సాక్షి, ముంబై:  లాభాలతో మొదలైన మార్కెట్లు తమహవాను కొనసాగిస్తున్నాయి.  వరుగా   సెషన్లుగా లాభపడుతున్న  మార్కెట్లలో నిఫ్టీ  మరోసారి 10వేల మార్క్‌ను అందుకుంది. ముఖ్యంగా ఆటో, ఎఫ్‌ఎంసీజీ, ప్రయివేట్‌ బ్యాంకింగ్ కౌంటర్లలో ఇన్వెస్టర్ల కొనుగోళ్లతో   మార్కెట్లు పటిష్ట లాభాలతో కదులుతున్నాయి.
 ఆసియా మార్కెట్ల సానుకూతల నేపథ్యంలో లాభాలతో మొదలైన నిఫ్టీ ట్రేడింగ్‌ ప్రారంభంలోనే 10,000 పాయింట్ల మార్క్‌ను అందుకుంది. అనంతరం స్వల్పంగా వెనుకబడింది..అలాగే సెన్సెక్స్‌ కూడా లాభాల్లో డబుల్‌సెంచరీకొట్టేసింది  222పాయింట్ల లాభంతో 31,909 వద్ద ఉంది.
 అయితే   ఇక్కడ సాంకేతికంగా కీలక రెసిస్టెన్స్‌ను ఎదుర్కొంటోంది.  ప్రస్తుతం76 పాయింట్లు బలపడి 10 010 వద్ద ట్రేడవుతోంది. సుజ్లాన్‌, గెయిల్‌, పెట్రోనెట్‌, చెన్నై పెట్రో, జైన్‌ ఇరిగేషన్‌, ఎల్‌అండ్‌టీ, ఎంఆర్‌పీఎఈల్‌, బజాజ్‌ ఫిన్‌, బాటా, సెంచురీ టెక్స్‌ భారీ లాభాలను సాధింస్తుండగా  అయితే శ్రేఈ ఇన్‌ఫ్రా, ఐఆర్‌బీ, వోల్టాస్‌, ఒరాకిల్‌, మారికో, బయోకాన్‌, సన్‌ ఫార్మా, దివాన్‌ హౌసింగ్ నష్టపోతున్నాయి.
 అటు  డాలర్‌మాకరంలో రూపాయ  బలహీనంగా ట్రేడ్‌ అవుతోంది.  అటు డాలర్‌మాకరంలో రుపీకూడా ఇదే ధోరణిలలో ఉంది. 0.005పైసల స్వల్ప  లాభంతో 63.84 వద్ద ఉంది. బంగారం మాత్రం వెనకడుగువేసింది. ఎంసీఎక్స్‌ మార్కెట్‌ లో పుత్తడి పది గ్రా. 244 పతనమై రూ. 30024వద్ద ఉంది.
  


 ముంబై: దేశీయ స్టాక్‌మార్కెట్లు లాభాలతో ప్రారంభమయ్యాయి.  ముఖ్యంగా  ఫెడరల్‌ రిజర్వ్‌ యథాతథ పాలసీ అమలుకే నిర్ణయించడంతో దేశీయంగా ఇన్వెస్టర్లకు జోష్‌ వచ్చింది. ఇన్వెస్టర్లు కొనుగోళ్లతో ట్రేడింగ్‌ ప్రారంభంలోనే మార్కెట్లు జోరందుకున్నాయి.  ప్రస్తుతం సెన్సెక్స్‌ 174 పాయింట్లు జంప్‌చేసి 30,069వద్ద 30వేల మైలురాయిని అధిగమించింది. అటు నిఫ్టీకూడా 40 పాయింట్లుఎగిసి 9350ని తాకింది. అలాగే   బ్యాంక్‌ నిఫ్టీ 0.8 శాతం జంప్‌చేసి 22,624 వద్ద కొత్త గరిష్టాన్ని తాకడం విశేషం.  నిన్న మార్కెట్‌ ముగిసిన తరువాత   ప్రకటించిన క్యూ 4 ఫలితాలను ప్రకటించిన ఐసీఐసీఐ 5 శాతానికిపైగా ఎగిసింది. రెరా కిక్‌తో రియల్‌ ఎస్టేట్‌ పాజిటివ్‌గా ఉంది. అలాగే మెటల్‌ సెక్టార్‌కూడా లాభాల్లో ఉంది.  బ్యాంక్‌ ఆఫ్ బరోడా, గ్రాసిం, భారతి ఎయిర్‌ టెల్‌ తదితర షేర్లు లాభపడుతున్నాయి.  
 అటు  పుత్తడి ధరలు మరింత బలహీనతనుకొనసాగిస్తున్నాయి.
  


