్మీర్, దాద్రా నగర్ హవేలీ, దామన్ దయూలలో ఒక్కో స్థానానికి ఓటింగ్ జరుగుతోంది.
 
 ఇక తెలంగాణ ప్రాంతంలోని 17 లోక్‌సభ స్థానాలతోపాటు 119 అసెంబ్లీ స్థానాలకు న్నికలు జరుగుతున్నాయి.  ఏడో దశ ఎన్నికల బరిలో వివిధ పార్టీలకు చెందిన హేమాహేమీలు తమ అదృష్టాన్ని పరీక్షించుకుంటున్నారు. కాంగ్రెస్ అధినేత్రి సోనియాగాంధీ, బీజేపీ అగ్ర నేత ఎల్.కె. అద్వానీ, బీజేపీ ప్రధాని అభ్యర్థి నరేంద్ర మోడీ, ఆ పార్టీ అధ్యక్షుడు రాజ్‌నాథ్‌సింగ్, టీఆర్ఎస్ చీఫ్ కేసీఆర్, పలువురు కేంద్రమంత్రుల భవితవ్యాన్ని ఓటర్లు నిర్దేశించనున్నారు.
 
  


 బుధవారం జరుగనున్న లోక్‌సభ ఏడో విడత పోలింగ్‌కు ఏర్పాట్లు పూర్తయ్యాయి. ఏడు రాష్ట్రాలు, రెండు కేంద్ర పాలిత ప్రాంతాల్లోని 89 నియోజక వర్గాల్లో లోక్‌సభకు ఎన్నికలు జరుగనున్నాయి. 
  
 గుజరాత్‌లోని 26 నియోజకవర్గాల్లో, తెలంగాణాలోని 17 లోకసభ నియోజకవర్గాల్లో,  ఉత్తర ప్రదేశ్‌లోని 14 నియోజకవర్గాల్లో, పంజాబ్‌లోని మొత్తం 13 నియోజకవర్గాల్లో, పశ్చిమ బెంగాల్‌లోని 9 నియోజకవర్గాల్లో, బీహారులోని ఏడు నియోజకవర్గాల్లో, జమ్మూ-కాశ్మీరులోని ఒక నియోజకవర్గంలో, కేంద్ర పాలిత ప్రాంతాలైన దాద్రా-నగర్‌ హవేలిలోని ఒక నియోజకవర్గంలో, డామన్‌-డయూలోని ఒక నియోజకవర్గంలో లోక్‌సభకు ఎన్నికలు జరుగుతాయి. ఇవే  కాక తెలంగాణలో 119 అసెంబ్లీ నియోజకవర్గాల పోలింగ్ కూడా బుధవారమే జరుగుతుంది. 
 మొత్తం తొమ్మిది విడతల్లో ఇది ఏడవ విడత పోలింగ్‌.
  
 ఈ విడత బరిలో వున్న నేతల్లో కాంగ్రెస్ పార్టీకి చెందిన సోనియాగాంధీ, మధుసూధన్‌ మిస్త్రీ, కెప్టెన్‌ అమ్రిందర్‌సింగ్‌, శ్రీప్రకాష్‌ జైస్వాల్‌, బిజెపికి చెందిన నరేంద్ర మోడి, ఎల్‌.కె.అద్వాని, రాజ్‌నాథ్‌సింగ్‌, అరుణ్‌ జైట్లీ, మురళీ మనోహర్‌ జోషి, ఉమా భారతి, జెడియుకు చెందిన శరద్‌ యాదవ్‌, నేషనల్‌ కాన్ఫరెన్స్‌కు చెందిన ఫరూక్‌ అబ్దుల్లా వున్నారు.