సాక్షి, న్యూఢిల్లీ: మొబైల్‌ రంగంలో దూసుకెళ్తున్న చైనీస్‌ దిగ్గజం షావోమి సబ్‌బ్రాండ్‌ పోకో కింద  విడుదల చేసిన పోకో ఎఫ్‌1  స్మార్ట్‌ఫోన్‌పై బంపర్‌ ఆఫర్‌ ప్రకటించింది.  భారీ విక్రయాలతో  అదరగొట్టిన ఈ స్మార్ట్‌ఫోన్‌ ఇపుడు  కేవలం రూ.1 కే లభించనుంది. దివాలీ ఆఫర్‌గా అక్టోబర్‌ 23, 25 తేదీల్లో  ఈ సేల్‌ ప్రకటించింది. 6జీబీ ర్యామ్‌, 128జీబీ వేరియంట్‌  ధర 23, 999 లు.  తాజా సేల్‌లో  రేపు సాయంత్రం నాలుగు గంటలకు రూ.1కే ఈ స్మార్ట్‌ఫోన్‌ను సొంతం చేసుకోవచ్చు. ఎంఐ.కాం ద్వారా   సాయంత్రం 4.గంటలకు (పరిమితి సమయం) ఈ సేల్‌ ఉంటుంది. దీంతోపాటు ఇతర షావోమి  స్మార్ట్‌ఫోన్లు,  స్మార్ట్‌టీవీలు అమ్మకాలపై క్యాష్‌ బ్యాక్‌ ఆఫర్లను కూడా అందిస్తోంది. పోకో  ఎఫ్‌ 1 ఫీచర్లు 6.18 అంగుళాల డిస్‌ప్లే 1080x2160  పిక్సెల్స్‌రిజల్యూషన్‌ స్నాప్‌డ్రాగన్ 845 ఎస్‌ఓసీ 20 మెగాపిక్సెల్ సెల్ఫీ కెమెరా, 12+5 మెగాపిక్సెల్ డ్యూయల్ కెమెరా 4000ఎంఏహెచ్ బ్యాటరీ ‘దివాలీ విత్ ఎంఐ' సేల్‌ ఆఫర్లు : రెడ్‌మీ నోట్ 5 ప్రొ 4జీబీ ర్యామ్/64 జీబీ స్టోరేజీ వేరియంట్‌ ధరను రూ. 2వేలు  డిస్కౌంట్‌ అనంతరం రూ.12,999కు లభ్యం. 6జీబీ ర్యామ్/64 జీబీ వేరియంట్ ధర రూ.14,999  రెడ్‌మీ వై2పై కూడా రూ.2వేలు తగ్గింపుతో రూ.12,999కే అందిస్తోంది. ఎంఐ ఏ2ను రూ.14,999లకు విక్రయిస్తోంది. వీటితోపాటు ఎంఐ లెడ్ టీవీ ఏ4 (43 అంగుళాలు) మోడల్‌ రూ.21,999కే ఈ స్పెషల్‌లో లభ్యం. పేటీఎం, అమెజాన్ పే ద్వారా పేమెంట్‌ చేస్తే మరికొంత డిస్కౌంట్‌ను కస‍్టమర్లు సొంతం చేసుకోవచ్చు. ఇంకా  బ్లూటూత్ స్పీకర్లు, పవర్ బ్యాంకులు, రౌటర్లు, బాడీ కాంపోజిషన్ స్కేల్, సెల్ఫీ స్టిక్‌, ఇయర్‌ఫోన్లపైనా భారీ ఆఫర్లు. Get #POCOF1 at Re 1/- Can't believe it? 🤔 Visit this link at 4 PM tomorrow: https://t.co/KEXfqNitL7 (Bookmark it!) RT and stand a chance to win exclusive POCO merchandise. 🔥 pic.twitter.com/Ojmqc3hnay — POCO India (@IndiaPOCO) October 22, 2018

సాక్షి, న్యూఢిల్లీ:  చైనా దిగ్గజం హానర్ స్మార్ట్‌ఫోన్‌  ప్రేమికులకు బంపర్‌ ఆఫర్‌ ఇస్తోంది.  హానర్‌  భారతీయ  వినియోగదారులకోసం ఫ్లాష్‌ సేల్ ని నిర్వహిస్తోంది. సెప్టెంబర్ 11న  ఈ ప్రత్యేకంగా ఈ విక్రయాన్ని చేపట్టబోతోంది. ఈ సేల్‌లో హానర్‌ 9ఎన్‌  (3 జీబీ, 32 జీబీ స్టోరేజ్‌) స్మార్ట్‌ఫోన్‌ను కేవలం ఒక రూపాయికే అందించనుంది.  హానర్‌ 9ఎన్‌  3 జీబీ, 32 జీబీ స్టోరేజ్‌ వేరియంట్  అసలు ధర. రూ. 11,999గా ఉంది. సెప్టెంబర్ 11 న ఉదయం 11 గంటల 45 నిమిషాలకు హానర్ వెబ్‌సైట్ ద్వారా ఈ ఫ్లాష్ సేల్ నిర్వహిస్తుంది. అయితే ఇది కేవలం కంపెనీ వెబ్‌సైట్ అలాగే స్టోర్లలో మాత్రమే అందుబాటులో ఉంటుంది.  లిమిటెడ్‌ డివైస్‌లపై అందిస్తున్న ఈ ఆఫర్‌ను దక్కించుకోవాలంటే  హానర్‌ ఆన్‌లైన్‌ స్టోర్‌లో రిజిస్టర్‌ చేసుకొని వ్యకిగత వివరాలను నమోదు చేయాలి.   అలాగే  ఆన్‌లైన్‌  చెల్లింపులకు మాత్రమే అనుమతి.  దీంతోపాటు ఈ ఫ్లాష్‌ సేల్‌ ద్వారా హానర్ 7ఎస్‌, హానర్ 9ఎన్‌, హానర్ ప్లే  ఫోన్లపై ఆకట్టుకునే ఆఫర్లు, ఇతర డిస్కౌంట్లను ఆఫర్‌ చేస్తోంది.

