ఇండియన్‌ రైల్వేస్‌ ఉద్యోగుల్లో స్ఫూర్తి  నింపేందుకు కొత్త నిర్ణయం తీసుకుంది. రైలు లేదా గూడ్సులో చివరి పెట్టెలో తెల్లని ‍ డ్రెస్‌లో ఉంటూ ఎరుపు, పచ్చా జెండాలు ఊపుతూ కనిపించే గార్డు పోస్టుల్లో మార్పులు చేసింది. ఇకపై వారిని గార్డుల స్థానంలో ట్రైన్‌ మేనేజర్లుగా డిజిగ్నేషన్‌ మారుస్తూ రైల్వేశాఖ కొత్త నిర్ణయం తీసుకుంది. ఈ మేరకు జనవరి 13న రైల్వే బోర్డు  అన్ని జోన్లకి సర్క్యులర్‌ జారీ చేసింది.  రైల్వేబోర​​​​‍్డు తాజాగా చేసిన మార్పులతో ఇకపై నుంచి అసిస్టెంట్‌ గార్డ్‌ని అసిస్టెంట్‌ ప్యాసింజర్‌ ట్రైన్‌ మేనేజర్‌,  గూడ్స్‌ గార్డుని గూడ్స్‌ ట్రైన్‌ మేనేజర్‌, సీనియర్‌ గూడ్సు గార్డుని సీనియర్‌ గూడర్స్‌ ట్రైన్‌ మేనేజర్‌, సీనియర్‌ ప్యాసింజర్‌ గార్డుని సీనియన్‌ ప్యాసింజర్‌ ట్రైన్‌ మేనేజర్‌, మెయిల్‌/ఎక్స్‌ప్రెస్‌ గార్డుని మెయిల్‌/ఎక్స్‌ప్రెస్‌ ట్రైన్‌ మేనేజర్‌గా హోదాలు మార్చింది. ఈ మార్పులు తక్షణమే అమల్లోకి తెస్తున్నట్టు ప్రకటించింది. ప్రస్తుత మార్పులు కేవలం హోదా వరకే అని విధులు, జీతం, ప్రమోషన్లలో ఎటువంటి మార్పులు లేవని రైల్వేబోర్డు స్పష్టం చేసింది.   చదవండి: ఐఆర్‌సీటీసీ ఫీజులో వాటాలపై వెనక్కి తగ్గిన రైల్వేస్‌..


 వరంగల్ (కరీమాబాద్): రాష్ట్రం కాని రాష్ట్రంలో తెలుగు వాడు కనిపించడమే గగనమనుకుంటున్న సందర్భంలో నీది తెనాలే.. నాది తెనాలే.. అంటూ సొంత ఊరి వారిని మోసం చేయడానికి ప్రయత్నించిన ముఠా చేసిన అల్లరి... అంతా ఇంతా కాదు (ఇంద్రా సినిమా గుర్తుందా).. అచ్చం ఇలాంటి సంఘటనే తాజాగా వరంగల్‌లో చోటుచేసుకుంది. నల్గొండ జిల్లా నకిరేకల్ మండలం వల్లభాపురం గ్రామానికి చెందిన సందీప్ తల్లిదండ్రులు గత కొన్నేళ్లుగా గుజరాత్‌లో ఉంటున్నారు. తల్లిదండ్రుల వద్దకు వెళ్లిన సందీప్ తిరిగి స్వస్థలానికి చేరుకోవడానికి అహ్మదాబాద్ నుంచి నవజీవన్ ఎక్స్‌ప్రెస్‌లో ప్రయాణమయ్యాడు. ప్రయాణంలో పరిచయమయిన బంటు సైదులు తనది నల్గొండ జిల్లా సుర్యాపేట అని చెప్పాడు. నీది నల్గొండే నాది నల్గొండే అని సరదాగా మాట్లాడాడు. దీంతో అతన్ని నమ్మిన సందీప్ అతనితో మాట కలిపాడు. గుజరాత్ నుంచి సందీప్ డబ్బు తీసుకొని వస్తున్నాడని గమనించిన బంటు సైదులు ఎలాగైనా దాన్ని కొట్టేయాలని పథకం వేశాడు. సోమవారం ఉదయం ట్రైన్ వరంగల్ చేరుకున్న సమయంలో సందీప్ బాత్‌రూంకు వెళ్లిన సమయం చూసి చాకచక్యంగా అతని బ్యాగ్‌లో ఉన్న లక్ష రూపాయలు తన బ్యాగ్‌లోకి మార్చాడు. డబ్బు పోయిందని గమనించిన సందీప్ లబోదిబోమంటుంటే ఇదంతా గమనించిన పక్క సీటు వ్యక్తి బంటు సైదులు నిజ స్వరూపాన్ని బయటపెట్టడంతో అసలు విషయం తెలిసింది. దీంతో అప్రమత్తమైన రైల్వే గార్డులు బంటు సైదులును వరంగల్ పోలీసులకు అప్పగించారు.