కేంద్ర ప్రభుత్వం జూన్ 30లోగా పాన్ కార్డును ఆధార్ తో ప్రతి ఒక్కరూ లింకు చేయాలని కోరింది. అయితే, మీలో ఎవరైనా ఇప్పటి వరకు చేసుకోకపోతే వెంటనే చేసుకోండి. అసలు పాన్ కార్డు అంటే ఏమిటి? పర్మనెంట్ అకౌంట్ నెంబర్(శాశ్వత ఖాతా సంఖ్య). పాన్ నెంబరు 10 అంకెలతో తయారు చేయబడ్డ ఆల్ఫా న్యూమరిక్ నెంబరు. ఆర్థిక లావాదేవీలు జరిపే ప్రతీ ఒక్కరూ తప్పనిసరిగా ఈ కార్డు తీసుకోవాలి. ప్రతీ ఒక్కరికీ యూనిక్ గా పర్మనెంట్ అకౌంట్ నెంబర్ ఉంటుంది. ఈ పర్మనెంట్ అకౌంట్ నెంబర్ ఒకేసారి జారీ మాత్రమే అవుతుంది. ఇక ఎప్పటికీ అదే నెంబర్ ఉంటుంది. మీరు ఎప్పుడైనా గమనించారా? పాన్ కార్డులోని రెండు అక్షరాలు మీ పేరు తెలుపుతాయని. పాన్ కార్డ్ సంఖ్య వెనుక చాలా సీక్రెట్ ఉంది. ఇవి వాస్తవానికి మీ వ్యక్తిగత సమాచారం గురించి ఒకటి లేదా రెండు విషయాలు చెప్పగలవు. మొదటి 5 అంకెలు అక్షరమాలలు, తరువాతి నాలుగు సంఖ్యలు, చివరిది మళ్ళీ అక్షరమాల. వాటి వెనుక ఉన్న సీక్రెట్ కోడ్స్ గురుంచి మనం ఇప్పుడు తెలుసుకుందాం. మొదటి మూడు అక్షరాలు: ఈ కార్డులో ఉన్న మొదటి మూడు అక్షరాలు యాదృచ్ఛికంగా ఎంపిక చేస్తారు. అవి ఎఎఎ నుంచి జెడ్ జెడ్ జెడ్ మధ్య ఉంటాయి. ఊదా: ఎడబ్ల్యుఎస్ లేదా జెడ్ యుఐ వంటి అక్షరాల కలయిక కావచ్చు.  నాల్గవ అక్షరం: ఇక ఇప్పుడు కార్డులో ఉన్న నాలుగు, ఐదు అక్షరాలు చాలా ముఖ్యమైనవి. పాన్ కార్డులో ఉన్న నాల్గవ అక్షరం మీ స్థితి గురించి తెలియజేస్తుంది. ఊదా: ALWPG5809L నాల్గవ అక్షరం "పీ" అయితే, అది ఒక వ్యక్తికి చెందినది. "A" అంటే అసోసియేషన్ ఆఫ్ పర్సన్స్(AoP)   "B" అంటే బాడీ ఆఫ్ ఇండివిడ్యువల్స్ (బివోఐ)  "C"అంటే కంపెనీ  "F" అంటే ఫర్మ్/లిమిటెడ్ లయబిలిటీ పార్టనర్షిప్  "G" అంటే ప్రభుత్వ ఏజెన్సీ "H"అంటే హిందూ అవిభక్త కుటుంబం(హెచ్ యుఎఫ్)  "J" అంటే కృత్రిమ జురిడికల్ పర్సన్  "L" అంటే లోకల్ అథారిటీ  "P" అంటే వ్యక్తిగత  "T" అంటే ట్రస్ట్. ఐదవ అక్షరం: ఇక ఐదో అక్షరం పాన్ కార్డ్ హోల్టర్ ఇంటిపేరు లేదా చివరి పేరులో మొదటి అక్షరం ఉంటుంది. ఉదా: రాయల్ మహేశ్ బాబు అనుకోండి. అతని పాన్ కార్డులో XXXPM1122H అని ఉంటుంది.  6-9 అక్షరాలు: ఇక తర్వాత ఉండే నాలుగు అక్షరాలు 1001 నుంచి 9999 యాదృచ్ఛిక ఎంపిక చేస్తారు. (ఉదా. ALWPG5809L). 10వ అక్షరం: పాన్ లోని పదవ అంకె మొదటి తొమ్మిది అంకెలను పరిగణనలోకి తీసుకునే ఫార్ములాపై ఆధారపడి ఉంటుంది. ఈ చివరి డిజిట్‌ను పాన్ నెంబర్ జారీ చేసే సమయంలో కంప్యూటర్ జనరేట్ చేస్తుంది. చదవండి: బడ్జెట్ లో కిల్లర్ స్మార్ట్ ఫోన్ తీసుకొచ్చిన శామ్‌సాంగ్‌


