ప్రత్యేక రాష్ట్రం కోసం ఉద్యమిస్తున్న గూర్ఖాల్యాండ్‌ ప్రజలకు అనూహ్య మద్దతు లభించింది. పొరుగున ఉన్న సిక్కిం రాష్ట్ర ముఖ్యమంత్రి పవన్‌ చామ్లింగ్‌ గురువారం ప్రత్యేక గూర్ఖాల్యాండ్‌ రాష్ట్ర ఏర్పాటుకు మద్దతు పలికారు. సిక్కిం అధికార పార్టీ ఎస్డీఎఫ్‌ కూడా గూర్ఖాల్యాండ్‌ ఉద్యమానికి సంఘీభావం పలికింది. గూర్ఖాల్యాండ్‌ ఏర్పాటు కోసం గత ఎనిమిది రోజులుగా జీజేఎం నేతృత్వంలో బంద్‌ నిర్వహిస్తున్న సంగతి తెలిసింది.
 
 గూర్ఖాల్యాండ్‌ జనముక్తి మోర్చా (జీజేఎం) ఆధ్వర్యంలో నిర్వహిస్తున్న నిర్వవధిక బంద్‌తో డార్జిలింగ్‌ లోయ ప్రాంతంలో ప్రజాజీవనం దాదాపు స్తంభించిపోయింది. అంబులెన్స్‌ వంటి అత్యవసర సేవలు సైతం నిలిపివేయడం, టీవీ కేబుళ్ల ప్రసారాలు ఆగిపోవడంతో డార్జిలింగ్‌ ప్రాంతంలో జనజీవనం అస్తవ్యస్తమవుతోంది.