సాక్షి, హైదరాబాద్:  ప్రపంచ వ్యాప్తంగా ఉన్న ఉస్మానియా విశ్వవిద్యాలయ పూర్వ విద్యార్థుల సమ్మేళనాన్ని జనవరి 3, 4 తేదీల్లో నిర్వహిస్తున్నట్లు ఓయూ ఉపకులపతి ప్రొఫెసర్‌ రవీందర్‌ యాదవ్‌ వెల్లడించారు. గురువారం ఓయూ అతిథి గృహంలో ఏర్పాటు చేసిన విలేకరుల సమావేళంలో ఆయన మట్లాడారు. ఓయూ క్యాంపస్‌ ఠాగూర్‌ ఆడిటోరియంలో జరిగే ఉస్మానియా గ్లోబల్‌ అలుమ్నీ మీట్‌–23లో హాజరయ్యేందుకు ఇప్పటికే వెయ్యి మంది పూర్వ విద్యార్థులు తమ పేర్లను నమోదు చేసుకున్నారని తెలిపారు. విశ్వవిద్యాలయం చరిత్రలో విభాగాల వారీగా పూర్వ విద్యార్థుల సమావేశం నిర్వహించడం ఇదే తొలిసారని వివరించారు.  రెండు రోజుల పాటు సమ్మేళనం ఇలా..  గ్లోబల్‌ అలుమ్ని మీట్‌  జనవరి 3న మధ్యాహ్నం ప్రారంభమవుతుందన్నారు. ఉస్మానియా విశ్వవిద్యాలయ అభివృద్ధి, ఇతర అంశాలపై విశిష్ట పూర్వ విద్యార్థులతో పలు బృందలతో చర్చలు ఉంటాయన్నారు. సాయంత్రం యూనివర్సిటీ కాలేజ్‌ ఆఫ్‌ ఇంజనీరింగ్‌లోని లాన్‌లో సాంస్కతిక కార్యక్రమాలు జరుగుతాయన్నారు. రెండో రోజున పూర్వ విద్యార్థులు ఆయా విభాగాలను సందర్శించి, అధ్యాపకులు, విద్యార్థులతో  కలిసి చిన్ననాటి జ్ఞాపకాలను పంచుకుంటారన్నారు. మధ్యాహ్నం వివిధ అంశాలపై ఉపన్యాసాలుంటాయని వివరించారు. (క్లిక్‌ చేయండి: ప్రయాణికులకు ఊరట.. పోలీసుల కీలక ఆదేశాలు)


  సాక్షి, న్యూఢిల్లీ: ఢిల్లీ పోలీస్ కానిస్టేబుల్‌ను హత్యచేసిన మెవాటీగ్యాంగ్‌లో కీలక సభ్యుడిని అరెస్టు చేసినట్టు క్రైం బ్రాంచ్ ఏసీపీ రవిందర్‌యాదవ్ తెలిపారు. గతేడాది మే 18 రాత్రి భ రత్‌నగర్ పోలీస్ స్టేషన్‌పరిధిలో హోంగార్డు శంకర్‌తో కలిసి విధులు నిర్వహిస్తున్న ఢిల్లీ పోలీస్ కానిస్టేబుల్ నరేశ్‌కు వైర్‌లెస్‌లో ఓ కాల్ వచ్చింది. చోరీ వస్తువులు తీసుకెళుతున్న  పోలీసులు అనుసరిస్తున్నారని, అటువైపుగా వస్తున్న వాహనాన్ని ఆపాల్సిందిగా సమాచారం అందింది. వెంటనే స్పందిచిన కానిస్టేబుల్ శంకర్ దొంగల వాహనాన్ని అడ్డుకునేందుకు యత్నించాడు. ఈ క్రమంలో దుండగులు జరిపిన కాల్పుల్లో మరణించాడు.
  
  ఇలా చిక్కారు:
  నేరం జరిగిన విధానం ఆధారంగా మేవటి గ్యాంగ్ సభ్యులే ఈ నేరం చేసి ఉంటారని పోలీసులు అనుమానించారు. అదే దిశగా కేసు దర్యాప్తు ముమ్మరం చేశారు. హర్యానాకి చెందిన ఈ ముఠాలో కీలక వ్యక్తిని షకీర్‌గా పోలీసులు గుర్తించారు. అతడిని ఆచూకీ ఇచ్చిన వారికి రూ.లక్ష నగదుబహుమతి సైతం పోలీసులు ప్రకటించారు. గతేడాది నవంబర్‌లో ఈ ముఠా సభ్యుల్లో ఒకరిని పోలీసులు అరెస్టు చేయగలిగారు. అతడు ఇచ్చిన సమాచారం ప్రకారం మిగిలిన వారికోసం వేట కొనసాగించారు. విశ్వసనీయ సమాచారం ప్రకారం కానిస్టేబుల్‌పై కాల్పులు జరిపిన నిందితుల్లో ఒకడైన బద్దన్ పశ్చిమ బెంగాల్‌లో తలదాచుకున్నట్టు తెలిసింది. ముమ్మరం గాలింపు అనంతరం ఈనెల 26న బద్దన్‌తోపాటు మరో నలుగురిని అరెస్టు చేశారు. కేసు దర్యాప్తులో ఉన్నట్టు పోలీసులు తెలిపారు.