బెంగళూరు: దేశీయ పరిజ్ఞానంతో తయారు చేసిన రీ-యూజబుల్‌ లాంచ్‌ వెహికిల్‌ (ఆర్‌ఎల్‌వీ ఎల్‌ఈఎక్స్-03) రాకెట్‌ పుష్పక్‌ను ఆదివారం ఇస్రో విజయవంతంగా ప్రయోగించింది. కర్ణాటకలోని చిత్రదుర్గలోని ఎయిరో నాటికల్‌ టెస్టింగ్‌ రేంజ్‌లో ఈ ప్రయోగం నిర్వహించింది. ఇందులో భాగంగా పుష్పక్‌ తనంతట తానుగా రన్‌వేపై విజయవంతంగా ల్యాండ్‌ అయింది. ఈ విషయాన్ని ఇస్రో ‘ఎక్స్‌’ వేదికగా తెలిపింది.RLV-LEX3 Video pic.twitter.com/MkYLP4asYY— ISRO (@isro) June 23, 2024 ‘ఆర్‌ఎల్‌వీ-ఎల్‌ఈఎక్స్‌ రాకెట్‌ ప్రయోగంతో ఇస్రో హ్యాట్రిక్‌ విజయం సాధించింది. ఇస్రో మూడో, చివరి ఆర్‌ఎల్‌వీ-ఎల్‌ఈఎక్స్‌ రాకెట్‌ ప్రయోగం జూన్‌ 23న విజయవంతం అయింది. ‘పుష్పక్’ రాకెట్‌ సమాంతరంగా ల్యాండింగ్‌ను విజయవంతంగా అమలు చేసింది. ప్రతికూల పరిస్థితుల్లో అధునాతన స్వయంప్రతిపత్తి సామర్థాన్ని ప్రదర్శించింది. పుష్పక్‌ రాకెట్‌ ఇస్రో ఆర్బిటాల్‌ పునర్వినియోగ వాహనంలోకి చేరుకుంది’ అని ఇస్రో తెలిపింది. ఇక.. పునర్వినియోగ ల్యాండింగ్ వెహికల్ (RLV) LEX-01, LEX-02 పుష్పక్‌ రాకెట్‌ ప్రయోగాలు విజయవంతమైన విషయం తెలిసిందే.Hat-trick for ISRO in RLV LEX! 🚀🇮🇳ISRO achieved its third and final consecutive success in the Reusable Launch Vehicle (RLV) Landing EXperiment (LEX) on June 23, 2024."Pushpak" executed a precise horizontal landing, showcasing advanced autonomous capabilities under… pic.twitter.com/cGMrw6mmyH— ISRO (@isro) June 23, 2024 ఈ ప్రయోగం విజయవంతం కావటంపై ఇస్రో చైర్మన్‌ సోమనాథ్‌ అభినందనలు తెలిపారు. ‘ ఈ ప్రయోగం విజయవంతం కావటంతో.. పుష్పక్‌ అర్బిటాల్‌ టెస్ట్‌కు వేదికగా నిలిచింది. అంతరిక్షంలోకి ఈ రాకెట్‌ను ప్రయోగిస్తే.. తిరిగి భూమికి సేఫ్‌గా ల్యాండ్‌ కానుంది. దీంతో అంతరిక్ష ఖర్చును తగ్గించటంలో ఇది ఒక గేమ్ ఛేంజర్‌ టెక్నాలజీగా నిలుస్తుంది’ అని ఆయన ‘ఎక్స్‌’లో తెలిపారు.


 శ్రీహరికోట: పునర్వినియోగ రాకెట్ (ఆర్ఎల్వీ) తయారీలో తొలి అడుగును విజయవంతంగా వేసిన సతీష్ ధావన్ స్పేస్ సెంటర్ (ఇస్రో) తాజాగా గాలి నుంచే రాకెట్‌కు ఇంధనాన్ని అందించేందుకు సిద్ధం అవుతోంది. ఇప్పటివరకు లిక్విఫైడ్ ఆక్సిజన్‌ను అన్ని లాంచింగ్ వెహికల్స్‌లో ముందుగానే ఉంచి ప్రయోగించిన ఇస్రో.. త్వరలో నింగిలోకి దూసుకెళ్లేపుడు రాకెట్ అవసరానికి అనుగుణంగా ఆక్సిజన్ ను గాల్లోంచే తీసుకునేలా ప్రయోగం చేయనుంది.
 సాధారణంగా రాకెట్లలో వాడే ఆక్సిడైజర్‌తో కూడిన కంబష్షన్ ప్రొపెల్లెంట్స్‌కు బదులు ఎయిర్ - బ్రీతింగ్ ప్రొపల్షన్ సిస్టంలను ఉపయోగించనున్నట్లు ఇస్రో డైరెక్టర్ కె.శివన్ తెలిపారు. జూన్ చివరివారంలో లేదా జూలై మొదటివారంలో ఈ ప్రయోగం చేస్తామన్నారు. భూమి నుంచి 50 కిలోమీటర్ల ఎత్తు వరకు ఆక్సిజన్ విరివిగా లభింస్తుందని.. ఈ దశలోనే రాకెట్ ఆక్సిజన్‌ను వాతావరణం నుంచి సేకరించేలా ఈ వ్యవస్థను అభివృద్ధి చేశామని చెప్పారు. దీంతో రాకెట్ ఆకాశంలోకి మోసుకుపోవాల్సిన బరువు, వ్యయం బాగా తగ్గుతాయని వివరించారు. డ్యుయల్ మోడ్ రామ్ జెట్ (డీఎమ్ఆర్జే) ను ప్రస్తుతం అభివృద్ధి చేస్తున్నామని, ఇది విజయవంతమైతే పునర్వినియోగ రాకెట్ లాంచింగ్ వెహికల్ కల సాకారానికి బాటలు పడినట్లవుతుందని అన్నారు.