సాక్షి, అమరావతి: విద్యార్థులకు ఉద్యోగ, ఉపాధి కల్పన కోసం విస్తృత నైపుణ్యాలు పెంపొందించేలా డిగ్రీ కోర్సులను రీడిజైన్‌ చేసినట్లు ఉన్నత విద్యా మండలి వైస్‌ చైర్మన్‌ కె.రామమోహనరావు తెలి­పారు. ఆయన ఆదివారం విజయవాడలోని లయో­లా కాలేజీలో మీడియాతో మాట్లాడుతూ 2023–24 విద్యా సంవత్సరం నుంచి సింగిల్‌ మేజర్‌ సబ్జెక్ట్‌ డిగ్రీ, నాలుగేళ్ల హానర్స్‌ డిగ్రీలను ప్రారంభిస్తున్నట్లు చెప్పారు. వీటిపై విద్యార్థులు, తల్లిదండ్రులకు అవగాహన కల్పించేలా రాష్ట్రవ్యాప్తంగా సదస్సులు నిర్వహిస్తున్నామని తెలిపారు. సోమవారం నుంచి డిగ్రీ ప్రవేశాలకు ఆన్‌లైన్‌ రిజిస్ట్రేషన్లుప్రారంభమవుతున్న నేపథ్యంలో లయోలా కాలేజీలో సదస్సు ఏర్పాటు చేసినట్లు వివరించారు. నూతన విద్యా విధానం అ­మలులో ఏపీ ప్రభుత్వం దేశానికే ఆదర్శంగా నిలుస్తోందన్నారు. విద్యార్థులను ఒక సబ్జెక్ట్‌లో నిపుణులుగా తీర్చిదిద్దడంతోపాటు మల్టీడిసిప్లినరీ విద్యను అందించేలా డిగ్రీ కోర్సులు రూపొందించామన్నారు. మేజర్‌ (ప్రధాన) సబ్జెక్ట్‌తో డిగ్రీలో చేరిన విద్యార్థి రెండో సెమిస్టర్‌ నుంచి మైనర్‌ (రెండో ప్రాధాన్యం) సబ్జెక్ట్‌ను ఎంచుకోవాల్సి ఉంటుందన్నారు. ఈ మేజ­ర్, మైనర్‌ సబ్జెక్టుల్లో ఏదో ఒకదానిపై డిగ్రీ అనంతరం పీజీ స్పెషలైజేషన్‌ చేయవచ్చని తెలిపారు. డిగ్రీ మొదటి సంవత్సరం ఉత్తీర్ణత అనంతరం చదువు ఆపేస్తే ‘సర్టిఫికేషన్‌ కోర్సు’, రెండో ఏడాది తర్వాత ఆగిపోతే ‘డిప్లొమా’, మూడేళ్లు పూర్తి చేస్తే ‘డిగ్రీ’, నాలుగో ఏడాది చదివి ఉత్తీర్ణత సాధిస్తే ‘డిగ్రీ విత్‌ హానర్స్‌’ను ప్రదానం చేస్తామని వివరించారు. విద్యార్థులు మూడేళ్ల డిగ్రీలో 75 శాతం మార్కులతో ఉత్తీర్ణులైతే నాలుగో సంవత్సరం ‘రిసెర్చ్‌ హానర్స్‌’ కోర్సు చేయవచ్చని చెప్పారు. ఈ కోర్సు పూర్తిచేస్తే నేరు­గా పీహెచ్‌డీ చేసేందుకు అర్హత సాధిస్తారని పేర్కొ­న్నారు. అదేవిధంగా మూడేళ్ల డిగ్రీ పాసైన విద్యార్థులు నాలుగో ఏడాది హానర్స్‌ డిగ్రీని చేయవచ్చని, ఇది పూర్తిచేసిన వారు నేరుగా పీజీ రెండో ఏడాదిలో చేరవచ్చని తెలిపారు. ఈ విద్యా సంవత్స­రం నుంచే 150 మేజర్‌ సబ్జెక్టులు, ఇందులో 90 వరకు మైనర్‌ సబ్జెక్టులతో డిగ్రీ కోర్సులను ప్రవేశపెట్టామన్నారు. డేటాసైన్స్, ఇంటర్నెట్‌ ఆఫ్‌ థింగ్స్, సైబర్‌ క్రైమ్, ఏఐ, మెషిన్‌ లెర్నింగ్, బిజినెస్‌ ఎనలిటిక్స్, అగ్రికల్చర్, ఫుడ్‌ప్రాసెసింగ్, టూరిజం వంటి అనేక మైనర్‌ సబ్జెక్టుల్లో డిగ్రీ విద్యను ఆన్‌లైన్, ఆఫ్‌లైన్‌లో అభ్యసించవచ్చన్నారు. ఆర్ట్స్‌ విద్యార్థులు కూడా సాంకేతిక విద్యలో నైపుణ్యం సాధించేలా డిగ్రీ కోర్సులను సిద్ధం చేసినట్లు తెలిపారు. ఆయా కో ర్సుల వివరాలు, సిలబస్‌ను ఉన్నత విద్యా మండలి వెబ్‌సైట్‌లో అందుబాటులో ఉంచామని  చెప్పారు.  

