1990 దశకంలో తన అందంతో కుర్రకారును ఉర్రూతలూగించిన నటి రంభ. తెలుగు కుటుంబానికి చెందిన ఈమె తొలుత మలయాళంలో నటిగా అరంగేట్రం చేసింది. ఆ తరువాత 1993లో ఉళవన్‌ చిత్రం ద్వారా కోలీవుడ్‌కు ఎంట్రీ ఇచ్చారు. టాలీవుడ్‌లో 1994లో జగపతి బాబుతో అల్లరి ప్రేమికుడు సినిమాతో ఎంట్రీ ఇచ్చినా ఆ తర్వాత వచ్చినా అల్లుడా మజకా సినిమాతో ఓవర్‌నైట్‌ స్టార్‌ అయిపోయారు. ఆ తరువాత రంభ వెనక్కి తిరిగి చూసుకోవాల్సిన అవసరం లేకపోయింది. తమిళంలో రజనీకాంత్‌, కమలహాసన్‌, విజయ్‌, కార్తీక్‌, అర్జున్‌ ఇలా ప్రముఖ కథానాయకులందరి సరసనా నటించి క్రేజీ కథానాయకిగా వెలుగొందారు. 15వ ఏటనే నటిగా రంగ ప్రవేశం చేసిన రంభ 20 ఏళ్ల పాటు తమిళం, తెలుగు మలయాళం, కన్నడం, హిందీ, బోజ్‌పురి తదితర భాషల్లో 100కు పైగా చిత్రాల్లో నటించారు. వివాహనం అనంతరం నటనకు దూరమయ్యారు. ఆమె సహ నటీమణులు సిమ్రాన్‌, జ్యోతిక వంటి వారు ఇప్పటికీ నటిస్తునే ఉన్నారు. కాగా రంభ మళ్లీ నటించడానికి రెడీ అయ్యారు. నటిగా 20 ఏళ్ల పాటు ప్రేక్షకులు తనను ఎంతగానో ఆదరించారన్నారు. వివాహానంతరం సంసార జీవితం, పిల్లల సంరక్షణ కోసం నటనకు దూరంగా ఉండాలని భావించానన్నారు. తనకు ఇద్దరు కూతుర్లు, ఒక కొడుకు ఉన్నారని, వారు ఇప్పుడు పెద్దవాళ్లు కావడంతో మళ్లీ నటించాలని కోరుకుంటున్నానని తెలిపారు. పలు అవకాశాలు వస్తున్నాయని, తన వయసుకు తగ్గ పాత్రలను ఎంపిక చేసుకుని నటిస్తానన్నారు. త్వరలో టాలీవుడ్‌,కోలీవుడ్‌ చిత్రాలతో వెండితెరపై రంభ కనిపించడం ఖాయమనే చెప్పవచ్చు.

అందం, అభినయంతో ప్రేక్షకులను కట్టిపడేసిన హీరోయిన్లలో రంభ ఒకరు. ఒకప్పుడు తెలుగు తెరపై టాప్‌ హీరోయిన్‌గా దుమ్ము రేపింది. టాలీవుడ్‌తో పాటు కోలీవుడ్‌, శాండిల్‌వుడ్‌, బెంగాలీ.. ఇలా అన్ని ఇండస్ట్రీలో స్టార్‌ హీరోయిన్‌గా ఎదిగింది. రాజేంద్ర ప్రసాద్‌ ‘ ఆ ఒక్కటీ అడక్కు’ చిత్రంతో టాలీవుడ్‌ ఎంట్రీ ఇచ్చిన రంభ.. తక్కువ సమయంలోనే మెగాస్టార్ చిరంజీవి, వెంకటేశ్, నాగార్జున వంటి స్టార్ హీరోస్ అందరితోనూ కలిసి నటించింది. ఇక 2010లో కెనడాకు చెందిన వ్యాపారవేత్త ఇంద్రకుమార్ ను వివాహం చేసుకొని సినిమాలకు గుడ్‌బై చెప్పింది. ప్రస్తుతం ఈ జంటకు ఇద్దరు కూతుళ్లు, ఒక కొడుకు ఉన్నారు.  సినిమాలకు దూరమైనా.. సోషల్‌ మీడియా ద్వారా మాత్రం ఎప్పుడూ అభిమానులతో టచ్‌లోనే ఉంటారు రంభ. తాజాగా తన పెద్ద కూతురు లాన్య ఇంద్రకుమార్‌ ఫోటోలను ఇన్‌స్టాలో షేర్‌ చేసింది. అచ్చ తెలుగు ఆడపిల్లగా ముస్తాబైన ఆ లాన్య ఫోటోలు ఇప్పుడు నెట్టింట వైరల్‌గా మారాయి. ‘అచ్చం మీలాగే ఉంది’. ‘స్కూల్‌ డేస్‌ రంభలా ఉంది’ అంటూ నెటిజన్స్‌ కామెంట్‌ చేస్తున్నారు.  View this post on Instagram A post shared by Rambha💕 (@rambhaindran_)

