వాషింగ్టన్‌: అమెరికా కాంగ్రెస్‌(పార్లమెంట్‌)లో దిగువ సభ అయిన ప్రతినిధుల సభ(హౌస్‌ ఆఫ్‌ రిప్రజెంటేటివ్స్‌)లో ప్రతిపక్ష రిపబ్లికన్‌ పార్టీదే మెజారిటీ. అయినప్పటికీ స్పీకర్‌ ఎన్నికలో ఆ పార్టీ అభ్యర్థి నెగ్గలేకపోయారు. నూతన సభ మంగళవారం కొలువుదీరింది. తొలిరోజు సభాపతి(స్పీకర్‌) ఎన్నిక నిర్వహించినా స్పీకర్‌ను ఎన్నుకోలేకపోయారు రిపబ్లికన్లు. ఈ క్రమంలో ఘాటుగా స్పందించారు అమెరికా అధ్యక్షుడు జో బైడెన్‌. ప్రతినిధుల సభ స్పీకర్‌ను ఎన్నికోలేకపోయిన రిపబ్లికన్ల తీరు సిగ్గు చేటుగా పేర్కొన్నారు. యావత్‌ ప్రపంచం మొత్తం మనల్ని చూస్తోందని గుర్తు చేశారు. కెంటకీ బయలుదేరే ముందు విలేకరులతో మాట్లాడారు బైడెన్‌. ‘స్పీకర్‌ను ఎన్నుకోలేకపోవటం సిగ్గుచేటు, ఇబ్బందికరం. వారు ప్రవర్తిస్తున్న తీరును చూస్తే ఈ ప్రక్రియను పూర్తి చేసేందుకు చాలా సమయం పట్టేలా కనిపిస్తోంది. యావత్‌ ప్రపంచం మొత్తం మనల్ని చూస్తోంది. మనం కలిసి పని చేయగలమా అనే సందేహంలో ఉన్నారు.’ అని పేర్కొన్నారు అధ్యక్షుడు జో బైడెన్‌.  హైడ్రామా.. రిపబ్లికన్‌ పార్టీ అభ్యర్థిగా పోటీకి దిగిన కెవిన్‌ మెక్‌కార్తీ మెజారిటీ ఓట్లు కూడగట్టడంలో విఫలమయ్యారు. మంగళవారం రాత్రంతా సభలో హెడ్రామా చోటు చేసుకుంది. మూడు రౌండ్లు ఓటింగ్‌ నిర్వహించారు. స్పీకర్‌గా నెగ్గడానికి 218 ఓట్లు అవసరం కాగా, మెక్‌కార్తీకి తొలి రెండు రౌండ్లలో 203 ఓట్ల చొప్పున, మూడో రౌండ్‌లో 202 ఓట్లు వచ్చాయి. దీంతో తదుపరి ఓటింగ్‌కు స్థానిక కాలమానం ప్రకారం బుధవారం మధ్యాహ్నానికి వాయిదా వేశారు. స్పీకర్‌ లేకుండానే సభ వాయిదా పడింది. అమెరికా చరిత్రలో 1923 నుంచి చూస్తే ప్రతినిధుల సభలో తొలి రోజు స్పీకర్‌ను ఎన్నుకోలేకపోవడం ఇదే మొదటిసారి కావడం గమనార్హం. ఇదీ చదవండి: రిపబ్లికన్‌ అభ్యర్థి మెక్‌కార్తీకి ఎదురుదెబ్బ


 వాషింగ్టన్‌: వర్జీనియాలోని అలెగ్జాండ్రియా బేస్‌ బాల్‌ మైదానంలో కాల్పులకు గురై ప్రస్తుతం చికిత్స పొందుతున్న రిపబ్లికన్‌ పార్టీ సీనియర్‌ నేత లూసియానా ఎంపీ స్టీవ్‌ స్కేలీస్‌ను అమెరికా అధ్యక్షుడు డోనాల్డ్‌ ట్రంప్‌, ఆయన సతీమణి మెలనియా ట్రంప్‌ పరామర్శించారు. పుష్పగుచ్ఛంతో వాషింగ్టన్‌లోని ఆస్పత్రికి వచ్చిన వారు స్టీవ్‌ త్వరగా కోలుకోవాలని ఆశిస్తున్నట్లు తెలిపారు. స్టీవ్‌ ఆరోగ్య పరిస్థితి ఇంకా ఆందోళనగానే ఉందని, ఆయనకు మరిన్ని శస్త్ర చికిత్సలు చేయాల్సిన అవసరం ఉందని ఈ సందర్భంగా ట్రంప్‌ చెప్పారు.
 
