తుమకూరు: సాక్షాత్తూ హోం మంత్రి సొంత జిల్లాలోనే మహిళకు భద్రత కరువైంది. అది కూడా పోలీసు స్టేషన్‌లోనే ఆమెకు వేధింపులు ఎదురయ్యాయి. ఫిర్యాదు చేసేందుకు పోలీసు స్టేషన్‌కు వచ్చిన మహిళతో డీఎస్పీ అసభ్యకరంగా వ్యవహరించాడు. ఈఘటన తుమకూరు జిల్లా మధుగిరిలో గురువారం జరిగింది. పావగడ నుంచి పొలం వ్యాజ్యానికి సంబంధించి ఫిర్యాదు ఇచ్చేందుకు ఓ మహిళ మధుగిరి డీఎస్పీ కార్యాలయానికి వెళ్లింది. అక్కడే ఉన్న డీఎస్పీ రామచంద్రప్ప సదరు మహిళను తన కార్యాలయంలోని మరుగుదొడ్డిలోకి పిలుచుకెళ్లి అసభ్యకరంగా తాకుతూ వేధించాడు. కొందరు కిటికీ గుండా వీడియో తీసి సోషల్‌ మీడియాలో అప్‌లోడ్‌ చేశారు. వీడియో వైరల్‌ కావడంతో డీఎస్పీ రామచంద్రప్ప తప్పించుకుని పరారయ్యారు. హోం మంత్రి డాక్టర్‌ జీ.పరమేశ్వర్‌ సొంత జిల్లాలోనే ఈ కృత్యం జరగడంతో యావత్‌ పోలీసు శాఖ తలదించుకొనేలా చేసింది. సదరు డీఎస్పీని విధుల నుంచి తొలగించి కఠిన చర్యలు తీసుకోవాలనే డిమాండ్లు వెల్లువెత్తాయి. కాగా ఈ ఘటనపై ఆ జిల్లా ఎస్పీ కేవీ అశోక్‌ స్పందిస్తూ ఇదొక పోలీసు శాఖ గౌరవాన్ని భంగపరిచే నీచకృత్యమన్నారు. ఈ విషయం తన దృష్టికి వచ్చిందన్నారు. తాను కూడా ఆ వీడియోను చూశానన్నారు. ఈ విషయంపై దర్యాప్తు జరిపేందుకు ఉన్నతాధికారులకు సమాచారం అందించామన్నారు. ఎట్టి పరిస్థితుల్లోనూ శాఖలో మహిళలపై దౌర్జన్యాన్ని సహించబోనన్నారు. బాధిత మహిళ ఫిర్యాదు చేస్తే డీఎస్పీపై చట్టప్రకారం చర్యలు తీసుకుంటామన్నారు. డీఎస్పీ అరెస్ట్‌డీఎస్పీ రామచంద్రప్పను మధుగిరి పోలీసులు శుక్రవారం సాయంత్రం అరెస్ట్‌ చేశారు. WATCH | A woman went to Madhugiri DYSP Ramachandrappa's office in Pavagada, #Karnataka, to file a land dispute complaint.Allegedly, the DYSP took her to his restroom & sexually assaulted her, claiming to help with the dispute. A video of the incident was recorded.This issue… pic.twitter.com/tfEm3qRK15— Ashwini Shrivastava (@AshwiniSahaya) January 3, 2025


 ఫ్లోరిడా: గుడిలాంటి బడిలో విద్యార్థుల అకృత్యాలు తారాస్థాయికి చేరుకున్నాయి. ఫ్లోరిడాలోని సౌత్ ఫోర్ట్ మియర్స్ హై స్కూల్లో చోటు చేసుకున్న సంఘటన విద్యాలోకం విస్తుపోయేలా చేస్తోంది. 15 ఏళ్ల బాలిక, 25 మంది విద్యార్థులతో సెక్స్లో పాల్గొన్న వీడియో స్కూల్ ప్రాంగణంలో చక్కర్లు కొట్టడంతో విద్యార్థులు, తల్లిదండ్రులందరూ షాక్కు గురయ్యారు.
  
 'క్లాసులు ముగిసిన తర్వాత కొందరు విద్యార్థులు పాఠశాల లోపలికి వచ్చారు. 25 మంది బాలులు ఒకరి తరువాత మరొకరు బాత్ రూంకు లోపలికి వెళ్లి బయటకు రావడం సీసీకెమెరాలో గమనించాం' అని పోలీసులు తెలిపారు. లోపలికి వెళ్లిన తర్వాత చేసిన అఘాయిత్యాన్ని కెమెరాలో చిత్రీకరించారు. దీనికి సంబంధించి వీడియో స్నాప్ చాట్ ద్వారా వైరల్ అయ్యింది. సదరు విద్యార్థిని పలువురు బాలులతో బాత్ రూంలో సెక్స్ చేసినట్టు ప్రిన్సిపాల్ ముందు అంగీకరించింది. దీని వెనుక స్కూల్కు చెందిన ఫుట్ బాల్ ఆటగాళ్ల ప్రమేయముందని సమాచారం.
 
 ఇలాంటి సంఘటనలు స్కూల్లో చోటుచేసుకోవడం దారుణమని పాఠశాల విద్యార్థుల తల్లిదండ్రులు అంటున్నారు. వీడియో చిత్రీకరించిన మొబైల్ను పోలీసులు స్వాధీనం చేసుకున్నారు. ఈ సంఘటనపై పూర్తి స్థాయిలో దర్యాప్తుకు ఆదేశించినట్టు ప్రిన్సిపాల్ తెలిపారు.