అమరావతి: వైఎస్సార్‌సీపీ అధినేత వైఎస్‌ జగన్‌ మోహన్‌ రెడ్డిపై విశాఖపట్నం ఎయిర్‌పోర్టులో జరిగిన దాడి దారుణమని ఏఐసీసీ ప్రధాన కార్యదర్శి ఉమెన్‌ చాందీ, ఏపీసీసీ అధ్యక్షులు ఎన్‌ రఘువీరా రెడ్డిలు వ్యాఖ్యానించారు. వైఎస్‌ జగన్‌పై హత్యాయత్నాన్ని తీవ్రంగా ఖండించారు. ఈ దాడిపై సమగ్ర విచారణ చేయాలని కేంద్ర, రాష్ట్ర ప్రభుత్వాలను డిమాండ్‌ చేశారు. జగన్‌ మోహన్‌ రెడ్డికి వెంటనే మెరుగైన వైద్యం అందించాలని కోరారు. అత్యంత కట్టుదిట్టమైన భద్రత ఉండే ఎయిర్‌పోర్టులో ఈ దాడి జరగడం నిఘా వైఫల్యమేనని, ఈ దాడి వెనక కుట్ర ఏమైనా ఉందా అనే కోణంలో కేంద్ర, రాష్ట్ర ప్రభుత్వాలు దర్యాప్తు చేయాలని డిమాండ్‌ చేశారు.


 హైదరాబాద్: రైతు రుణమాఫీ చేస్తానని అధికారంలోకి వచ్చిన ఆంధ్రప్రదేశ్ ముఖ్యమంత్రి చంద్రబాబు నాయుడు వారిని దారుణంగా మోసం చేశారని ఏపీసీసీ చీఫ్ రఘువీరా రెడ్డి విమర్శించారు. వేరే దేశంలో అయితే చంద్రబాబును జైల్లో పెట్టేవారని అన్నారు. ప్రజలు, రైతులు ఎన్నో ఆశలతో ఓటు వేశారని, అధికారంలోకి వచ్చాక చంద్రబాబు వారి ఆశల్ని అడియాశలు చేశారని ఆరోపించారు. నమ్మించి మోసం చేయడం చంద్రబాబు నైజమని రఘువీరారెడ్డి అన్నారు.