అనంతపురం జిల్లా కదిరి సమీపంలో ఉన్న  తిమ్మమ్మ మర్రిమాను కథ ఆధారంగా రూపొందిన చిత్రం ‘సతీ తిమ్మమాంబ’. భవ్యశ్రీ ప్రధాన పాత్రలో బాలగొండ ఆంజనేయులు దర్శకత్వంలో పెదరాసు సుబ్రమణ్యం నిర్మించిన ఈ చిత్రం నవంబరులో విడుదల కానుంది. ‘‘మర్రి మాను చరిత్రను ప్రేక్షకులకు చూపించాలనే సంకల్పంతో ఈ చిత్రం తీశాం’’ అని నిర్మాత అన్నారు. ఈ చిత్రానికి దర్శకత్వ పర్యవేక్షణ: ఎస్.రామ్‌కుమార్.


 - హీరో బాలకృష్ణ
 ‘‘అనంతపురంలో తిమ్మమ్మ మర్రిమాను చరిత్రతో సినిమా రావడం చాలా ఆనందంగా ఉంది. ఓ మహిళ కథతో వస్తున్న ఈ చిత్రం మంచి విజయం సాధించాలి’’ అని హీరో బాలకృష్ణ అన్నారు. శ్రీ వెంకట్, భవ్యశ్రీ జంటగా బాలగొండ ఆంజనేయులు దర్శకత్వంలో ఎస్.ఎస్.ఆర్ట్ క్రియేషన్స్ పతాకంపై పెదరాసు సుబ్రమణ్యం నిర్మిస్తున్న  చిత్రం ‘సతీ తిమ్మమాంబ’. ఈ చిత్రం పాటల సీడీని బాలకృష్ణ విడుదల  చేశారు. ఈ సందర్భంగా బాలకృష్ణ మాట్లాడుతూ- ‘‘తెలుగు భాష, సంస్కృతి అంటే నాకెంతో ప్రేమ.
 
 ఎంతో ఘనమైన చరిత్ర  ఉన్న తెలుగు జాతి మనది. తెలుగును మర్చిపోయి పరభాష మీద ప్రేమ పెరుగుతున్న ఈ రోజుల్లో మన చరిత్రకు సంబంధించిన సినిమా రావడం చాలా ఆనందంగా ఉంది’’ అని అన్నారు. దర్శకుడు మాట్లాడుతూ- ‘‘ఈ కథ రాశాక బాలకృష్ణగారు నటించిన ‘భైరవ ద్వీపం’ ప్రథమార్ధాన్ని చాలాసార్లు చూశాను. కానీ ఆ సినిమా అంత గొప్పగా ఈ సినిమా చేయలేకపోయాం. ఉన్నంతలో చక్కగా తెరకెక్కించాం.
 
 బాలకృష్ణగారి కోసం శివరావణ యుద్ధం అనే కథ తయారు చేశాను. ఆయన అంగీకరిస్తే, సినిమా చేయాలనుకుంటున్నా’’ అని చెప్పారు. ‘‘మా పూర్వీకులకు సంబంధించిన కథ ఇది. నియమ నిబంధన లతో ఈ చిత్రాన్ని రూపొందించాం. మొదట ఈ చిత్రాన్ని సీరియల్‌గా చేసి టెన్ ఎపిసోడ్స్ టెలికాస్ట్ చేశాం. కానీ, స్లాట్ దొరక్క పోవడంతో మొత్తం ప్రదర్శించలేకపోయాం. అందుకే సినిమాగా తీర్చిదిద్దాం. అందరికీ నచ్చుతుందన్న నమ్మకం ఉంది’’ అని నిర్మాత అన్నారు. ఈ కార్యక్రమంలో ఆంధ్రప్రదేశ్ రాష్ట్ర మంత్రులు పల్లె రఘునాథ్‌రెడ్డి, పరిటాల సునీత తదితరులు పాల్గొన్నారు.


 అనంతపురం జిల్లా కదిరి ప్రాంతంలో వెలిసిన తిమ్మమ్మ మర్రిమాను చరిత్రను భావితరాలకు పరిచయం చేయాలనే ఉద్దేశంతో రూపొందుతున్న చిత్రం ‘సతీ తిమ్మమాంబ’. ఎస్.ఎస్.ఎస్ ఆర్ట్ క్రియేషన్స్ పతాకంపై భవ్యశ్రీ ప్రధాన పాత్రలో తెరకెక్కిన ఈ చిత్రానికి బాలగొండ ఆంజనేయులు దర్శకుడు. ఇటీవలే షూటింగ్ పూర్తిచేసుకుంది.
  
  ‘‘600 సంవత్సరాల చరిత్ర కలిగిన ఈ చెట్టు గిన్నిస్ బుక్ ఆఫ్ వరల్డ్ రికార్డ్‌లో స్థానం సంపాదించుకుంది. ఈ నెలాఖరులో పాటలను విడుదల చేయనున్నాం’’ అని దర్శక, నిర్మాతలు తెలిపారు. ఈ చిత్రానికి సంగీతం: బండారు దానయ్యకవి, దర్శకత్వం పర్యవేక్షణ: ఎస్.రామ్‌కుమార్.