ఆంధ్రప్రదేశ్‌లో ఎన్నికల ఫలితాలు వచ్చిన రోజు నుంచి ప్రముఖ హీరో పవన్‌ కల్యాణ్‌ అభిమానులతో రేణూ దేశాయ్‌ పలు ఇబ్బందులు ఎదుర్కొంటున్నారు. ఇదే విషయాన్ని కొన్ని వందల సార్లు వారి చేష్టల గురించి ఆమె బహిరంగంగానే చెప్పారు. అయినా వారిలో ఎలాంటి మార్పులు రాలేదు. కొద్దిరోజుల క్రితం వచ్చిన ఎన్నికల ఫలితాల్లో పవన్‌ గెలుపొందటంతో ఆయన అభిమానులు రేణూ ఇన్‌స్టా కామెంట్‌ బాక్స్‌లో అనేక మెసేజ్‌లు చేశారు. తనని దురదృష్టవంతురాలని వారు కామెంట్‌ చేయడంతో ఆమె చాలా బాధ పడ్డారు. అలాంటి మెసేజ్‌లు తనకు చాలా బాధ కలిగిస్తున్నాయని, అలా పిలవొద్దని చెప్పి చెప్పి అలసిపోతున్నానంటూ రేణు దేశాయ్‌ అన్నారు. పవన్‌ కల్యాణ్‌ నుంచి విడాకులు తీసుకున్న దగ్గరి నుంచి ఆయన అభిమానులతో ఆమె పెద్ద యుద్ధమే చేస్తున్నారు. గతంలో ఓ దశలో ఈ వ్యవహారం తారస్థాయికి చేరడంతో ఆమె కామెంట్‌ సెక్షన్‌ కూడా హైడ్‌ చేశారు. వారి తాకిడికి తట్టుకోలేకనే ఇలాంటి పనిచేసినట్లు కూడా ఆమె తెలిపారు. ఇంత జరుగుతున్నా కూడా పవన్‌ కల్యాణ్‌ తన అభిమానులకు అడ్డుకట్ట వేసేందుకు ఒక సూచన అయినా ఇవ్వకపోవడం బాధాకరం. తాజాగా మరోసారి తన ఇన్‌స్టాగ్రామ్‌ కామెంట్ల సెక్షన్‌ను క్లోజ్‌ చేస్తున్నట్లు రేణూ దేశాయ్‌ తెలిపారు. ఈ క్రమంలో ఆమె ఇలా చెప్పుకొచ్చారు.కర్మ ఎవరినీ వదలదు.. కామెంట్‌ సెక్షన్‌కు గుడ్‌బై'ఇప్పటి నుంచి నా ఇన్‌స్టాగ్రామ్‌ కామెంట్‌ సెక్షన్‌ను ఆఫ్ చేస్తున్నాను. ఎందుకంటే నా ఇన్‌స్టాగ్రామ్ పోస్ట్‌లలో చెత్త కామెంట్లు పెట్టే మూర్ఖులు, వెధవలకు తిరిగి సమాధానం ఇచ్చే అంత ఓపిక నాకు లేదు. అంతేకాకుండా వాటిని ఎదుర్కొనే అంత భావోద్వేగం నాలో లేదు. అయితే, నేను బాధలో ఉన్నప్పుడు కొన్నేళ్లుగా నాకు తోడుగా ఉన్న వారందరికీ నా ధన్యవాదాలు. నన్ను ద్వేషించేవారు గుర్తుపెట్టుకోండి నేను మీకు ఒకటే చెబుతున్నా.. కర్మ అనేది ఒకటి ఉంది అనే విషయాన్ని మరిచిపోకండి. అది ఎప్పటికీ కామ్‌గా ఉండదు. ఖచ్చితంగా మీ కోసం తిరిగి వస్తుంది.' అని రేణూ దేశాయ్‌ ఎమోషనల్‌ పోస్ట్‌ చేశారు.రేణూ దేశాయ్‌ ఒక కొటేషన్‌ను కూడా పంచుకున్నారు. 'మీరు చూస్తున్నది అంతా సమస్య కాదని ఏదో ఒకరోజు తెలుసుకుంటారు. అవును, మీరు తప్పు చేస్తున్నారు. ఎందుకంటే మీరు కూడా మనుషులే కదా..! ఆ తప్పుల నుంచి ఎదుగుతాం కదా.. ప్రేమతో మీరు తీసుకున్న నిర్ణయాల వల్ల మీ మనసుల్ని గాయపరిచే అవకాశం ఈ ప్రపంచానికి ఇవ్వకండి.' అంటూ రేణు తెలిపారు.ఆయన వేరే పెళ్లి చేసుకుంటే నన్ను ఎందుకు ప్రశ్నిస్తున్నారు..?పవన్‌ కల్యాణ్‌ కూటమి ద్వారా ఎన్నికల్లో గెలిచారు. ఆపై ఆయనకు డిప్యూటీ సీఎం పదవిని చంద్రబాబు కట్టబెట్టడం కూడా జరిగిపోయింది. దీంతో ఫుల్‌ జోష్‌లో ఉన్న పవన్‌ అభిమానులు రేణూ దేశాయ్‌ మీద మెసేజ్‌లతో ఇలా విరుచుకపడ్డారు. 'మీరు దురదృష్టవంతురాలు మేడమ్‌' అంటూ వ్యంగ్యంగా కామెంట్‌ చేశారు. దీనికి రేణూ దేశాయ్‌ స్పందిస్తూ 'నేను ఎలా దురదృష్టవంతురాలినో చెప్పండి అంటూనే.. నేను ఆయన్ను (పవన్‌) వదిలేయలేదు.. ఆయనే నన్ను వదిలేశారంటూ' కౌంటర్‌ ఇచ్చారు. కొన్నేళ్లుగా దురదృష్టవంతురాలు అనే మాట తనను ఎంతగానో బాధపెడుతుందని ఆమె ఇలా చెప్పుకొచ్చారు. 'నా భర్త నన్ను వదిలేసి, వేరే పెళ్లి చేసుకుంటే.. నా తప్పు ఎందుకు అవుతుంది..? కొన్నేళ్లుగా ఇలాంటి కామెంట్లతో యుద్ధమే చేస్తున్నాను. అలాంటి మాటలు విని నాకు విసిగొస్తుంది. నా అదృష్టాన్ని కేవలం ఒక వ్యక్తితో మీరందరూ ఎందుకు ముడిపెడుతున్నారు..? విడాకులు తీసుకున్న వారు ఎవరూ (స్త్రీ, పురుషులు) దురదృష్టవంతులు కాదని తెలుసుకుంటే చాలు.' అని రేణూ దేశాయ్ అన్నారు. ఆస్క్రీన్‌ షాట్‌లను కూడా ఆమె పంచుకున్నారు. View this post on Instagram A post shared by renu desai (@renuudesai)

