సాక్షి, వైఎస్సార్‌ కడప : జిల్లాలోని రాజంపేట రైల్వేస్టేషన్‌ సమీపంలో కలకలం రేగింది. ప్రేమజంట రైలుకింద పడి ఆత్మహత్యాయత్నం చేసింది. ఈ ఘటనలో ప్రియుడు అక్కడిక్కడే మృతి చెందగా.. తీవ్రంగా గాయపడిన ప్రియురాలిని హుటాహుటిన సమీపంలోని ఆస్పత్రికి తరలించారు. ఆమె పరిస్థితి విషమంగా ఉందని ఆస్పత్రి వర్గాలు తెలిపాయి. కాగా, మృతుడు విజయవాడకు చెందిన సిద్ధయ్య, గాయపడిన మహిళ కడపకు చెందిన కాసింబిగా గుర్తించారు. 


 కడప: కన్నబిడ్డ తమకు బరువునుకున్నారో లేక పోషించే స్థాయి లేదనుకున్నారో ఓ చిన్నారిని తల్లిదండ్రులు వదిలివెళ్లిన ఘటన శనివారం వెలుగులోకి వచ్చింది. కడప జిల్లాలోని రాజంపేట రైల్వేస్టేషన్లోని సాయి నర్సింగ్ హోం వద్ద ఈ ఘటన వెలుగుచూసింది. హాస్పటిల్ వద్ద ఒంటిరిగా ఉన్న చిన్నారిని చూసిన స్థానికులు పోలీసులకు సమాచారం అందించారు. అయినా పోలీసుల నుంచి ఎలాంటి స్పందనలేదంటూ వాపోయారు. చివరికి హాస్పటల్ సెక్యూరిటీ గార్డ్ ఆ చిన్నారిని తన సంరక్షణలో ఉంచినట్టు సమాచారం. ఈ ఘటనకు సంబంధించి పూర్తి వివరాలు తెలియాల్సివుంది.