తమిళ స్టార్‌ దళపతి విజయ్‌ బర్త్‌డే సందర్భంగా సోషల్‌ మీడియాలో ఆయనకు శుభాకాంక్షలు వెల్లువెత్తున్నాయి. ఇక తమిళనాట అయితే విజయ్‌ పుట్టిన రోజు వేడుకలను ఫ్యాన్స్‌ గ్రాండ్‌ సెలబ్రెట్‌ చేస్తున్నారు. విజయ్‌కి పలువురు సినీ ప్రముఖులు సైతం విషెస్‌ తెలుపుతున్నారు. అంతేకాదు ఆయన బర్త్‌డే సందర్భంగా విజయ్‌ సిని​మాలకు సంబంధించిన వరుస అప్‌డేట్స్‌ వస్తున్నాయి. ఈ నేపథ్యంలో వంశీ పైడిపల్లి దర్శకత్వంతో తెరకెక్కుతున్న విజయ్‌ 66 మూవీకి సంబంధించిన మరో అప్‌డేట్‌ను తాజాగా వదిలారు మేకర్స్‌. నిన్న ఈమూవీ టైటిల్‌తో పాటు విజయ్‌ ఫస్ట్‌లుక్‌ను రిలీజ్‌ చిత్రం బృందం రిలీజ్‌ చేసిన సంగతి తెలిసిందే.  చదవండి: Vijay As Varisu: వారసుడుగా వస్తోన్న దళపతి విజయ్‌ వారిసు(తెలుగులో వారసుడు) అని టైటిల్‌ ఖారారు చేశారు ఈ మూవీకి. తాజాగా ఈ చిత్రంలోని విజయ్‌కి సంబంధించిన మరోలుక్‌ వదిలారు. చూట్టూ పిల్లలు, గాలి పటాలు, చెరుకు గడలు మధ్య ఎండ్ల బండిలో పడుకుని ఆకాశం వైపు చూస్తూ కనిపించాడు విజయ్‌. ఈ సెకండ్‌ లుక్‌ పోస్టర్‌ చూస్తుంటే సంక్రాంతిని గుర్తు చేస్తుంది. అంటే ఇందులో విజయ్‌ పలు షేడ్స్‌లో కనిపించనున్నాడని తెలుస్తోంది. కాగా ఇందులో సరదాగా నవ్వుతూ కనిపించిన విజయ్‌ లుక్‌కు అతడి ఫ్యాన్స్‌ ఫిదా అవుతున్నారు. దీంతో విజయ్‌ కొత్తలుక్‌ పలు సోషల్‌ మీడియాల్లో షేర్‌ చేస్తూ వైరల్‌ చేస్తున్నారు ఫ్యాన్స్‌.  చదవండి: ఓటీటీకి అంటే సుందరానికి, స్ట్రీమింగ్‌ డేట్‌, టైం ఫిక్స్‌.. ఎక్కడంటే! Sankranthi 2023 is going to be special with the arrival of #Vaarasudu #VaarasuduSecondLook#Vaarasudu#Varisu#HBDDearThalapathyVijay Thalapathy @actorvijay sir @directorvamshi @iamRashmika @MusicThaman @Cinemainmygenes @KarthikPalanidp pic.twitter.com/GySYHlT488 — Sri Venkateswara Creations (@SVC_official) June 22, 2022

హీరో సూర్య సతీమణి, నటి జ్యోతిక, హీరో కార్తీ, సత్యరాజ్‌ కీలక పాత్రల్లో నటించిన చిత్రం ‘దొంగ’. జీతు జోసెఫ్‌ దర్శకత్వం వహించారు. వయాకామ్‌ 18 స్టూడియోస్, ప్యారలల్‌ మైండ్స్‌ ప్రొడక్షన్‌ పతాకాలపై సూరజ్‌ సదానా నిర్మించిన ఈ సినిమా డిసెంబరులో విడుదలకానుంది. కార్తీ మాట్లాడుతూ– ‘‘నా కెరీర్‌లో మరో విభిన్న చిత్రం ‘దొంగ’. వైవిధ్యమైన చిత్రాలను ఆదరించే ప్రేక్షకులు ఈ సినిమాని కూడా బాగా ఆదరిస్తారని ఆశిస్తున్నా. యాక్షన్‌తో పాటు ఎమోషన్‌కి అందరూ కనెక్ట్‌ అవుతారు. మా అన్న సూర్యగారు విడుదల చేసిన ‘దొంగ’ ఫస్ట్‌ లుక్‌కి, హీరో నాగార్జునగారు రిలీజ్‌ చేసిన టీజర్‌కి మంచి స్పందన వచ్చింది. ఆదివారం సెకండ్‌ లుక్‌ని రిలీజ్‌ చేశాం. నా కెరీర్‌లో మరచిపోలేని మరో చిత్రమిది’’ అన్నారు. ‘‘దొంగ’ సినిమా ప్రస్తుతం పోస్ట్‌ ప్రొడక్షన్‌ పనులు జరుగుతున్నాయి’’ అని నిర్మాతలు పేర్కొన్నారు. ఈ చిత్రానికి కెమెరా: ఆర్‌.డి.రాజశేఖర్, సంగీతం: గోవింద్‌ వసంత.