పవన్ కల్యాణ్‌కు తెలుగు రాష్ట్రాల్లో చాలామంది అభిమానులున్నారు. కానీ వారిలో ఎక్కువమంది శాడిస్టుల్లా ప్రవర్తిస్తుంటారని సోషల్‌ మీడియాలో పెద్ద చర్చే జరుగుతుందని చాలామంది అంటారు. పవనిజం ముసుగులో ఇతరులపై భూతులతో దండయాత్ర చేస్తారని కూడా తెలుపుతుంటారు. బ్రో సినిమా విడుదల సమయంలో మదనపల్లిలో ఒక సంఘటన గురించి చూస్తే.. బ్రో మూవీ ఎలా ఉందని కొందరు మీడియా వారు పవన్‌ అభిమానని అడిగిన పాపానికి అతడు బ్లేడ్‌తో చేయి కోసుకున్నాడు. ఇలాంటి ఎన్నో ఉదాహరణలు చెబుతూ.. పవన్‌ అభిమానుల్లో కొందరు శాడిస్టులు నిజంగానే ఉన్నారని బహిరంగంగానే నెట్టింట కామెంట్లు చేస్తున్నారు.సోషల్‌ మీడియాలో రేణు దేశాయ్, పూనమ్ కౌర్ ఇద్దరూ ఏ పోస్టు పెట్టినా సరే పవన్ కల్యాణ్ ఫ్యాన్స్ అందులోకి దూరిపోతుంటారు. వాళ్లు ఎలాంటి పోస్ట్‌ పెట్టినా సరే తమ నాయకుడి గురించే అంటూ భుజాలు తడుముకుంటారు. ఆపై వెంటనే ట్రోలింగ్‌కు దిగిపోతుంటారు. ఒకవేళ పవన్‌కు పాజిటివ్‌గా పోస్ట్‌ పెడితే ఆ క్రెడిట్‌ అంతా పవన్‌కు ఇచ్చేస్తారు. తాజాగా ఇలాంటి సంఘటన గురించే రేణు దేశాయ్‌ ఒక పోస్ట్‌ పెట్టింది.ఇటీవల రేణు దేశాయ్ పలు యానిమల్స్ ఎన్జీవోలకు సహకారం అందిస్తుంది. కుక్కలు,పిల్లుల వంటి జంతువుల రక్షణ కోసం ప్రతి నెల తను కొంత డబ్బు సాయం చేస్తుంది. అందుకు సంబంధించి ఆమె తన ఇన్‌స్టాలో ఒక మెసేజ్‌ చేసింది. రేణు చేస్తున్న సాయాన్ని గుర్తించలేని పవన్‌ అభిమాని ఇలా కామెంట్‌ చేశాడు. పవన్ కల్యాణ్‌ అన్నలా గోల్డెన్ హార్ట్ అని అన్నాడు. దీంతో రేణూ దేశాయ్‌కి కోపం వచ్చినట్లు ఉంది. అతనికి కరెక్ట్‌ సమాధానంతో ఇచ్చిపడేసింది.ప్రతిసారి నేను పెట్టే పోస్టుల కింద నా ఎక్స్ హస్బెండ్‌తో నన్ను ఎందుకు పోలుస్తున్నారు. ఇలాంటి వాళ్లను చాలామందిని నేను ఇప్పటికే బ్లాక్ చేశాను. పదేళ్ల వయస్సు నుంచి నేను జంతు సంరక్షణ కోసం నా వంతు సాయం చేస్తున్నాను. జంతువులపై నేను చూపించే ప్రేమ, వాత్సల్యం ఆయనకు లేవు. నా మాజీ భర్త ప్రస్తావన తీసుకొస్తూ కామెంట్ చేయకండి. వ్యక్తిగతంగా నా మాజీ భర్తతో ఎలాంటి సమస్య లేదు. నన్ను నన్నుగా చూడండి. దయచేసి రిక్వెస్ట్ చేస్తున్నాను. ఇక నుంచి నా పోస్టుల్లో, నేను చేసే పనుల్లో ఆయన్ను పోల్చకండి. జంతువుల మీద నాకున్నంత కేర్ గానీ, ప్రేమ గానీ ఆయనకు ఉండదు. అతను నాలాగా యానిమల్స్ పై కేరింగ్ చూపించడు.' అని రేణు చెప్పింది. View this post on Instagram A post shared by renu desai (@renuudesai)