హీరోయిన్ మీనా తాజాగా తన 46వ పుట్టిన రోజును సెలబ్రెటీ స్నేహితులు మధ్య జరుపుకున్నారు. శుక్రవారం(సెప్టెంబర్‌ 16న) మీనా బర్త్‌డే. ఈ సందర్భంగా ఆమె తన ఇండస్ట్రీ స్నేహితులు, అలనాటి స్టార్‌ హీరోయిన్లు సంగీత, సంఘవి, రంభలతో కలిసి పుట్టిన రోజును జరుపుకుంది.  ప్రస్తుతం ఇందుకు సంబంధించిన ఫొటోలు నెట్టింట వైరల్‌ అవుతున్నాయి. మీనాకు ఇండస్ట్రీలో చాలామంది సన్నిహితులు ఉన్నారు. సంగీత, రమ్యకృష్ణ, సంఘవి, శ్రీదేవి విజయ్‌ కుమార్‌, రంభ, స్నేహ ఇలా చాలామంది తనకు ఆప్తమిత్రులని మీనా పలు సందర్భాల్లో చెప్పిన సంగతి తెలిసిందే. ఇక ఇటీవల భర్తను కొల్పోయి విషాదంలో ఉన్న మీనాకు వారంతా అండగా నిలుస్తున్నారు. చదవండి: కాస్టింగ్‌ కౌచ్‌పై నోరు విప్పిన విష్ణుప్రియ, నన్ను కూడా అలా అడిగారు.. సందర్భం వచ్చినప్పుడల్లా వారంత మీనాను కలిసి కాసేపు ఆమెతో గడుపుతున్నారు. ఈ క్రమంలో నిన్న తన పుట్టిన రోజు కావడంతో రంభ, సంగీత, సంఘవిలు కలిసి ఆమె బర్త్‌డేను సెలబ్రెట్‌ చేశారు. మీనాతో కేక్‌ కట్‌ చేయించి తనతో కాసేపు సరదగా గడిపారు. ఈ సందర్భంగా వారితో దిగిన ఫొటోలను మీనా తాజాగా తన ఇన్‌స్టాగ్రామ్‌లో షేర్‌ చేశారు. ప్రస్తుతం ఈ ఫొటోలు సోషల్‌ మీడియాలో వైరల్‌గా మారాయి. ఇలాటి కఠిన సమయంలో మీనాకు అండగా నిలుస్తున్న ఈ తారలపై నెటిజన్లు ప్రశంసలు కురిపిస్తున్నారు. అలాగే ‘నిజమైన స్నేహం అంటే మీది’, ‘మీనా గారు ఇండస్ట్రీలో మంచి స్నేహితులను పొందారు’ అంటూ ఆమె పోస్ట్‌పై ఫ్యాన్స్‌ కామెంట్స్‌ చేస్తున్నారు.  View this post on Instagram A post shared by Meena Sagar (@meenasagar16)

సాక్షి, విజయవాడ : రాశి, రంభ లాంటి సినితారలతో ప్రసార మాద్యమాల్లో కలర్స్ అనే సంస్థ నిర్వహిస్తున్న ప్రకటనలను వెంటనే ఆపేయాలని విజయవాడ వినియోగదారుల ఫోరమ్ కోర్ట్ సంచలన తీర్పునిచ్చింది. కలర్స్‌ సంస్థ ప్రకటనలు చూసి మోసపోయిన ఓ వినియోగదారుడి ఫిర్యాదుపై విచారణ జరిపిన జస్టీస్‌ మాధవరావు.. కలర్స్ సంస్థకు వినియోగదారుడు చెల్లించిన రూ.74,652ల మొత్తాన్ని 9 శాతం వడ్డీతో  వెంటనే చెల్లించాలని సూచించించారు. అలాగే వినియోగదారుల సంక్షేమ నిధికి రూ. 2 లక్షలను జరిమానాగా చెల్లించాలని, వెంటనే రాశి, రంభల ప్రకటనలను ఆపేయాలని తీర్పునిచ్చారు. ప్రజాదరణ కలిగిన రాశి, రంభ లాంటి సెలబ్రిటీలు ఇలాంటి తప్పుడు ప్రకటనలను ప్రోత్సహించడం సరికాదని అభిప్రాయపడ్డారు.  ఇక మీదట ఇటువంటి ప్రకటనల పట్ల సినితారలు జాగ్రత్త వహించని పక్షంలో కొత్త చట్టం ద్వారా సెలబ్రిటీలకు కూడా జరిమానా విధిస్తామని హెచ్చరించారు. షాపింగ్‌ మాల్‌కు రూ. 5లక్షల జరిమానా.. అక్రమంగా పార్కింగ్‌ రుసుము వసూలు చేస్తున్న పీవీఆర్‌ మాల్‌కు రూ. 5 లక్షల జరిమానా విధిస్తూ తీర్పునిచ్చారు. ఈ మొత్తాన్ని వినయోగదారుల సంక్షేమనిధికి జమచేయాలని, ఖర్చుల నిమిత్తం రూ.5 వేలు ఫిర్యాదుదారుడికి అందజేయాలని పేర్కొన్నారు. హైకోర్ట్ ఉత్తర్వుల ప్రకారం మాల్స్, మల్టిప్లెక్స్ లలో ఉచిత పార్కింగ్ కల్పించేలా చర్యలు తీసుకోవాలని మున్సిపల్ కమీషనర్, కృష్ణాజిల్లా జాయింట్ కలెక్టర్‌ను ఆదేశించారు.


