సాక్షి, హైదరాబాద్‌: సికింద్రాబాద్‌లో సోమవారం ఉదయం సెట్విన్‌ బస్సు బీభత్సం సృష్టించింది. ఒక్కసారిగా అదుపుతప్పిన బస్సు.. ఆటోను ఢీకొట్టి సమీపంలోని షాపులోకి దూసుకెళ్లింది. ఈ ఘటనలో ముగ్గురు ప్రయాణికులకు గాయాలయ్యాయి. వారిని సమీపంలోని ఆస్పత్రికి తరలించారు. డ్రైవర్‌ మద్యం మత్తులో ఉన్నాడని, అందుకే బస్సు మీద అదుపు కోల్పోయి.. బీభత్సం సృష్టించాడని స్థానికులు చెప్తున్నారు. ఉదయం సమయం కావడం.. పెద్దగా జనం లేకపోవడంతో ఇక్కడ పెద్ద ప్రమాదం తప్పిందని వారు తెలిపారు.


 హైదరాబాద్ : ప్రమాదవశాత్తూ సెట్విన్ బస్సు కింద పడి ఓ ద్విచక్రవాహనదారుడు శుక్రవారం సాయంత్రం మృతిచెందాడు. వివరాల్లోకి వెళ్తే.. దిల్‌సుఖ్‌నగర్ నుంచి బోరబండ వైపు వెళ్తున్న సెట్విన్ బస్సు ఎర్రమంజిల్ వద్దకు రాగానే.. అటువైపే బైక్ మీద కాస్త ముందు వెళ్తున్న ఓ వ్యక్తి ప్రమాదవశాత్తూ జారిపడ్డాడు.
 
 ద్విచక్రవాహనానికి, బస్సుకి మధ్య దూరం ఎక్కువగా లేకపోవటంతో బస్సు అతని మీదకెక్కింది. ఈ ప్రమాదంలో అతను అక్కడికక్కడే  మరణించాడు. పోలీసులు సంఘటనాస్థలానికి చేరుకుని కేసు నమోదు చేసుకున్నారు. మృతదేహాన్ని పోస్టుమార్టం నిమిత్తం గాంధీకి తరలించారు. కాగా మృతుడి వివరాలు తెలియాల్సి ఉంది.