 ఏటీఎంలో డబ్బు పెట్టే ఏజెన్సీ సిబ్బంది చేతివాటం
 కాజేసిన డబ్బుతో గుర్రపు పందాలు
  
 నాచారం: ఏటీఎంలో డబ్బును నింపే ప్రైవేట్ సంస్థ  ఉద్యోగులు ఆధునిక టెక్నాలజీలోని లొసుగులను తమకు అనుకూలంగా ఉపయోగించుకొని కొత్త తరహా మోసానికి తెరలేపారు. సుమారు కోటిన్నర నొక్కేసి చివరకు నాచారం పోలీసులకు చిక్కారు.  విశ్వసనీయ సమాచారం మేరకు... నాచారం, హబ్సిగూడ, మల్లాపూర్ రూట్లలో 15 ఏటీఎంల్లో డబ్బులు పెట్టే భాధ్యత ఓ ప్రైవేట్ ఏజెన్సీ తీసుకుంది. ఇందులో పనిచేసే ఉద్యోగులు తమకు తెలిసిన సీక్రేట్ కోడ్‌తో ఏటీఎంను తెరిచి అందులో డబ్బులు డిపాజిట్ చేస్తున్నారు. ఆ తమ కార్యాలయానికి డబ్బు డిపాజిట్ చేసినట్టు ఎస్‌ఎంఎస్ పంపుతున్నారు. తర్వాత అదే కోడ్‌ను ఉపయోగించి గుట్టుచప్పుడు కాకుండా డబ్బు తిరిగి డ్రా చేస్తున్నారు. ఇలా కాజేసిన డబ్బుతో గుర్రపు పందాలు ఆడుతున్నారు. రోజూ ఇలా డబ్బు కాజేస్తూ దాదాపు రూ. కోటిన్నరకు పైగా ఖర్చు చేశారు.
 
 మోసం బయటపడింది ఇలా...
 
 ప్రతి రోజూ నమ్మకంగా డబ్బు ఏటీఎంలో ఉంచుతున్న ఉద్యోగులు సక్రమంగా మేసేజ్‌లు పంపుతున్నారు. దీంతో ఎక్కడ ఎవరికీ అనుమానం రాలేదు. అయితే, జనవరి నుంచి మార్చి నెల వరకు డిపాజిట్ చేసిన డబ్బుపై ఆడిట్ చేయగా లెక్కల్లో భారీగా తేడా వచ్చింది. దీంతో అనుమానం వచ్చిన బ్యాంక్‌లు ఆరా తీయగా అసలు విషయం బయటపడింది. దాదాపు రూ.కోటిన్నర వరకు మోసం జరిగినట్లు తెలియడంతో అనుమానితులైన నలుగురు ఉద్యోగులను నాచారం పోలీసులు అదుపులోకి తీసుకొని విచారిస్తున్నట్లు తెలిసింది.