 యంగ్ టైగర్ ఎన్టీఆర్ తొలిసారిగా బిగ్ బాస్ షోతో బుల్లితెర మీద అడుగుపెట్టబోతున్నాడు. ఇప్పటికే భారీ హైప్ క్రియేట్ చేస్తున్న ఈ షోకు సంబంధించి తాజాగా మరిన్ని ఇంట్రస్టింగ్ అప్ డేట్స్ టాలీవుడ్ సర్కిల్స్లో వినిపిస్తున్నాయి. ఎన్టీఆర్ స్మాల్ స్క్రీన్ ఎంట్రీ ఇస్తుండటంతో ఈ షోను ప్రతిష్టాత్మకంగా తీసుకున్న చానల్ నిర్వహకులు టాప్ స్టార్స్ను తెర మీదకు తీసుకువచ్చేందుకు ప్రయత్నిస్తున్నారు.
 
 ఇప్పటికే కొంతమందిని షోలో పాల్గొనేందుకు ఒప్పించారన్న ప్రచారం జరుగుతోంది. షో నిర్వాహకులు ఎలాంటి ప్రకటన చేయకపోయినా.. నటుడు పోసాని కృష్ణమురళి, ఒకప్పటి స్టార్ హీరోయిన్స్ రంభ, స్నేహ, సదా, స్టార్ వారసురాలు మంచు లక్ష్మీ ఈ కార్యక్రమంలో పాల్గొననున్నారట. వీరితో పాటు ప్రముఖ మత ప్రచారకుడు కేఏ పాల్ కూడా షోలో పాల్గొననున్నాడన్న ప్రచారం జరుగుతోంది.
 
 ఇంత వరకు షో నిర్వహకులుగాని, చానల్ వారు గాని షోలో పాల్గొనబోయే సెలబ్రిటీల గురించి ఎలాంటి ప్రకటన చేయలేదు. అసలు షోలో పాల్గొనేది ఎవరు.. అన్న విషయం తెలియాలంటే ఈ నెల 16న షో ప్రారంభమయ్యే వరకు వెయిట్ చేయాల్సిందే.


  నటి రంభ భర్త నుంచి విడిపోయిందా? అన్న ప్రశ్నకు కోలీవుడ్ నుంచి అవుననే సమాధానం వస్తోంది. 1990 ప్రాంతంలో క్రేజీ హీరోయిన్‌గా రాణించిన నటి రంభ తమిళం, తెలుగు భాషల్లో సూపర్‌స్టార్స్ అందరితోనూ జతకట్టింది. మంచి ఫామ్‌లో ఉండగానే కెనడాకు చెందిన వ్యాపారవేత్త ఇంద్రన్‌ను వివాహం చేసుకుంది. వీరికి ఒక కూతురు కూడా ఉంది. కొన్నాళ్ల వరకు వీరి సంసార జీవితం అన్యోన్యంగానే సాగింది. ఆ మధ్య నటించే అవకాశాలు వచ్చినా రంభ నిరాకరించింది.
 ఇటీవల భర్త ఇంద్రన్‌తో మనస్పర్థలు ఏర్పడ్డాయని, ప్రస్తుతం రంభ విడిగా జీవిస్తోందని కోలీవుడ్ సమాచారం. అంతేకాదు రంభ మళ్లీ ముఖానికి రంగేసుకోవడానికి సిద్ధమైందని, తమిళంలో శింబు హీరోగా నటించనున్న చిత్రంలో ముఖ్య పాత్రను పోషించనుందని సమాచారం. అదే విధంగా హీరోయిన్ పాత్రలే కాదు ఇకపై అక్క, వదిన తరహా పాత్రలను కూడా సై అంటోందట. తెలుగులోనూ అవకాశాల వేట ప్రారంభించిందట. మరి అందాల తార రీ ఎంట్రీ ఎలా ఉంటుందో వేచి చూడాల్సిందే.