సినీ హీరో పవన్‌ కల్యాణ్‌ మాజీ భార్య రేణుదేశాయ్‌ ప్రస్థుతం సోషల్‌మీడియాలో ట్రెండింగ్‌లో ఉన్నారు. కొద్దిరోజుల క్రితం తన విడాకుల విషయం, పవన్‌ గురించి ఆమె పలు వ్యాఖ్యలు చేసిన విషయం తెలిసిందే. దీంతో ఆమె టార్గెట్‌గా కొందరు సోషల్‌ మీడియా ద్వారా కామెంట్లు పెడుతున్నారని రేణుదేశాయ్‌ తెలుపుతుంది. తాజాగ ఇదే వివాదంపై ఆమె ఇలా స్పందించారు 'నా విడాకుల విషయంలో నా మాజీ భర్త ఎలా మోసం చేశాడనే వాస్తవాన్ని గతంలో చెప్పినప్పుడు ఆయన అభిమానులు చాలా దారుణంగా అబ్యూస్ పదాలతో తిట్టారు. ఇప్పుడు, దేశ పౌరురాలిగా నేను అతనికి (పవన్‌) అనుకూలంగా కొన్ని మాటలు మాట్లాడినప్పుడు, అతన్ని ద్వేషించేవారు ఇప్పుడు నన్ను దుర్భాషలాడుతున్నారు. (ఇదీ చదవండి: విలన్‌గా ధోని.. కాంబినేషన్‌ సెట్‌ చేసిన స్టార్‌ డైరెక్టర్‌) విడాకుల విషయంలో నా మాజీ భర్త గురించి అప్పట్లో నేను మాట్లాడింది నిజం. ఆరోజు అలా మాట్లాడినందుకు కొందరి నుంచి డబ్బు తీసుకున్నానని పవన్‌ అభిమానులు ఆరోపించారు. అంతేకాకుండా సోషల్‌మీడియా ద్వారా నన్ను దూషించారు కూడా... ఇప్పుడు కూడా మళ్లీ అలాంటిదే నా విషయంలో జరుగుతుంది. నా మాజీ భర్తకు అనుకూలంగా ఉండే వ్యక్తులు నాకు డబ్బు ఇచ్చారని కొందరు ఆరోపిస్తున్నారు. అందులో నిజం లేదు. నా మాజీ భర్త గురించి నేను అప్పుడు,ఇప్పుడు రెండు సందర్భాల్లోనూ నిజాన్నే తెలిపాను. అతనితో ప్రేమలో పడి నిజం మాట్లాడినందుకు నేను చెల్లించాల్సిన మూల్యం ఇదేనని అనుకుంటున్నా. ఇది నా విధి అయితే, అలాగే ఉండనీయండి. దయచేసి నాపై దుర్భాషలాడకండి.' అని ఆమె కోరారు. దీంతో ఆమె చేసిని ఈ కామెంట్లు ఒక్కసారిగా వైరల్‌ అవుతున్నాయి. View this post on Instagram A post shared by renu desai (@renuudesai)