హానర్‌ ఇండియా భారతీయ స్మార్ట్‌ఫోన్‌ ప్రియులకు బంపర్‌ ఆఫర్‌ ప్రకటించింది. హానర్‌ సూపర్‌ సేల్‌లో తన 8 ప్రొ స్మార్ట్‌ఫోన్‌ను ఆగస్టు 14 తేదీన కేవలం 1 రూపాయికే  అందించింది. హానర్‌ ఆన్‌లైన్‌ స్టోర్‌ ద్వారా ఈ రోజు (మంగళవారం) ఉదయం 11.30 నిమిషాలకు ఈ సూపర్‌ సేల్‌ మొదలు కానుందని ప్రకటించింది. స్టాక్‌ ఉన్నంత వరకే ఈ అవకాశంమని తెలిపింది.  హానర్‌ 8 ప్రొ వాస్తవ ధర రూ.29,999 అంటే రూ.29,998ల భారీ డిస్కౌంట్‌ అన్నమాట. హానర్‌ అధికారిక వెబ్‌సైట్‌లో సూపర్‌ సేల్‌ మొదలైన కొన్ని నిమిషాల్లోనే ‘సోల్డ్‌ అవుట్‌’ అన్న డైలాగ్‌ కస‍్టమర్లను వెక్కిరించడం గమనార‍్హం​. ఈ స్వల్ప వ్యవధిలో ఎన్ని స్మార్ట్‌ఫోన్లను తమ కస‍్టమర్లకు అందించిందనే లెక్కలను సంస్థ అధికారికంగా ప్రకటించాల్సివుంది.

సాక్షి, ముంబై:  చైనాకు చెందిన మొబైల్ తయారీదారు షావోమి   అద్భుతమైన దీపావళి ఆఫర్‌ ప్రకటించింది.  దీపావళిసందర్భంగా నిర్వహిస్తున్న ఫ్లాష్‌ ​ సేల్‌లో రూ. 1కే స్మార్ట్‌ఫోన్‌ను అందిస్తోంది. ఈ నెల 27 నుంచి 29వ తేదీ వరకు ఈ  స్పెషల్‌ సేల్‌ నిర్వహిస్తోంది. లిమిటెడ్‌  సంఖ్యలో  డివైస్‌లు అందుబాటులోఉన్నాయని, ఫస్ట్‌ కం ఫస్ట్‌ సర్వ్‌ ప్రకారం ఈ సేల్‌ నిర్వహించనున్నట్టు కంపెనీ  ప్రకటించింది.   దీపావళి పండుగను పురస్కరించుకుని  షావోమి తన పార్ట్‌నర్ సైట్లతోపాటు, పాటు తన ఎంఐ ఆన్‌లైన్ స్టోర్‌లో  దీపావళి సేల్‌ను నిర్వహిస్తోంది.  ఇందులో రూ.1కే పలు షియోమీ ఫోన్లను పొందే అవకాశం కల్పిస్తోంది. అంతేకాదు షావోమి చెందిన ఇతర   ఉత్పత్తులపై  డిస్కౌంట్లను కూడా అందించనుంది. సేల్ జరగనున్నఈ మూడు రోజుల్లో రెండు స్లాట్లలో ఈ సేల్‌  నిర్వహించనుంది. సెప్టెంబర్‌  27, 28, 29 తేదీల్లో ప్రతి రోజు ఉదయం 11 గంటలకు, తిరిగి సాయంత్రం 5 గంటలకు రూ.1 సేల్ కొనసాగుతుంది. ఇందులో రెడ్‌మీ నోట్ 4, ఎంఐ రూటర్ 3సీ, రెడ్‌మీ 4, ఎంఐ బ్లూటూత్ మినీ స్పీకర్, ఎంఐ సెల్ఫీ స్టిక్, రెడ్‌మీ 4ఎ, ఎంఐ బ్యాండ్ హెచ్‌ఆర్‌ఎక్స్ ఎడిషన్, ఎంఐ క్యాప్సూల్ ఇయర్‌ఫోన్స్, ఎంఐ వైఫై రిపీటర్, ఎంఐ బ్యాక్‌ప్యాక్, ఎంఐ వీఆర్ ప్లేలను కేవలం రూ.1కే పొందేందుకు అవకాశం ఉంటుంది.   దీంతోపాటు సేల్ జరిగే రోజుల్లో మధ్యాహ్నం 2 నుంచి సాయంత్రం 6 గంటల వరకు యాప్‌లో బిడ్ టు విన్ సేల్ ను నిర్వహించనుంది. అలాగే ఈ సేల్ సందర్భంగా షియోమీ ఫోన్లు, ఇతర ఉత్పత్తులపై భారీ రాయితీలను అందివ్వనున్నారు. ఆయా ఉత్పత్తులపై కనీసం రూ.100 రాయితీ మొదలుకొని గరిష్టంగా రూ.2500 వ‌ర‌కు డిస్కౌంట్లను ఆఫర్‌ చేస్తోంది.  మరిన్ని వివరాలకు  షావోమి అధికారిక వెబ్‌సైట్‌ను, ఎంఐ యాప్‌ను పరిశీలించాల్సిందే.  


