లండన్‌: ప్రముఖ పాప్‌ స్టార్‌ లేడి గగా(30) అంటేనే పాప్‌ గీతాలు మన కళ్లముందు కదిలే విషయం తెలిసిందే. ఫుల్‌ ఎనర్జిటిక్‌గా ఉంటూ మైకందుకుని ఉర్రూతలూరించేలా గీతాలు ఆలపించేలా చేసే ఆమె కూడా గత కొంతకాలంగా ఓ అనారోగ్య సమస్యతో బాధపడుతున్నారంట. ఆమె స్వయంగా ఈ విషయాన్ని చెప్పింది. తొలిసారి దానికి సంబంధించిన తన వ్యక్తిగత రహస్యాన్ని చెప్పింది.
 
 తాను గత కొంతకాలంగా క్రానిక్‌ పెయిన్‌(దీర్ఘకాలిక నొప్పి)తో బాధపడుతున్నానని తెలిపింది. తన ఈ ఆరోగ్యపరమైన అంశాన్ని సామాజిక అనుసంధాన వేదిక ఇన్‌స్టాగ్రమ్‌ ద్వారా పంచుకుంది. ‘ప్రతి రోజు నొప్పులతో బాధపడుతున్నాను. అయితే, అనుభవజ్ఞులైన మహిళా వైద్యులు నా చుట్టే ఉండటం వల్ల చాలా సంతోషంగా భావిస్తున్నాను. ప్రస్తుతం ఆమె జోన్నే అనే అల్బం చేస్తున్నారు.


 లాస్ ఎంజెల్స్: చిన్నారుల కోసం ప్రముఖ హాలీవుడ్ పాప్ స్టార్ లేడి గాగా గొంతుసవరించింది. ఓ అనాథ ఆశ్రమాన్ని సందర్శించిన ఆమె వారి కోసం పాటపాడింది. ఈ 30 ఏళ్ల పాప్ సింగర్ మెక్సికోలోని కాపోసాన్ లుకాస్ అనే ప్రాంతంలో ఉన్న కాసా హోగర్ హోమ్ అనే బాలుర అనాథ ఆశ్రమానికి వెళ్లింది.
 
 అయితే, అక్కడి చిన్నారులతో కబుర్లు చెబుతున్న ఆమెను క్రిస్టియాన్ అనే బాలుడు ఒక పాట తమకోసం పాడాలని అభ్యర్థించాడు. అతడు అలా అడిగాడో లేదో వెంటనే ఏమాత్రం ఆలోచించకుండా గాగా చక్కగా ఓ గీతాన్ని ఆలపించారు. 'బోర్న్ దిస్ వే' అంటూ వారి కోసం పాటపాడి కొంత భావోద్వేగానికి లోనయ్యారు. ఇలా మ్యూజిక్ సిస్టం, ఇతర సంగీత సంబంధ పరికరాలు లేకుండా ఆమె గాల్లో తేలిపోయేట్లుగా సాంగ్ పాడి చిన్నారుల కోరికను తీర్చడమే కాకుండా తన పేరును నిలబెట్టుకున్నారు.