రజనీకాంత్‌ ఫ్యాన్స్‌ కోసం లుంగీ కట్టి లుంగీ డ్యాన్స్‌ చేశారు షారుక్‌ ఖాన్‌. ‘చెన్నై ఎక్స్‌ప్రెస్‌’ ప్రమోషన్‌లో భాగంగా ఇలా చేశారాయన. ఇప్పుడు మరోసారి లుంగీ కట్టనున్నారని బాలీవుడ్‌ గాసిప్‌. 2014లో వచ్చిన అజిత్‌ ‘వీరమ్‌ చిత్రాన్ని సాజిద్‌ నడియాడ్‌వాలా బాలీవుడ్‌లో రీమేక్‌ చేస్తున్నారు. ఫర్హాద్‌ సంజీ దర్శకుడు. దీనికి ‘లాల్‌’ (ల్యాండ్‌ ఆఫ్‌ లుంగీ) అనే టైటిల్‌ను ఫిక్స్‌ చేశారు.  ఈ సినిమా తొలుత అక్షయ్‌ కుమార్‌ దగ్గరకు వెళ్లింది. ఆ తర్వాత విక్కీ కౌశాల్‌ దగ్గరకు వెళ్లింది. డేట్స్‌ లేని కారణంగానే ఈ హీరోలు లుంగీ కట్టే చాన్స్‌ మిస్‌ అయ్యారు. ఇప్పుడు షారుక్‌ ఖాన్‌ ఈ రీమేక్‌లో హీరోగా కనిపిస్తారని తెలిసింది. దీనికి సంబంధించిన చర్చలు జరుగుతున్నాయి.

టాలీవుడ్‌లో ‘ఆర్‌ఎక్స్‌ 100’ ఎంతటి సెన్సేషన్‌ క్రియేట్‌ చేసిందో ప్రత్యేకంగా చెప్పనక్కర్లేదు. ఈ చిత్ర హీరో కార్తీకేయ, హీరోయిన్‌ పాయల్‌ రాజ్‌పుత్‌, దర్శకుడు ఆజయ్‌ భూపతిల క్రేజ్‌ అమాంతం పెరిగిపోయింది. ఇక అంతటి క్రేజ్‌ను సంపాదించుకున్న ఈ మూవీపై.. అన్ని ఇండస్ట్రీల కన్ను పడిన సంగతి తెలిసిందే.  ఇప్పటికే బాలీవుడ్‌లో ప్రముఖ హీరో సునీల్‌ శెట్టి తనయుడు అహన్‌ శెట్టిని హీరోగా పరిచయం చేస్తూ.. ఆర్‌ఎక్స్‌ 100ను అక్కడ రీమేక్‌ చేయబోతోన్న సంగతి తెలిసిందే. అయితే ఈ చిత్రం కోసమే యూనిట్‌ లొకేషన్ల వేటలో పడింది. ముస్సోరిలోని కొన్ని ప్రాంతాల్లో ఈ చిత్రాన్ని షూట్‌ చేయాలని యూనిట్‌ భావిస్తోందట. ఇక్కడ సంచనాలు నమోదు చేసిన ఈ మూవీ.. అక్కడ ఎలాంటి ట్రెండ్‌ సెట్‌ చేస్తుందో వేచి చూడాలి. సాజిద్‌ నదియావాలా నిర్మిస్తున్న ఈ చిత్రానికి మిలాన్‌ లుత్రియా దర్శకత్వం వహిస్తున్నాడు.


 ఇటీవల కాలంలో టాలీవుడ్లో సంఛలన విజయం సాధించిన చిన్న సినిమా క్షణం. అడవి శేష్ హీరోగా తానే కథ అందించిన ఈ సినిమా మంచి టాక్ సొంతం చేసుకుంది. పీవీపీ సంస్థ కేవలం కోటి రూపాయల బడ్జెట్తో ఈ సినిమాను నిర్మించటంతో భారీ లాభాలను సంపాదించి పెట్టింది. ముఖ్యంగా థ్రిల్లర్ జానర్లో తెరకెక్కిన సినిమా కావటంతో రీమేక్ రైట్స్ విషయంలో కూడా భారీ పోటి కనిపించింది.
 
 క్షణం బాలీవుడ్ రీమేక్ రైట్స్ను సాజిద్ నడియావాలా సొంతం చేసుకోగా, బాలీవుడ్ కండల వీరుడు సల్మాన్ ఖాన్ ఈ సినిమాలో హీరోగా నటించడానికి అంగీకరించాడు. అంతేకాదు తెలుగులో కేవలం కోటి రూపాయలతో నిర్మించిన ఈ సినిమాను బాలీవుడ్లో ఏకంగా 80 కోట్ల బడ్జెట్తో నిర్మించడానికి ప్లాన్ చేస్తున్నారు. సల్మాన్, లక్కీ యాక్టర్ నవాజుద్దీన్ సిద్దీఖితో విలన్ రోల్ చేయించాలని ప్లాన్ చేస్తున్నారు. ఇతర పాత్రల కోసం నటీనటుల ఎంపిక జరగాల్సి ఉంది.