GST reward scheme: జీఎస్టీ బిల్లు అప్‌లోడ్‌ చేస్తే నగదు బహుమతులిచ్చే 'మేరా బిల్ మేరా అధికార్' (Mera Bill Mera Adhikaar Scheme) జీఎస్టీ రివార్డ్‌ స్కీమ్‌ను కేంద్ర ప్రభుత్వం సెప్టెంబర్‌ 1 నుంచి ప్రారంభించనుంది. కొనుగోలుదారులు ప్రతి ఒక్కరూ బిల్లును అడిగి తీసుకునేలా ప్రోత్సహించే లక్ష్యంతో తీసుకొస్తున్న ఈ పథకం తొలుత ఆరు రాష్ట్రాల్లో అమలు కానుంది.  అమలయ్యే రాష్ట్రాలు ఇవే..  'మేరా బిల్ మేరా అధికార్' జీఎస్టీ రివార్డ్‌ స్కీమ్‌ను మొదటి దశలో అస్సాం, గుజరాత్, హర్యానా రాష్ట్రాలు, పుదుచ్చేరి, డామన్ & డయ్యూ, దాద్రా & నగర్ హవేలీ కేంద్ర పాలిత ప్రాంతాల్లో సెప్టెంబర్‌ 1 నుంచి అమలు చేయనున్నట్లు సెంట్రల్ బోర్డ్ ఆఫ్ ఇన్‌డైరెక్ట్‌ ట్యాక్సెస్‌ అండ్‌ కస్టమ్స్ (CBIC) తెలిపింది. ఈ మేరకు స్కీమ్‌ వివరాలతో ట్వీట్‌ చేసింది. అందుబాటులోకి మొబైల్ యాప్‌ 'మేరా బిల్ మేరా అధికార్' మొబైల్ యాప్‌ను సీబీఐసీ ఇప్పటికే ఐవోఎస్‌, ఆండ్రాయిడ్‌ వర్షన్లలో అందుబాటులోకి తెచ్చింది. యాప్‌ స్టోర్‌, గూగుల్‌ ప్లేస్టోర్‌లోకి వెళ్లి వీటిని డౌన్‌లోడ్‌ చేసుకోవచ్చు. ఏదైన వస్తువు కొలుగోలు చేసినప్పుడు విక్రేత ఇచ్చిన బిల్లును ఈ యాప్‌లో అప్‌లోడ్‌ చేయడం ద్వారా నగదు బహుమతులు పొందవచ్చు. అప్‌లోడ్ చేసే బిల్లులో విక్రేత జీఎస్టీఐఎన్‌, ఇన్‌వాయిస్ నంబర్, చెల్లించిన మొత్తం, పన్ను మొత్తానికి సంబంధించిన వివరాలు ఉండాలి.  రూ. కోటి వరకూ ప్రైజ్‌ మనీ జీఎస్టీ నమోదు చేసుకున్న దుకాణాలు, సంస్థలు ఇచ్చే బిల్లులను 'మేరా బిల్ మేరా అధికార్' యాప్‌లో అప్‌లోడ్‌ చేయవచ్చు. ఇలా అప్‌లోడ్‌ బిల్లులన్నీ నెలకోసారి, మూడు నెలలకోసారి లక్కీ డ్రా తీస్తారు. విజేతలకు రూ. 10 వేల నుంచి రూ. 1 కోటి వరకు నగదు బహుమతులు అందజేస్తారు. లక్కీ డ్రాకు అర్హత పొందేందుకు కనీస కొనుగోలు విలువ రూ. 200 ఉండాలి. ఒక నెలలో గరిష్టంగా 25 బిల్లులను అప్‌లోడ్ చేయవచ్చు. ఇదీ చదవండి: ‘జీఎస్టీ వల్ల ప్రభుత్వ ఆదాయం పోతోంది’.. ఎవరన్నారీ మాట? Mera Bill Mera Adhikaar Scheme! 👉 Launch from States of Haryana, Assam, Gujarat & UTs of Dadra & Nagar Haveli, Daman & Diu & Puducherry on 01/09/23. 👉Invoice incentive scheme which allows you to earn cash prizes on upload of GST Invoices.#Mera_Bill_Mera_Adhikaar pic.twitter.com/imH9VkakiY — CBIC (@cbic_india) August 22, 2023


 భీమవరం : భీమవరం విష్ణు ఫార్మసీ కళాశాల, అసోసియేషన్‌ ఆఫ్‌ ఫార్మసీ ఫ్రొఫెషనల్స్‌ సంయుక్త ఆధ్వర్యంలో సెప్టెంబర్‌ 1 నుంచి రెండురోజుల పాటు అంతర్జాతీయ సదస్సులు నిర్వహించనున్నట్టు విష్ణు ఫార్మసీ కళాశాల ప్రిన్సిపాల్‌ డాక్టర్‌ కె.ప్రసాద్‌ చెప్పారు. 1న 5వ ఇండో ఆఫ్రికన్‌ కాన్ఫరెన్స్‌లో ‘రీసెంట్‌ ట్రెండ్స్‌ అండ్‌  ఫ్యూచర్‌ డెవలప్‌మెంట్‌ ఇన్‌ ఫార్మాస్యూటికల్‌ సెక్టార్‌ ’ అనే అంశంపై మెకాలివ్‌ యూనివర్సిటీ ఫ్రొఫెసర్‌ డాక్టర్‌ సుభాష్‌చంద్ర దిండా,  కర్ణాటక డ్రగ్‌ ఇన్ఫర్మేషన్‌ సెంటర్‌ రిటైర్డ్‌ డైరెక్టర్‌ డాక్టర్‌ లక్ష్మి  ప్రసంగిస్తారన్నారు. అలాగే 2న 2వ ఇండ్‌ గల్ఫ్‌ కాన్ఫరెన్స్‌లో  నానో టెక్నాలజీ ఫ్రమ్‌ బేసిక్‌ రీసెర్చ్‌ టు నానో మెడిసిన్‌ అనే అంశంపై  సౌదీ అరేబియా జజాన్‌ యూనివర్సిటీ ప్రొఫెసర్‌ డాక్టర్‌ భక్తిభూషణ్‌ బారిక్, హైదరాబాద్‌ మహేశ్వర కాలేజ్‌ ఆఫ్‌ ఫార్మసీ ప్రిన్సిపాల్‌ డాక్టర్‌ మురళీధర్‌ ప్రసంగిస్తారని ప్రసాద్‌ చెప్పారు. ఈ సదస్సుల కోసం  రాష్ట్ర వ్యాప్తంగా వివిధ కళాశాలల నుంచి విద్యార్థులు రానున్నట్టు తెలిపారు.