న్యూఢిల్లీ: ప్రకాశం జిల్లా చీరాలలో ఫ్రీలాన్స్‌ జర్నలిస్టు ఎన్‌.నాగార్జునరెడ్డిపై ఎమ్మెల్యే ఆమంచి కృష్ణమోహన్‌ సోదరుడు, అనుచరుల దాడి ఘటనను ప్రెస్‌ కౌన్సిల్‌ ఆఫ్‌ ఇండియా సుమోటోగా విచారణకు స్వీకరించింది. ఈ కేసుకు సంబంధించి పూర్తి వాస్తవాలతో రెండు వారాల్లో నివేదిక ఇవ్వాలని ఏపీ ప్రభుత్వ ప్రధాన కార్యదర్శికి, విజయవాడ పోలీస్‌ కమిషనర్‌కు, ప్రకాశం జిల్లా ఎస్పీకి, ఎమ్మెల్యే ఆమంచి కృష్ణమోహన్‌కు గురువారం నోటీసులు జారీ చేసింది. నివేదిక అందిన తర్వాత ఈ కేసుకు సంబంధించి తదుపరి చర్యలు తీసుకోనున్నట్లు వెల్లడించింది.