సాక్షి ప్రతినిధి, చెన్నై: జయలలిత మరణంపై తమిళనాడు ప్రభుత్వం నియమించిన విచారణ కమిషన్‌ ముందు ఆ రాష్ట్ర ప్రభుత్వ మాజీ ప్రధాన కార్యదర్శి రామమోహన్‌రావు హాజరయ్యారు. జయలలిత సీఎంగా ఉన్న కాలంలో ఆయన ప్రభుత్వ ప్రధాన కార్యదర్శిగా ఉన్నారు. గురువారం కమిషన్‌ కార్యాలయానికి వచ్చి కమిషన్‌ చైర్మన్‌ ముందు హాజరయ్యారు. స్పృహలో ఉన్న స్థితిలోనే జయ ఆస్పత్రికి వచ్చారా? అడ్మిట్‌ చేయడానికి అసలుకారణాలేంటి? చికిత్సకు సంబంధించి తప్పుల తడకలుగా బులెటిన్లు ఎందుకు విడుదల చేశారు? తదితర ప్రశ్నలు వేసినట్లు సమాచారం.   


 ముఖ్యమైనా దాడులు
 డిసెంబర్‌ 22, నాగావ్‌ (అసోం): ఐటీ శాఖ దాడుల్లో ఒక వ్యాపారి నుంచి      రూ. 2.35 కోట్ల కొత్త నోట్లు స్వాధీనం
 
 డి–21, చెన్నై (తమిళనాడు): రాష్ట్ర ప్రభుత్వ ప్రధాన కార్యదర్శి పి.రామ్మోహన్‌రావు ఇంటిపై ఐటీ దాడిలో రూ. 18 లక్షల కొత్త నోట్లు, 2 కిలోల బంగారం స్వాధీనం
 
 డి–17, సూరత్‌ (గుజరాత్‌): కిషోర్‌ భాజియావాలా(టీ కొట్టు య జమాని) వద్ద రూ. 1.08 కోట్ల కొత్త నోట్లతో పాటు రూ. 4.92 కోట్ల బంగారు నగలు, రూ. 1.28 కోట్ల ఆభరణాలు, రూ. 1.28 కోట్ల వెండి, రూ.250 కోట్ల ఆస్తులు స్వాధీనం
 
 డి–16, నెల్లూరు: ఒక హోటల్‌లో రియల్‌ ఎస్టేట్‌ డీల్‌ కుదురుతోందన్న సమాచారం అందుకున్న పోలీసులు దాడి చేసి.. రూ.1.54 కోట్ల నగదు స్వాధీనం చేసుకున్నారు. అన్నీ కొత్త రూ.2వేల నోట్లే
 
 డి–16, వాషిమ్‌ (మహారాష్ట్ర): రూ.41 లక్షల కొత్త నోట్లు స్వాధీనం చేసుకున్నారు
 
 డి–15, డెహ్రాడూన్‌(ఉత్తరాఖండ్‌): రూ.7.39 లక్షల కొత్త నోట్లు, రూ.28 వేల పాత నోట్లు స్వాధీనం
 
 డి–15, గువాహటి: రూ.27 లక్షల కొత్త నోట్లు, రూ.2.58 లక్షల పాత నోట్లు స్వాధీనం
 
 డి–15, ధార్వాడ్‌(కర్ణాటక): రూ.23.20 లక్షల కొత్త నోట్లు సహా రూ.26.20 లక్షలు స్వాధీనం
 