 చైనీస్ హ్యాండ్ సెట్ మేకర్ వన్ ప్లస్ కూడా పండుగ సీజన్ అమ్మకాల్లోకి ప్రవేశించింది. ఒక రూపాయికే స్మార్ట్ ఫోన్ అందించడానికి రడీ అయ్యింది.   అక్టోబర్ 24 నుండి 26వరకు   కంపెనీ ఈ కామర్స్ స్టోర్ లో జరుగనున్న దీపావళి డాష్ అమ్మకాల్లో ఈ బంపర్ ఆఫర్  ప్రకటించింది. ఈ మూడు రోజులు, మధ్యాహ్నం12,  సాయంత్రం  4గంటలకు, రాత్రి 8గంటలకు ఫ్లాష్ సేల్ వుంటుందని కంపెనీ ఒక  ప్రకటనలో వివరించింది. రిజిస్టర్ చేసుకున్న ఖాతాదారుడు  కేవలం ఒక రూపాయికే వన్  ప్లస్ 3  ఇతర యాక్ససరీస్ను గెల్చుకోవచ్చని వెబ్ సైట్ లో ప్రకటించింది.   ఈ పోటీలో భాగంగా మిస్టరీ బాక్సులను లక్కీ డ్రా ద్వారా ఎంపకి చేస్తామని,   అలాగే ఇలా విక్రయించిన ఫోన్లకు రిటన్ పాలసీ వర్తించదని స్పష్టం చేసింది.
 
 అయితే ఈ పోటీలో పాల్గొన దలచినవారు వన్ ప్లస్ స్టోర్ లో అకౌంట్  తెరిచి,  డాష్ సేల్ లో రిజిస్టర్ కావాలి.  మొబైల్ నెం, పూర్తి  చిరునామా స్పష్టంగా పేర్కొనాలి. ఆగండాగండి.. అంతటితో అయిపోలేదు.. అకౌంట్  ఓపెన్ చేసిన అనంతరం దీన్ని  కనీసం ఏదో ఒక సోషల్ మీడియా ప్లాట్ పాంలో షేర్ చేయాలి...అపుడు మాత్రమే డాష్  సేల్ లో ఎంట్రీ లభిస్తుంది.  ఆ తరువాత ఆ రోజుకు సంబంధించి కొన్ని  మిస్టరీ బాక్సలను కంపెనీ రిలీజ్ చేస్తుంది. ఒక్కొక్క ఖాతాదారుడు ఒక్కో బాక్స్   డ్రా చేసే అవకాశం ఉంటుంది. ఈ లక్కీ బాక్స్ లో ఏముందో తెలుసుకోవాలంటే..ఒక రూపాయి ఖచ్చితంగా చెల్లించాలి. మూడు గంటలలోపు చెల్లించడంలో ఫెయిల్ అయితే.. బాక్స్ డ్రా  చేసే అవకాశం మిస్ అయినట్టే.
 
 మరోవైపు మీరు మళ్లీ డ్రా బాక్స్ డ్రా చేయడం అనేది మీ డాష్ లెవల్ ను బట్టి ఉంటుంది. వన్ ప్లస్ సైట్ రిజిస్టర్ కోసం స్నేహితులకు పంపే రిక్వెస్టులు, వన్ ప్లస్ సోర్ల ద్వారా ఇతర మొబైళ్ల  కొనుగోలు తదితర అంశాలను బట్టి ఈ లెవల్   నిర్ణయించబడుతుందని కంపెనీ వెబ్ సైట్ లో ప్రకటించింది. అయితే మొత్తం ఎన్ని  ఫోన్లను అందించనున్నదీ, ఎన్ని మిస్టరీ బాక్సులను పొందుపరిచిందీ   స్పష్టంగా ప్రకటించలేదు. మరిన్ని వివరాలకోసం వన్ ప్లస్ వెబ్ సైట్ లో చెక్ చేయండి.