కోలీవుడ్‌లో ప్రముఖ డైరెక్టర్‌ అట్లీ బ్లాక్‌ బస్టర్‌ సినిమాలు తెరకెక్కిస్తూ కోలీవుడ్‌లో మంచి ఫ్యాన్‌ బేస్‌ క్రియేట్‌ చేసుకున్నాడు. 'జవాన్‌' చిత్రంతో బాలీవుడ్‌లోకి అడుగుపెట్టిన అట్లీకి భారీ ఆఫర్లు వస్తున్నాయి. షారుక్‌ ఖాన్‌తో తెరకెక్కించిన ఈ చిత్రం సుమారు రూ. 1000 కోట్ల మార్క్‌ను దాటింది. రాజా రాణి సినిమాతో ఆయన డైరెక్టర్‌గా ఎంట్రీ ఇచ్చాడు. ఆర్య, నయనతార, నజ్రియా, జై తదితరులతో తెరెక్కిన ఈ సినిమా బ్లాక్‌ బస్టర్‌గా నిలిచింది. అట్లీ మేకింగ్‌కు ఫ్యాన్స్‌ ఫిదా అయ్యారు. దీంతో ఆయనకు వెంటనే హీరో విజయ్‌తో 'తెరి' సినిమా ఛాన్స్‌ దక్కింది. అది కూడా హిట్‌ కొట్టడంతో ఆయనతో వరుసగా మెర్సిల్‌, బిగిల్‌ వంటి చిత్రాలను తెరకెక్కించే ఛాన్స్‌ దక్కింది. ఆపై ఆయనకు జవాన్‌తో బాలీవుడ్‌లో కూడా అవకాశం దక్కింది. తాజాగా అట్లీ డైరెక్ట్‌ చేసిన 'రాజా రాణి' చిత్రం గురించి హీరోయిన్‌ సాక్షి అగర్వాల్‌ వైరల్‌ కామెంట్‌ చేసింది. ఇటీవ‌ల ఓ ఇంట‌ర్వ్యూలో ఆమె మాట్లాడుతూ.. ' నేను బెంగుళూరులో ఉన్న‌ప్పుడు రాజా రాణి సినిమా చేసే అవ‌కాశం నాకు వ‌చ్చింది. నేను అప్పుడు మోడలింగ్ చేస్తున్నాను. ఆ చిత్రానికి సంబంధించిన యూనిట్‌ నా కాస్టింగ్ ఏజెన్సీని సంప్రదించి రాజా రాణిలో నటించడం గురించి మాట్లాడారు. ఆ సినిమాలో ఆర్య హీరో అని కూడా చెప్పారు. ఆపై నువ్వు సెకండ్ హీరోయిన్ అని నాకు తెలిపారు. వారు చెప్పింది విని నేను కూడా నిజమని నమ్మాను. దీంతో వెంటనే ఓకే చెప్పాను. ఆ సమయంలో నాతో కొన్ని సీన్లు కూడా తీశారు. తర్వాత ఏమైందో తెలీయదు కానీ ఆ చిత్ర యూనిట్‌ నుంచి నాకు కాల్స్‌ రావడం ఆగిపోయాయి. కొద్దిరోజుల తర్వాత రాజా రాణి సినిమా విడుదలైంది. అవకాశం ఇచ్చినట్లే ఇచ్చే కొన్ని సీన్లకే నన్ను పరిమితం చేశారని తర్వాత అర్ధమయింది. అవి కూడా ఒక రెస్టారెంట్‌లో కాఫీ ఆర్డర్‌ చేసే పాత్రలో చూపించారు. నువ్వే సెకండ్‌ హీరోయిన్‌ అని చెప్పి చాలా చిన్న పాత్ర ఇచ్చారు. అందుకు కారణాలు ఎంటో నాకు ఇప్పటికీ తెలియదు. అదే సమయంలో దీని గురించి నేను దర్శకుడు అట్లీతో మాట్లాడి ఉండుంటే బాగుండేది. ఆయనతో మాట్లాడకపోవడం నా తప్పు అయింది. హీరోయిన్ ఛాన్స్ ఇస్తానని చెప్పి వారు నాకు పెద్ద ద్రోహమే చేశారు. అని ఆమె తెలిపింది. మోడల్ అయిన సాక్షి అగర్వాల్‌కి తమిళంలో సరైన అవకాశాలు రాలేదు. ఆమె కొన్ని చిత్రాలలో కనిపించింది. కాలాలో రజనీకాంత్ కోడలుగా ఆమె మెప్పించింది. ఆపై బిగ్ బాస్‌లో కూడా పాల్గొని మరింత పాపులర్‌ అయింది. ప్రస్తుతం కొన్ని కమర్షియల్ చిత్రాల్లో నటిస్తుండటం గమనార్హం.