 నిర్భయ హత్యకేసులో దోషిగా శిక్ష అనుభవిస్తున్న ముఖేష్ సింగ్ ఇంటర్వ్యూపై పలువురు ప్రముఖులు మండిపడ్డారు. ట్విట్టర్ వేదికగా అందరికంటే తీవ్రంగా స్పందించినది మాత్రం.. టాలీవుడ్ హీరోయిన్ తాప్సీ. ఒకే ఒక్క హత్య చేస్తానని, అందుకు దేవుడు తనను క్షమించాలని కోరింది. ముఖేష్ ఇంటర్వ్యూను చదివి తనకు ఒక్కసారిగా మాట పడిపోయిందని, ఈ మనిషిని తాను అంత తేలిగ్గా వదిలిపెట్టేది మాత్రం లేదని స్పష్టం చేసింది.  జైలు శిక్ష నిజంగానే ఈ మగాళ్లను మారుస్తుందా అనే అనుమానం తనకు వస్తోందని చెప్పింది. ఆ మార్పు రాకపోతే, ఇంకా వాళ్లు అక్కడ ఎందుకు ఉన్నారని ప్రశ్నించింది.
 
 http://t.co/FToBmPpNUd I am literally speechless after reading this. God please forgive me one murder, coz I can't let this man go away easy
 — taapsee pannu (@taapsee) March 2, 2015
  
 
 This makes me question does imprisonment really change these men? If it doesn't( which is clearly visible) then y are they still there???
 — taapsee pannu (@taapsee) March 2, 2015
  
 మరాఠీ సినిమాలు తీయడంలో బిజీగా ఉన్న రేణు దేశాయ్ కూడా నిర్భయ దోషి ముఖేష్ వ్యవహారంపై తీవ్రంగా స్పందించారు. 'అత్యాచారంపై మీ అభిప్రాయం ఏమిటి? రేపిస్టు తన ఇంటర్వ్యూలో చెప్పిన అంశంతో మీలో ఎంతమంది రహస్యంగా ఏకీభవిస్తారు? అత్యాచారంలో నిజంగా మహిళల తప్పు ఉంటుందా?' అంటూ సూటిగా ప్రశ్నలు సంధించింది.
 
 What is your opinion on rape? How many of u secretly agree with what the rapist said in his interview?Is rape really a woman's fault?
 — renu desai (@renuudesai) March 3, 2015
 సినిమాల్లో సరదాగా నవ్వుతూ, నవ్విస్తూ కనిపించే వెన్నెల కిశోర్ సామాజిక బాధ్యత విషయంలో మాత్రం గట్టిగానే స్పందించాడు. రేపిస్టుకు కుర్చీవేసి కూర్చోబెట్టి.. ఇంటర్వ్యూ చేయడం నిజంగా నమ్మలేకపోతున్నానని, అతడు జైల్లో ఉన్న స్వాతంత్ర్య సమరయోధుడి కంటే ఎక్కువగా గొప్పలు చెప్పుకొంటున్నాడని అన్నారు.
 
 Cant believe that a brutal rapist is being given a chair to sit and being interviewed..he looks more boastful than a freedom fighter in jail
 — vennela kishore (@vennelakishore) March 3, 2015
 టెన్నిస్ స్టార్ సానియా మీర్జా మాటల కంటే భావాలతోనే ఎక్కువగా ముఖేష్ ఉదంతాన్ని ఖండించింది.
 
 http://t.co/eycVAatJW1 - are u frickin kidding me?😡😡😡 arrrrgghhh 😡😡
 — Sania Mirza (@MirzaSania) March 2, 2015