అజయ్, రిషి, రూబీ పరిహార్, శ్రీఐరా ప్రధాన పాత్రధారులుగా రూపొందిన చిత్రం ‘ప్రేమలో ఏబీసి’. తలారి నాగరాజు దర్శకుడు. జె.వి.రెడ్డి నిర్మాత. ఏలేందర్ బైగళ్ల స్వరాలందించిన ఈ చిత్రం పాటల ప్లాటినమ్ డిస్క్ వేడుక సోమవారం హైదరాబాద్‌లో జరిగింది. అతిథులుగా విచ్చేసిన వీఎన్ ఆదిత్య, మల్టీడైమన్షన్ వాసు చేతుల మీదుగా డిస్క్‌ల ప్రదానం జరిగింది.
  
  వి.సముద్ర, అశోక్‌కుమార్, స్టీవెన్ శంకర్, రామసత్యనారాయణ, డార్లింగ్ స్వామి తదితరులు ఈ కార్యక్రమానికి అతిథులుగా విచ్చేసి యూనిట్ సభ్యులకు శుభాకాంక్షలు అందించారు. లవ్, యాక్షన్, ఎంటర్‌టైనర్ ఇదని, నెలాఖరున సినిమా విడుదల చేస్తామని దర్శకుడు చెప్పారు. ఈ సినిమాకు వచ్చే లాభాలను తన అమ్మానాన్నల పేరిట ఏర్పాటు చేసిన ట్రస్ట్‌కి ఉపయోగిస్తానని నిర్మాత తెలిపారు. ఈ చిత్రానికి కెమెరా: ఇ.ఎస్.హెచ్.ప్రసాద్.
  


 ‘‘శాసన సభ్యుడికి అనుచరుడిగా పని చేసే వ్యక్తి... ఆ ఎమ్మెల్యే కూతురినే  ప్రేమిస్తే ఏమౌతుంది? ఈ నేపథ్యంలో సాగే కథ ఇది’’ అని దర్శకుడు తలారి నాగరాజు చెప్పారు. అజయ్, రిషి, రూబి పరిహార్, శ్రీ ఔరా కాంబినేషన్‌లో జె.వి. రెడ్డి నిర్మిస్తోన్న ‘ప్రేమలో ఎబిసి’ పాటల ఆవిష్కరణ హైదరాబాద్‌లో జరిగింది. తమ్మారెడ్డి భరద్వాజ్ పాటల సీడీని ఆవిష్కరించి, తొలి ప్రతిని చంద్రబోస్‌కు అందించారు. ఈ సందర్భంగా చంద్రబోస్ మాట్లాడుతూ -‘‘నేను ఇప్పటి వరకూ చూసిన సంగీత దర్శకుల్లో హైలీ ఎనర్జిటిక్ సంగీత దర్శకుడు ఎలేందర్ బెగైళ్ల’’ అని అభినందించారు. ఈ సినిమా తప్పకుండా విజయం సాధిస్తుందని నిర్మాత పేర్కొన్నారు. ఈ కార్యక్రమంలో ప్రసన్నకుమార్, తుమ్మలపల్లి రామసత్యనారాయణ తదితరులు మాట్లాడారు.