చెన్నై : ప్ర‌ముఖ త‌మిళ ద‌ర్శ‌కుడు అట్లీ కుటుంబంలో విషాదం చోటుచేసుకుంది. అట్లీ తాత‌య్య సౌందరా పాండియన్ కన్నుమూశారు. ఈ విష‌యాన్ని స్వ‌యంగా అట్లీ త‌న ట్విట్ట‌ర్ ద్వారా పేర్కొంటూ ఎంతో ఎమోష‌న‌ల్ అయ్యారు. ఆయ‌న‌తో దిగిన ఓ ఫోటోను షేర్ చేస్తూ..మా కుటుంబం పెద్ద దిక్కును కోల్పోయింది. మా తాత ఎం. సౌంద‌రా పాడియ‌న్ చ‌నిపోయారు. పూడ్చ‌లేని న‌ష్టమిది..దీన్ని ఎలా అధిగమించాలో తెలియ‌డం లేదు. ఆయ‌న నా జీవితంలో ఎంతో ముఖ్య‌మైన వ్య‌క్తి. నేను ఆయ‌న్ని ఎంత‌గానో ప్రేమిస్తాను. తాత మీరే నా రోల్‌మోడ‌ల్‌, ల‌వ్ యూ, మిస్ యూ..మీ ఆత్మ‌కు శాంతి క‌ల‌గాలి అంటూ అట్లీ ట్వీట్ చేశారు. ఇది చూసిన పలువురు ప్ర‌ముఖులు స‌హా అభిమానులు అట్లీక కుటుంబానికి సంతాపం వ్య‌క్తం చేస్తున్నారు. ఇక తొలిచిత్రం రాజా రాణితో బ్లాక్ బ‌స్టర్ హిట్ అందుకున్న అట్లీ ఆ త‌ర్వాత ఎన్నో సూప‌ర్ హిట్ చిత్రాలు తెర‌కెక్కించారు. టాప్ హీరోల‌తో సినిమాలు చేస్తూ త‌మిళ ఇండ‌స్ర్టీలో మోస్ట్ క‌మ‌ర్షియ‌ల్ డైరెక్ట‌ర్‌గా పేరు తెచ్చుకున్నారు. ప్ర‌స్తుతం అట్లీ బాలీవుడ్‌లో షారుక్ ఖాన్‌తో ఓ సినిమాను డైరెక్ట్ చేయ‌నున్నారు. తెలుగులోనూ జూనియ‌ర్ ఎన్టీఆర్‌తో ఓ పాన్ ఇండియా మూవీ చేయ‌‌నున్న‌ట్లు వార్త‌లు వినిపిస్తున్నాయి. ఇప్ప‌టికే తార‌క్‌కు  స్క్రిప్ట్ వినిపించార‌ని, త్వ‌ర‌లోనే ఈ మూవీ ప్రారంభించ‌నున్న‌ట్లు తెలుస్తోంది. దీనిపై అఫీషియ‌ల్ అప్‌డేట్ రావాల్సి ఉంది.‌ My periyappa late justice M.Sowndra Pandian has passed away,Banyan of the whole family,Completely Devastated painful can’t take it & don’t know how to com over it,Love him the most,Periyappa ur always our king & role model, Love u & Will miss u , rest in peace... pic.twitter.com/LTvFXFQ9on — atlee (@Atlee_dir) April 25, 2021 చ‌ద‌వండి : 'ఆ ఫోటోలు పెడుతున్నారు..కొంచెం అయినా సిగ్గుండాలి'  ఆస్కార్‌ 2021: దక్షిణ కొరియాకు తొలి ఆస్కార్‌ నటి‌