 డి–15, ఢిల్లీ: కరోల్‌బాగ్‌ నగల దుకాణంపై దాడి లో కొత్త నోట్లు సహా రూ.30 లక్షలు పట్టుకున్నారు
 
 డి–15, ఠాణే: రూ.16 లక్షల కొత్త నోట్లు సహా రూ.21 లక్షలు పట్టుకున్నారు
 
 డి–15, గువాహటి: రూ.5.58 లక్షల కొత్త నోట్లు స్వాధీనం
 
 డి–15, నోయిడా (ఉత్తరప్రదేశ్‌): యాక్సిస్‌ బ్యాంక్‌ బ్రాంచిలో 20 నకిలీ ఖాతాల్లో రూ.60 కోట్ల డిపాజిట్లు గుర్తింపు
 
 డి–15, జైపూర్‌: రూ.35 లక్షల కొత్త నోట్లు స్వాధీనం
 
 డి–14, పుణే: బ్యాంక్‌ ఆఫ్‌ మహారాష్ట్ర లాకర్లలో రూ.10 కోట్ల డబ్బు దొరికింది
 
 డి–14, బెంగళూరు: రూ. 2.93 కోట్ల కొత్త నోట్లు సహా రూ.3.57 కోట్లు పట్టుకున్నారు
 
 డి–14, చండీగఢ్‌: రూ.17.74 లక్షల కోట్లు సహా 2.18 కోట్లు స్వాధీనం
 
 డి–14, వడోదర (గుజరాత్‌): రూ.13 లక్షల కొత్త నోట్లు సహా రూ.19.67 లక్షలు స్వాధీనం
 
 డి–13, గోవా: రూ. 24 లక్షల కొత్త నోట్లు స్వాధీనం
 
 డి–13, హైదరాబాద్‌: పది మంది దొంగల ముఠా నుంచి రూ.52 లక్షల కొత్త నోట్లు స్వాధీనం
 
 డి–13, బెంగళూరు: బెంగళూరు, హైదరాబాద్‌లలో రూ. 17.36 లక్షల కోట్లు స్వాధీనం. బ్యాంకు, పోస్టాఫీసు అధికారులపై సీబీఐ కేసులు నమోదు
 
 డి–10, బెంగళూరు: బెంగళూరులో బాత్‌రూంలో దాచిన రూ.5.7 కోట్ల కొత్త నోట్లు, 32 కిలోల బంగారం, రూ.90 లక్షల పాత నోట్లు స్వాధీనం
 
 డి–10, ఢిల్లీ: ఒక న్యాయవాద సంస్థపై దాడిలో రూ.2.5 కోట్ల కొత్త నోట్లు సహా రూ.13 కోట్లు స్వాధీనం
 
 డి–9, చెన్నై: టీటీడీ మాజీ సభ్యుడు శేఖర్‌రెడ్డి స్థావరాలపై దాడుల్లో రూ.9.63 కోట్ల కొత్త నోట్లు సహా రూ.106.52 కోట్ల నగదు, 127 కిలోల బంగారం స్వాధీనం
 
 డి–7, గోవా: రూ.1.5 కోట్ల కొత్త నోట్లు స్వాధీనం
 
 డిసెంబర్‌ 6, కోల్‌కతా: రూ. 33 లక్షల కొత్త నోట్లు స్వాధీనం, బీజేపీ నేత అరెస్ట్‌
 
 డి–4, సంబల్‌పూర్‌ (ఒడిశా): రూ.85.62 లక్షల కొత్త నోట్లు సహా రూ.1.42 కోట్లు స్వాధీనం
 
 డి–1, బెంగళూరు: రూ.4.7 కోట్ల కొత్త నోట్లు, రూ.30 లక్షల పాత నోట్లు, 7 కిలోల బంగారం స్వాధీనం
 
 నవంబర్‌ 26, ముంబై: విమానాశ్రయంలో రూ.2 కోట్ల బంగారం, రూ.7.5 లక్షల నగదు స్వాధీనం
 
 న–25, ఢిల్లీ: రూ.3.5 కోట్ల కొత్త నోట్లు పట్టివేత, ఇద్దరు యాక్సిస్‌ బ్యాంకు ఉద్యోగుల అరెస్ట్‌
 
 న–13, పట్నా: రైలులో రూ. కోటి స్వాధీనం