సాక్షి,హైదరాబాద్‌: తెలుగు రాష్ట్రాల్లో సమాచార కమి షనర్లను, కేంద్ర ప్రభుత్వం లోక్‌పాల్‌ను నియమించా లని జన చైతన్య వేదిక డిమాండ్‌ చేసింది. అలాగే తెలుగు రాష్ట్ర ప్రభుత్వాలు లోకయుక్త, మానవ హక్కుల కమిషన్‌ చైర్మన్‌ను నియమించాలని కోరిం ది. బుధవారం హైదరాబాద్‌లోని సోమాజీగూడ ప్రెస్‌క్లబ్‌లో జనచైతన్య వేదిక ఆధ్వర్యంలో విలేకరుల సమావేశం నిర్వహించారు. కేంద్ర హోంశాఖ మాజీ కార్యదర్శి కె. పద్మనాభయ్య మాట్లాడుతూ సమాచార హక్కు చట్టాన్ని దాదాపు అన్ని రాజకీయ పార్టీలు నిర్వీర్యం చేస్తున్నాయని, వివిధ పార్టీల పాలనలో ఉన్న కేరళ, ఏపీ, తెలంగాణ, పశ్చిమబెంగాల్, కర్ణాటక, గుజరాత్‌ రాష్ట్రాల్లో సమా చార కమిషన్‌ ఏమాత్రం పనిచేయడం లేదని అన్నారు. మాజీ సమాచార కమిషనర్‌ పి.విజయబాబు ప్రసంగిస్తూ తిరుమల దేవాలయాన్ని సమాచార హక్కు చట్టం పరిధిలోకి తేవాలన్నారు.  ఏపీలో సమాచార కమిషన్‌ దాదాపు పనిచేయడం లేదని చెప్పారు. ఏపీలో ముఖ్య కమిషనర్‌తో పాటు కమిషనర్ల పోస్టులన్నీ ఖాళీగా ఉన్నాయని, దాదాపు 10 వేల ఫిర్యాదులు అపరిష్కృతంగా ఉన్నాయని వివరించారు. కేంద్ర సమాచార కమిషన్‌తో పాటు వివిధ రాష్ట్రాల సమా చార కమిషనర్ల వద్ద 9 లక్షలకు పైగా ఫిర్యాదులు అపరిష్కృతంగా ఉన్నాయని అప్పా డైరెక్టర్‌ ఎస్‌. శ్రీనివాసరెడ్డి పేర్కొన్నారు. జన చైతన్య వేదిక రాష్ట్ర అధ్యక్షుడు వి. లక్ష్మణరెడ్డి మాట్లాడుతూ అవినీతిలో ఏపీ దేశంలోనే అగ్రభాగాన ఉందని, క్షేత్ర స్థాయిలో అవినీతి లేనిదే పనులు కాని పరిస్థితి ఏపీ, తెలంగాణ రాష్ట్రాల్లో కొనసాగుతోందని వాపోయారు.         


 హైదరాబాద్: ఐఏఎస్ అధికారుల పనితీరు, వారి వ్యవహార శైలిపై ఏపీ ఆర్టీఐ కమిషనర్ విజయబాబు సంచలన వ్యాఖ్యలు చేశారు. సమాచార హక్కు చట్టం కింద దరఖాస్తు చేసిన సమాచారాన్ని అధికారులు ఇవ్వడంలేదని చీఫ్ ఇన్ఫర్మేషన్ కమిషనర్ సహా అయిదుగురు కమిషనర్లు గవర్నర్ను కలిశారు. అనంతరం విజయబాబు మాట్లాడుతూ కొంతమంది ఐఏఎస్ అధికారులు కావాలనే ఆర్టీఐ చట్టాన్ని నిర్వీర్యం చేస్తున్నారన్నారు. కొందరు అధికారులు తెంపరితనం చూపుతున్నారని విమర్శించారు. ప్రభుత్వ కార్యాలయాల్లో ఆర్టీఐని నీరుగారుస్తున్నారన్నారు. ఈ విషయంలో చిత్తూరు జిల్లా కలెక్టర్ సమాధానం చెప్పాలని ఆయన డిమాండ్ చేశారు.
 ఐఏఎస్ అధికారులు ఆర్టీఐ చట్టాలను నిర్వీర్యం చేయడంపై ఉదాహరణలతో సహా గవర్నర్కు ఫిర్యాదు చేసినట్లు తెలిపారు. తమవైపు నుంచి తప్పు ఉంటే విచారణ చేపట్టాలన్నారు. ఐఏఎస్ల వ్యవహారశైలి చట్ట స్ఫూర్తికి అవమానకరమని ఆయన అన్నారు. కొంతమంది ఐఏఎస్ అధికారులు వారి ఆదాయాలకు, వారి స్థాయికి మించి భవనాలు కడుతున్నారని ఆరోపించారు. ఈ విషయాలన్నిటినీ రాష్ట్ర ముఖ్యమంత్రి చంద్రబాబుకు కూడా వివరిస్తామని విజయబాబు చెప్పారు.