 కేజీ డీ6 బేసిన్ నుంచి ఉత్పత్తి చేసే గ్యాస్ ధరను వచ్చే ఏడాది నుంచి రెట్టింపు చేసుకునేందుకు కేంద్ర కేబినెట్ రిలయన్స్ ఇండస్ట్రీస్(ఆర్‌ఐఎల్)ను అనుమతించడంతో శుక్రవారం ఆయిల్ షేర్ల నేతృత్వంలో మార్కెట్ భారీ ర్యాలీ జరిపింది. బీఎస్‌ఈ సెన్సెక్స్ 371 పాయింట్లు ఎగిసి తిరిగి 21,000 స్థాయిపైన ముగిసింది. ఎన్‌ఎస్‌ఈ నిఫ్టీ 107 పాయింట్ల లాభంతో 6,274 పాయింట్ల వద్ద క్లోజయ్యింది. నవంబర్ 25 తర్వాత ఇదే అతిపెద్ద ర్యాలీ. ఆ రోజున సెన్సెక్స్ 388 పాయింట్లు పెరిగింది. స్టాక్ సూచీల్లో దాదాపు 10% వెయిటేజి వున్న రిలయన్స్ షేరు 4.6% పెరగడంతో తాజా ర్యాలీ సాధ్యపడింది.
  
  ఈ షేరు 6 వారాల గరిష్టస్థాయి రూ. 895 వద్ద ముగిసింది. ఓఎన్‌జీసీ సైతం 4 శాతం పెరిగింది. అమెరికా ఆర్థిక వ్యవస్థ రికవరీని ప్రతిబింబిస్తూ ఐటీ షేర్లు ఇన్ఫోసిస్, విప్రో, టెక్ మహీంద్రా, టీసీఎస్‌లు మరో 1-3 శాతం మధ్య పెరిగాయి. మొదటి మూడు షేర్లు కొత్త గరిష్టస్థాయిల వద్ద ముగిసాయి. బ్యాంకింగ్ షేర్లు ఐసీఐసీఐ, హెచ్‌డీఎఫ్‌సీ, హెచ్‌డీఎఫ్‌సీ బ్యాంక్ షేర్లు కూడా 1-2% పెరిగి మార్కెట్ ర్యాలీలో పాలుపంచుకున్నాయి. విదేశీ సంస్థాగత ఇన్వెస్టర్లు మరో రూ.990 కోట్ల పెట్టుబడుల్ని భారత్ మార్కెట్లోకి కుమ్మరించారు. వీరు వరుసగా నాలుగురోజుల్లో రూ. 6,000 కోట్ల డాలర్లకుపైగా పెట్టుబడిచేయడం విశేషం. దేశీయ సంస్థలు రూ. 247 కోట్లు వెనక్కుతీసుకున్నాయి.
  