  అదృష్టం ముఖం చాటేయనంత వరకు ఎలాంటి ఆటంకాలు ఏమీ చేయలేవు. ప్రస్తుతం నటి నయనతార పరిస్థితి ఇలానే ఉందని చెప్పక తప్పదు. ఈ సంచలన తారను అదృష్టం వెంటాడుతుందని భావించవచ్చు. విమర్శలు, వివాదాలు, వదంతులకు కేంద్రబిందువు ఈ ముద్దుగుమ్మ. శింబు, ప్రభుదేవాలతో ప్రేమ విఫలం తరువాత హీరోయిన్‌గా సెకండ్ ఇన్నింగ్స్ ప్రారంభించిన నయనతార రాజారాణి, ఆరంభం, ఇదు కదిర్‌వేలన్ కాదల్ అంటూ వరుస విజయాలను సొంతం చేసుకున్నారు. అదే విధంగా మళ్లీ మాజీ ప్రియుడు శింబు సరసన ఇదు నమ్మాళ్ చిత్రంలో నటిస్తూ మరోసారి సంచలన నటినని రుజువు చేసుకున్నారు.
  
  ఇదు కదిర్ వేలన్ కాదల్ చిత్రం తరువాత ఉదయనిధి స్టాలిన్‌తో వెంటనే నన్భేండా చిత్రంలో రొమాన్స్ చేస్తున్నారు. తాజాగా సూర్యతో నటించడానికి గ్రీన్ సిగ్నల్ ఇచ్చినట్లు సమాచారం. ఈ జంట ఇంతకు ముందు ఆదవన్ చిత్రంలో నటించి హిట్ పెయిర్‌గా గుర్తింపు పొందారు. చాలా గ్యాప్ తరువాత మళ్లీ ఇప్పుడు కలసి నటించడానికి సిద్ధం అవుతున్నారు. ఈ క్రేజీ జంట నటించనున్న చిత్రానికి వెంకట్ ప్రభు దర్శకత్వం వహించనున్నారు. ప్రస్తుతం సూర్య లింగుస్వామి దర్శకత్వంలో అంజాన్ చిత్రం చేస్తున్నారు. ఈ చిత్రం పూర్తి అయిన తరువాత నయనతారతో జతకట్టే చిత్రంలో నటించనున్నారు.  
  


 క్వీన్‌పై నయనతార కన్నేశారనగానే ఆమె రాణి కావాలనుకుంటున్నారా? అనే ఆలోచన కలుగుతుందా? ఒక రకంగా ఆమె కోరిక అదే. అయితే ఈ బ్యూటీ సినిమాలో క్వీన్‌గా జీవించాలనుకుంటున్నారు. అర్థం కాలేదా? అయితే చదవండి. నయనతార హీరోయిన్‌గా సెకండ్ ఇన్నింగ్‌లో ఆరంభం, రాజారాణి, ఇదు కదిర్ వేళన్ కాదల్ అంటూ వరుసగా హ్యాట్రిక్ కొట్టారు. ప్రస్తుతం ఉదయనిధి స్టాలిన్ సరసన నన్భేండా, శింబుకు జంటగా ఇదు నమ్మాళు చిత్రాలతోపాటు టాలీవుడ్ నటుడు గోపిచంద్‌తో ద్విభాషా చిత్రంలో నటిస్తూ బిజీగా ఉన్నారు. మరో చిత్రం నీ ఎంగే ఎన్ అన్భే త్వరలో తెరపైకి రానుంది.ఇది హిందీ చిత్రం కహానికి రీమేక్. హిందీలో విద్యాబాలన్ నటించిన పాత్రను నయనతార పోషించారు. ముఖ్యపాత్రలో వైభవ్ నటించిన ఈ చిత్రానికి టాలీవుడ్ దర్శకుడు శేఖర్ కమ్ముల తెరకెక్కించారు. తాజాగా నయనతార కన్ను బాలీవుడ్ చిత్రం క్వీన్‌పై పడింది.
 