 ఎలాంటి విద్వేషాలు వద్దని, అందరం ఒకటేనని, కలిసి కట్టుగా ఐకమత్యంతో ముందుకు సాగాలని అభిలషించారు. విద్వేషపూరిత దాడులకు తాను వ్యతిరేకం అని ట్రంప్‌ అన్నారు. ఆస్పత్రి వైద్యులు వివరణ ఇస్తూ బుల్లెట్లు స్టీవ్‌ పొత్తికడుపులోకి, తుంటిలోకి దూసుకెళ్లడంతోపాటు ఎముకలను కూడా ధ్వంసం చేశాయని, ముఖ్యమైన అవయవాలు దెబ్బతిన్నాయని, రక్తస్రావం జరగుతోందని మరిన్ని ఆపరేషన్లు చేయనున్నామని చెప్పారు.
 
 రిపబ్లికన్‌ సభ్యులు బేస్‌బాల్‌ సాధన చేస్తున్న సమయంలో జేమ్స్‌ జే హాడ్గికిన్సన్‌ అనే బెల్లివిల్లేకు చెందిన సాయుధుడు కాల్పులకు పాల్పడటంతో ఐదుగురికి గాయాలయ్యాయి. వర్జీనియాలోని అలెగ్జాండ్రియా బేస్‌బాల్‌ మైదానంలో బుధవారం ఈ సంఘటన చోటుచేసుకుంది. గాయపడిన వారిలో పార్టీ అగ్ర నాయకుడు, లూసియానా ఎంపీ స్టీవ్‌ స్కేలీస్‌తో పాటు మరో ఎంపీ రోజర్‌ విలియమ్స్‌ ఉన్నారు. గురువారం రిపబ్లికన్లు, డెమొక్రాట్ల మధ్య జరిగే మ్యాచ్‌ కోసం సాధన చేస్తుండగా 50 ఏళ్లకు పైగా ఉన్న జేమ్స్‌ మైదానంలోకి ప్రవేశించి కాల్పులు జరిపాడు. అతడికి రిపబ్లికన్లంటే ఎక్కడలేని కోపమట.


 ► అగ్రనేత స్కేలీస్‌ సహా ఐదుగురికి గాయాలు
 వాషింగ్టన్‌: అమెరికాలో మళ్లీ కాల్పుల కలకలం రేగింది. రిపబ్లికన్‌ సభ్యులు బేస్‌బాల్‌ సాధన చేస్తున్న సమయంలో ఓ సాయుధుడు ఈ ఘాతుకానికి పాల్పడటంతో కనీసం ఐదుగురికి గాయాలయ్యాయి. వర్జీనియాలోని అలెగ్జాండ్రియా బేస్‌బాల్‌ మైదానంలో బుధవారం ఈ సంఘటన చోటుచేసుకుంది. గాయపడిన వారిలో పార్టీ అగ్ర నాయకుడు, లూసియానా ఎంపీ స్టీవ్‌ స్కేలీస్‌తో పాటు మరో ఎంపీ రోజర్‌ విలియమ్స్‌ ఉన్నారు. గురువారం రిపబ్లికన్లు, డెమొక్రాట్ల మధ్య జరిగే మ్యాచ్‌ కోసం సాధన చేస్తుండగా 50 ఏళ్లకు పైగా ఉన్న ఓ సాయుధుడు మైదానంలోకి ప్రవేశించి కాల్పులు జరిపాడు.
 
 అనంతరం పోలీసులు కాల్పుల్లో గాయపడి ఆసుపత్రిలో చికిత్స పొందుతున్న నిందితుడు మరణించాడు. ఈ సంఘటనలో తుంటికి గాయం కావడంతో జార్జి వాషింగ్టన్‌ విశ్వవిద్యాలయం ఆసుపత్రిలో చికిత్స పొందుతున్న స్కేలీస్‌ ఆరోగ్య పరిస్థితి నిలకడగా ఉంది. ప్రతినిధుల సభలో విప్‌గా బాధ్యతలు నిర్వర్తిస్తున్న స్కేలీస్‌ను రిపబ్లికన్ల నంబర్‌.3 నాయకుడిగా పరిగణిస్తారు. 2008లో ఆయన తొలిసారి పార్లమెంట్‌కు ఎన్నికయ్యారు. అక్కడ సాధన చేస్తున్న రాజకీయ నాయకులు రిపబ్లికన్లా? డెమొక్రాట్లా ? అని కాల్పులకు ముందు దుండగుడు విచారించినట్లు తెలుస్తోంది.