చిట్టి చేయబోయే సాహసాలను ఆల్రెడీ చిన్న శ్యాంపిల్‌లా గత నెలలో టీజర్‌ ద్వారా చూపించారు దర్శకుడు శంకర్‌. ఇప్పుడీ సీక్వెల్‌ కోసం ఆసక్తిగా ఎదురుచూస్తున్న ఫ్యాన్స్‌ను మరింత టీజ్‌ చేయడానికి సిద్ధమయ్యారు ‘2.ఓ’ చిత్రబృందం. రజనీకాంత్‌ హీరోగా శంకర్‌ తెరకెక్కించిన భారీ చిత్రం ‘2.ఓ’.  2010లో రిలీజ్‌ అయిన ‘రోబో’ చిత్రానికి ఇది సీక్వెల్‌. అక్షయ్‌ కుమార్‌ విలన్‌గా కనిపిస్తారు. దాదాపు 550 కోట్ల భారీ బడ్జెట్‌తో లైకా ప్రొడక్షన్స్‌ నిర్మించిన ఈ చిత్రం ట్రైలర్‌ను శనివారం చెన్నైలో పలువురు ప్రముఖుల సమక్షంలో రిలీజ్‌ చేయనున్నారు. ట్రైలర్‌ అదిరిపోయేలా ఉందని టాక్‌. ఈ నెల 29న చిత్రం రిలీజ్‌ కానుంది. ఈ చిత్రానికి సంగీతం: ఏఆర్‌ రెహమాన్‌.


  దర్శకుడు శంకర్ తన చిట్టి ‘రోబో’ను మళ్లీ  తెర మీద చూపించడానికి రెడీ అవుతున్నారు. అయిదేళ్ల క్రితం శంకర్ దర్శకత్వంలో తెరకెక్కిన ఈ ‘రోబో’ భారతీయ సినీ చరిత్రలో సెల్యులాయిడ్ వండర్‌గా నిలిచిపోయింది. ఇప్పుడీ చిత్రానికి శంకర్ సీక్వెల్ రూపొందించనున్నారు. శంకర్ ఇప్పటికే ప్రీ ప్రొడక్షన్ వర్క్ మొదలుపెట్టేశారు. ఈలోగా ఈ సినిమాకి సంబంధించి రకరకాల వార్తలు ప్రచారమవుతున్నాయి. ఇందులో రజనీకాంత్ హీరో అని, విక్రమ్ విలన్ అని, కత్రినా కైఫ్ కథానాయిక అని చాలా వార్తలు షికారు చేస్తున్నాయి.
  
  కానీ శంకర్ మాత్రం ఈ వార్తలకు స్పందించడంలేదు. ఆ మధ్య విక్రమ్‌తో చేసిన ‘ఐ’ సినిమా ఆశించినంత ఫలితం ఇవ్వకపోవడంతో ‘రోబో’ సీక్వెల్‌ను ఎలాగైనా అద్భుతంగా తీర్చిదిద్దాలనే పట్టుదలతో ఉన్నారట శంకర్. మొదటి భాగానికి మించిన గ్రాఫిక్స్‌తో ఏకంగా  300 కోట్ల రూపాయల బడ్జెట్‌తో ‘అంతకు మించి’ అనే రీతిలో ఈ‘రోబో’ సీక్వెల్ చేయనున్నారని సమాచారం. ‘ఉత్తమ విలన్’, ‘నేను దేవుణ్ణి’,  ‘కడలి’ సినిమాలకు స్క్రిప్ట్ అందించిన  రచయిత జయమోహన్‌కు ఈ సీక్వెల్ స్క్రిప్ట్ బాధ్యతలు అప్పగించారు.
  
   ‘‘ఈ సీక్వెల్‌లో రజనీకాంత్ నటించనున్న మాట నిజమే. అయితే మిగతా పాత్రలకు ఇంకా ఎవర్నీ ఎంపిక చేయలేదు. ప్రస్తుతం రంజిత్ దర్శకత్వంలో నటిస్తున్న రజనీకాంత్, ఆ సినిమా షూటింగ్ పూర్తవగానే ‘రోబో’ సీక్వెల్ చిత్రీకరణలో పాల్గొంటారు. స్క్రిప్ట్ వర్క్ ఇటీవలే పూర్తయ్యింది’’ అని జయమోహన్ ఇటీవల ఓ సందర్భంలో మీడియాతో చెప్పారు.
  


 రజనీ అభిమానులు ఎప్పటి నుంచో ఎదురుచూస్తున్న 'రోబో' సీక్వల్కు రంగం సిద్దమైంది. సౌత్ సినిమా చరిత్రలోనే బిగెస్ట్ హిట్గా నిలిచిన ఈ విజువల్ వండర్కు సీక్వల్ను ఈ ఏడాది చివరలో ప్రారంభించనున్నారు. 'ఐ' ఫెయిల్యూర్తో కష్టాల్లో ఉన్న శంకర్, వరుస ఫ్లాప్లతో ఇబ్బందుల్లో ఉన్న రజనీ... ఇద్దరికీ ఈ సినిమా కీలకం కానుంది. అందుకే చాలా రోజులుగా స్క్రీప్ట్ మీదే వర్క్ చేస్తున్నాడు శంకర్.
 
 ఇటీవల కమల్ హాసన్ హీరోగా నటించిన 'పాపనాశం' లాంటి బ్లాక్ బస్టర్ సినిమాకు కథ అందించిన జియామోహన్ 'రోబో' సీక్వల్కు కథ అందిస్తున్నాడు. స్క్రీప్ట్ పూర్తవ్వగానే ప్రీ ప్రొడక్షన్ పనులు ప్రారంభించటానికి ప్లాన్ చేసుకుంటున్నారు చిత్రయూనిట్. ఈ విషయాన్ని కథ రచయిత జియామోహన్ స్వయంగా వెల్లడించారు. ప్రస్తుతం రజనీకాంత్, రంజిత్ దర్శకత్వంలో 'కబాలీ' సినిమాలో నటిస్తున్నాడు. ఈ సినిమా పూర్తవ్వగానే 'రోబో' సీక్వల్ షూటింగ్లో పాల్గొనడానికి రెడీ అవుతున్నాడు సూపర్ స్టార్.
 
 'రోబో' సీక్వల్పై వస్తున్న వార్తల పై కూడా స్పందించాడు కథారచయిత జియామోహన్. ఈ సినిమాలో అమీర్ ఖాన్, కమల్హాసన్, విక్రమ్లు నటిస్తున్నారంటూ వస్తున్న వార్తలను ఖండించాడు. రజనీకాంత్ తప్ప మరే ఆర్టిస్ట్ను ఫైనల్ చేయలేదని, స్క్రీప్ట్ పూర్తయిన తరువాతే నటీనటుల ఎంపిక మొదలు పెడతామన్నారు.