  చిత్రం ఈ అమ్మడికి పిచ్చపిచ్చగా నచ్చేసిందట. హిందీలో కంగనా రనౌత్ నటించిన ఈ చిత్రం ఘన విజయం సాధించింది. ఈ పాత్రను దక్షిణాదిలో నయనతార పోషించాలని ఆశపడుతున్నారట. ఈ చిత్ర రీమేక్ హక్కులు కొనుగోలు చేయూలని తనకు బాగా సన్నిహితులైన ఇద్దరు నిర్మాతలకు చెప్పారట. ఈ బ్యూటీతో పాటు క్వీన్ చిత్రంతో నటించాలని ఆశిస్తున్న హీరోయిన్ల వరుసలో  సమంత కూడా ఉండడం విశేషం. ఇటీవల క్వీన్ చిత్రం చూసిన ఈ భామ కంగనా రనౌత్ నటనపై ప్రశంసల జల్లు కురిపించింది. ఇలాంటి పరిస్థితిలో మరి దక్షిణాది క్వీన్ ఎవరవుతారన్నది వేచి చూడాల్సిందే.
  


  రాజారాణి చిత్రం వలే ఇదు నమ్మ ఆళు చిత్రం ప్రమోషన్ కోసం నయనతారకు పెళ్లంట నినాదంతో పోస్టర్లు రూపొందించనున్నారు. శింబు, ప్రభుదేవాలను విడిచిన తర్వాత ఆర్యతో స్నేహంగా ఉంటూ వచ్చారు నయనతార. దీనిని తన చిత్రం ప్రమోషన్‌కు ఉపయోగించుకునేందుకు నిర్ణయించిన డెరైక్టర్ అడ్లి రాజారాణి చిత్రం పోస్టర్‌లో ఆర్య వెడ్స్ నయనతార అంటూ ముద్రించి క్రైస్తవ సంప్రదాయ రీతిలో ఇరువురు వివాహం జరుపుకుంటున్నట్లు నగరంలో ఏర్పాటు చేసిన పోస్టర్లు కలకలం రేపాయి.
  
 క్యారెక్టర్ పేర్లతో కాకుండా తమ సొంత పేర్లతో ఎందుకు పోస్టర్లు రూపొందించారంటూ నయనతార డెరైక్టర్‌ను నిలదీశారు. ఈ విషయంలో గుర్రుగా ఉన్న నయనతార ఆ చిత్రం ఫంక్షన్లలో ఆమె పాల్గొనలేదని తెలుస్తోంది. ఈ స్థితిలో శింబుతో మళ్లీ జంటగా ఇదు నమ్మ ఆళు చిత్రంలో నయనతార నటిస్తున్నారు. ఈ చిత్రం కూడా రాజా రాణి చిత్రం వలే దంపతుల ప్రేమ కథ. ఇందులోనూ వివాహ దృశ్యం ఒకటి చోటు చేసుకొంటుంది. మే 1వ తేదీ ఈ చిత్రం పోస్టర్లను విడుదల చేసే సమయంలో శింబు, నయనతార వివాహం అంటూ వివాహ అలంకరణలో ఉన్న ఫొటోలతో పబ్లిసిటీ చేసేందుకు శింబు నిర్ణయించారు.
  
 ఈ వ్యవహారం గురించి నయనతారకు తెలియదని ప్రచారం సాగుతోంది. ఆర్య వలే శింబు కూడా నయనతార అనుభూతులను అర్థం చేసుకోకుండా ప్రవర్తిస్తున్నట్లు కోడంబాక్కంలో గుసగుసలు వినిపిస్తున్నాయి
  


  'వరుడు' చిత్రంతో తెలుగు వారికి పరిచయమైన తమిళ హీరో ఆర్య  తన జీవితాన్ని పంచుకునే రాణి ఇంకా తారసపడలేదంటున్నాడు. ప్లేబాయ్ నటుడిగా పేరొందిన ఆర్య....ఏ హీరోయిన్తో నటించినా వారిద్దరిపై వదంతులు పుట్టుకొస్తుంటాయి. ఆర్య వ్యవహార శైలి ఈ ప్రచారానికి దోహదపడే విధంగా ఉండడం గమనార్హం.
 తనతో నటించే హీరోయిన్లు అందరూ తనకు స్నేహితురాళ్లు అని అతను చెప్పటం విశేషం. అందులో నయనతార ప్రత్యేకం అనడం లాంటి వాక్యాలు మరింత సంచలనం కలిగిస్తుంటాయి. తాజాగా నయన్తార..ఆర్య మధ్య సమ్థింగ్ సమ్థింగ్ అని కోలీవుడ్తో పాటు టాలీవుడ్లోనూ పుకార్లు షికార్లు చేస్తున్న విషయం తెలిసిందే. మరి  ఆర్య చెబుతున్న తాజా కబుర్లేమిటో తెలుసుకుందామా..
 
