చొప్పదండి: ఇంటర్ చదివే విద్యార్థి  ట్రాక్టర్ డ్రైవర్‌గా విధులకు వెళ్లిన తొలి రోజే ప్రమాదంలో మృతి చెందాడు. ఈ సంఘటన కరీంనగర్ జిల్లా చొప్పదండి మండలం వెదురుగట్ట సమీపంలో ఆదివారం సాయంత్రం చోటు చేసుకుంది.  ఎలిగేడు మండలం సుల్తాన్‌పూర్ గ్రామానికి చెందిన తిరుపతి(19) ఇంటర్ చదువుతున్నాడు.
 ఈ క్రమంలో డ్రైవర్ అందుబాటులో లేకపోవడంతో సోమవారం ట్రాక్టర్ను తానే నడిపాడు. వెదురు గుట్ట కాకతీయ కెనాల్ వద్ద అదుపు తప్పిన ట్రాక్టర్ సబ్ కెనాల్లో బోల్తాపడింది. దీంతో తీవ్రగాయాలైన తిరుపతి అక్కడికక్కడే మృతి చెందాడు.  
  


 మహబూబ్‌నగర్: బల్మూరు మండలం కొండనాగుల వద్ద ప్రమాదవశాత్తూ ఓ మినీ టెంపో సోమవారం తెల్లవారుజామున బోల్తాపడింది. ఈ ఘటన లో బొట్టుపల్లి బాలయ్య(60), గట్టు నర్సయ్య(22)లు అక్కడికక్కడే మృతిచెందారు.
 ఈ ప్రమాదంలో గాయాలైన మరో వ్యక్తిని స్థానిక ప్రభుత్వాసుపత్రికి తరలించారు. పోలీసులు కేసు నమోదు చేసుకుని దర్యాప్తు చేస్తున్నారు. వీరంతా చెలకపల్లి మండలం ఆలేరు గ్రామానికి చెందినవారు. హైదరాబాద్ వస్తుండగా ఈ ప్రమాదం జరిగింది.