సినిమా సినిమాకు లుక్స్‌ మార్చే హీరోల్లో తమిళ నటుడు ధనుష్‌ ఒకరు. ఒకే సినిమాలో విభిన్నమైన పాత్రల్లో కనిపిస్తుంటారు. ప్రస్తుతం ధనుష్‌ ‘అసురన్‌’ (రాక్షసుడు అని అర్థం) అనే సినిమా చేస్తున్నారు. వెట్రిమారన్‌ దర్శకుడు. గతంలో వీరి కాంబినేషన్‌లో ‘పొల్లాదవన్, ఆడుకళం, వడ చెన్నై’ సినిమాలు వచ్చాయి. ‘అసురన్‌’ సినిమాలో ధనుష్‌ సెకండ్‌ లుక్‌ను రిలీజ్‌ చేశారు. ఈ సినిమాలో రెండు విభిన్న గెటప్స్‌లో ధనుష్‌ కనిపిస్తారు. యంగ్‌ ఏజ్‌లో లుక్‌ ఒకటి. ఓల్డ్‌ ఏజ్‌ లుక్‌ మరోటి. వృద్ధుడిగా ఉన్న లుక్‌ను ఇంతకుముందే రిలీజ్‌ చేసేశారు. ఆ లుక్‌కి మంచి స్పందన వచ్చింది. ఇప్పుడు రిలీజ్‌ చేసిన యంగ్‌ లుక్‌ కూడా బాగుందంటున్నారు. ‘వేక్కై’ అనే తమిళ నవల ఆధార ంగా తెరకెక్కిన ఈ సినిమా అక్టోబర్‌ 4న విడుదల కానుంది.


 ‘జ్యోతిక ఈజ్‌ బ్యాక్‌’ అని అందరూ మెచ్చుకునే రేంజ్‌లో ఆమె ‘36 వయదినిలే’ చిత్రంలో అద్భుతంగా నటించారు. హీరో సూర్యను పెళ్లి చేసుకుని, ఇద్దరు బిడ్డలకు తల్లయిన జ్యోతిక మళ్లీ సినిమాల్లో కొనసాగాలనుకుని, ‘36 వయదినిలే’ ద్వారా సెకండ్‌ ఇన్నింగ్స్‌ ప్రారంభించారు. ఆ చిత్రం మంచి విజయం సాధించింది. ఇప్పుడు  ‘మగళిర్‌ మట్టుమ్‌’ అనే మరో లేడీ ఓరియంటెడ్‌ మూవీలో నటిస్తున్నారు. ఈ చిత్రం సెకండ్‌ లుక్‌ సంక్రాంతి సందర్భంగా విడుదలైంది.
 
 జ్యోతిక బైక్‌ మీద వెళుతున్న ఫొటోని చూస్తుంటే, ఇందులో ఆమెది పవర్‌ఫుల్‌ రోల్‌ అని అర్థమవుతోంది. ‘‘ప్రభ (ఈ సినిమాలో జ్యోతిక పాత్ర పేరు) ప్రయాణం మొదలైంది’’ అంటూ సెకండ్‌ లుక్‌ను సూర్య విడుదల చేశారు. ఈ చిత్రానికి ఆయనే నిర్మాత. బ్రహ్మ దర్శకత్వంలో ఈ చిత్రం రూపొందుతోంది. అన్నట్లు.. ఆ మధ్య తన భార్యకు సూర్య బైక్‌ ఎలా నడపాలో నేర్పించారు. చెన్నై రోడ్స్‌ మీద జ్యోతిక ద్విచక్ర వాహనం నేర్చుకోవడం చాలామంది కంట పడింది. ఇప్పుడామె ఎందుకు బైక్‌ నేర్చుకుంటున్నారా? అనుకున్నవాళ్లకు ఈ సెకండ్‌ లుక్‌ సమాధానం చెప్పేసింది. ఈ సినిమా కోసమే జ్యోతిక బైక్‌ నేర్చుకున్నారని ప్రత్యేకంగా చెప్పాలా!