జపనీస్ కంపెనీ షార్ప్ తన మొదటి ఆండ్రాయిడ్ వన్ ఫోన్ ను మార్కెట్లోకి తీసుకొచ్చేసింది. అక్వోస్ 507ఎస్ హెచ్ పేరుతో ఈ ఫోన్ ను, తన దేశీయ మార్కెట్లో ఆవిష్కరించింది. షార్ప్ విడుదల చేసిన ఈ ఫోన్, గూగుల్ సహకారంతో రూపొందిన మొదటి జపాన్ ఆండ్రాయిడ్ వన్. అయితే ఈ ఫోన్ ధరలను ఇంకా కంపెనీ వెల్లడించలేదు. ఈ నెల నుంచి జపాన్ లో ఈ ఫోన్ అమ్మకాలు నిర్వనించనున్నట్టు కంపెనీ వెల్లడించింది. ఆండ్రాయిడ్ అప్ డేట్స్ కోసం 18 నెలల గ్యారెంటీతో షార్ప్ అక్వోస్ 507ఎస్ హెచ్ వినియోగదారుల ముందుకు తీసుకొస్తున్నట్టు గూగుల్ ప్రకటించింది.
 
 అక్వోస్ 507ఎస్ హెచ్ ఫీచర్లు...
 5 అంగుళాల హెచ్ డీ ఐజీజడ్వో ఎల్ సీడీ 2.5డీ డిస్ ప్లే
 కార్నింగ్ గొరిల్లా గ్లాస్ 4(వెనుక, ముందు ప్యానెల్స్ కి)
 ఆండ్రాయిడ్ 6.0 మార్ష్ మాలో
 ఆక్టా కోర్ క్వాల్ కామ్ స్నాప్ డ్రాగన్ 617 ప్రాసెసర్
 2 జీబీ ర్యామ్
 16 జీబీ స్టోరేజ్
 200 జీబీ విస్తరణ మెమరీ
 3010 ఎంఏహెచ్ బ్యాటరీ
 13 ఎంపీ వెనుక కెమెరా
 5 ఎంపీ ముందు కెమెరా
 135 గ్రాముల బరువు
 వాటర్, డస్ట్ రెసిస్టెంట్