  ప్ర : ప్రస్తుతం నటిస్తున్న రాజారాణి చిత్ర కథలో మిమ్మల్ని ఆకట్టుకున్న అంశం ఏమిటి?
  జ : దర్శకుడు అట్లీ చిత్ర కథను నెరేట్ చేసినప్పుడే సంభాషణలతో సహా వివరించారు. అవి చాలా క్యాచీగా, వినోదభరితంగా ఉన్నాయనిపించింది. మంచి
 
 ఎమోషనల్ సన్నివేశాలూ ఉన్నాచయి. పెద్దలు కుదిర్చిన పెళ్లి సంబంధాలు చాలా వరకు ఆనందమయం కాకపోవడానికి కారణం ఇగోనే. ఈ కాన్సెప్ట్‌తో కూడిన కథను దర్శకుడు అట్లీ తెరపై అందంగా ఆవిష్కరించారు.
 
  ప్ర : ఈ చిత్రం కోసం మీరు ఎలాంటి ప్రత్యేక శ్రద్ధ తీసుకున్నారో చెబుతారా?
  జ : రాజారాణి చిత్రంలో నా పాత్ర రెండు కోణాల్లో సాగుతుంది. సగటు భర్తగా, మంచి ఎనర్జిటిక్‌తో కూడిన ప్రేమికుడిగా కనిపిస్తాను. ఈ విభిన్న తరహా పాత్రలకు బాడీ లాంగ్వాజ్ మార్పు కోసం చాలా జాగ్రత్తలు తీసుకున్నాను. అదేమిటో చిత్రం చూస్తే మీకే అర్థమవుతుంది.
 
  ప్ర : ప్రస్తుతం మల్టీ స్టారర్ చిత్రాల సంఖ్య పెరుగుతోంది. ఇంతకు ముందు మీరు ఈ తరహా చిత్రాలలో నటించారు కదా. ఎలాంటి అనుభూతి కలిగింది.?
  జ : ప్రతి నటుడికీ తన ప్రతిభపై నమ్మకం ఉంటుంది. నా వరకు నేను ఇతర హీరోలతో నటించేటప్పుడు చాలా కంఫర్టబుల్‌గా ఫీలయ్యాను. సాధారణంగా
 
 మల్టీస్టారర్ చిత్రాలంటే కథలు చాలా కొత్తగా ఉంటాయి. అదే విధంగా ప్రేక్షకులు తమ అభిమాన హీరోల కోసం చిత్రాలను చూడడానికి ఆసక్తి చూపిస్తుంటారు.
 
  ప్ర : ఆర్య వెడ్స్ నయనతార అంటూ రాజారాణి చిత్రం కోసం వెలసిన పోస్టర్ల గురించి ఏమంటారు?
  జ : అవి పూర్తిగా చిత్ర కాన్సెప్ట్‌ను అనుసరించి ముద్రిం చినవి. రాజారాణి చిత్రంలో నేను నయనతార భార్యాభర్తలుగా నటించాం. అలా చిత్ర ప్రచారం కోసం ప్రచురించినవే ఆ పోస్టర్లు.
 
  ప్ర : మీ గురించి ప్రచారం అవుతున్న వదంతుల గురించి పట్టించుకుంటారా?
  జ : అలాంటి ప్రచారాల గురించి పట్టించుకోను. ప్రేక్షకులకు నాపై అభిమానం ఉంది. అది చాలు. సినీ పరిశ్రమలో నేను ఒంటరినే.
 
  ప్ర : మరి తోడు కోసం అన్వేషిస్తున్నారా?
  జ : ప్రస్తుతం నా చుట్టూ ఉన్నవాళ్లందరూ తెరపై రాణులే. జీవితంలో నన్నేలే రాణి ఇంకా తారసపడలేదు.