  వెలుగులో మిడ్‌క్యాప్ షేర్లు....
  చాలా రోజుల తర్వాత అధిక సంఖ్యలో వివిధ రంగాలకు చెందిన మిడ్‌క్యాప్ షేర్లు పరుగులు తీసాయి. ఎఫ్ అండ్ ఓ విభాగంలో ట్రేడయ్యే పవర్ ఫైనాన్స్ కార్పొరేషన్, జీఎంఆర్ ఇన్‌ఫ్రా, కర్ణాటకబ్యాంక్, హెచ్‌డీఐఎల్, యునెటైడ్ ఫాస్పరస్, రూరల్ ఎలక్ట్రికల్స్, హెక్సావేర్ షేర్లు 4.5-7.5 శాతం మధ్య పెరిగాయి. నగదు విభాగంలో ట్రేడయ్యే రియల్టీ షేరు అనంత్‌రాజ్ 20 శాతం పెరగ్గా, ఐటీ షేరు మాస్తెక్ 15%ఎగిసింది. జేఎం ఫైనాన్షియల్, రేమండ్, ఎంసీఎక్స్, నెట్‌వర్క్ 18, డెన్ నెట్‌వర్క్స్, ఎన్‌సీసీ, మైండ్‌ట్రీలు 8-11% మధ్య పెరిగాయి.
  
  ఇన్వెస్టర్ల సంపద లక్ష కోట్ల రూపాయిల మేర పెరిగింది. రంగాల వారీగా ఆయిల్ ఆండ్ గ్యాస్ ఇండెక్స్ అన్నింటికంటే అధికంగా 3.83 శాతం ఎగిసింది. రియల్టీ, ఆటోమొబైల్ సూచీలు 2 శాతం చొప్పున పెరగ్గా, బ్యాంకింగ్ సూచి 1.81 శాతం ర్యాలీ జరిపింది. ఐటీ సూచి 1.6 శాతం పెరిగింది. ఎన్నో నెలల తర్వాత మార్కెట్లో అధికశాతం షేర్లు పెరగడం విశేషం.
  
  ఆర్‌ఐఎల్ కౌంటర్లో షార్ట్ కవరింగ్...
  కేజీ డీ-6లో ఉత్పత్తి నానాటికీ తగ్గడం, గ్యాస్ ధర పెంపుపై వివాదం కొనసాగడంతో  కొద్దిరోజులుగా ఆర్‌ఐఎల్ కౌంటర్‌లో భారీగా షార్ట్ బిల్డప్ జరుగుతోంది. ఈ కారణంగానే ఐదు రాష్ట్రాల అసెంబ్లీ ఎన్నికల ఫలితాల తర్వాత స్టాక్ సూచీలు కొత్త రికార్డుకి పెరిగినా, ఆర్‌ఐఎల్ షేరు రూ.880 స్థాయినీ దాటలేకపోయింది. ఈ వారంలోనే మూడున్నర నెలల కనిష్టస్థాయి రూ.836 వద్దకు పడింది కూడా.  గ్యాస్ ధర పెంపుతో... షార్ట్ పొజిషన్లలో కొంత కవర్‌కావడంతో షేరు 4.5% పెరిగింది. కవరింగ్‌కు సంకేతంగా ఆర్‌ఐఎల్ ఫ్యూచర్ ఓపెన్ ఇంట్రస్ట్(ఓఐ) నుంచి ఒక్కసారిగా 21.56 లక్షల షేర్లు (18%) కట్ అయ్యాయి. దాంతో మొత్తం ఓఐ 94.36 లక్షల షేర్లకు దిగింది. వారం నుంచి ప్రతీ రోజూ బిల్డప్ పెరుగుతున్న రూ.860, రూ.880 స్ట్రయిక్స్ కాల్ ఆప్షన్ల నుంచి మూడేసి లక్షల చొప్పున షేర్లు కట్ అయ్యాయి. రూ. 900 కాల్ ఆప్షన్ నుంచి 81 వేల షేర్లు తగ్గాయి. అయితే ఆర్‌ఐఎల్‌కు నెలల తరబడి నిరోధం కల్పిస్తున్న రూ. 920 స్థాయి వద్ద కాల్ బిల్డప్ జరగడంతో 2.72 లక్షల షేర్లు యాడ్ అయ్యాయి. రూ.880 స్థాయిని ఆర్‌ఐఎల్ పరిరక్షించుకోగలిగితే, వచ్చే కొద్ది సెషన్లలో రూ. 920 స్థాయిని చేరవచ్చని, రూ. 880 స్థాయిని ముగింపులో కోల్పోతే క్రమేపీ బలహీనపడవచ్చని డేటా సూచిస్తున్నది.