గుంటూరు జిల్లా: శావల్యాపురం మండలకేంద్రంలో బుధవారం దారుణం చోటుచేసుకుంది. స్థానికంగా నివాసముంటున్న ఘంటా ప్రసాద్‌(36) అనే వ్యక్తిని గుర్తుతెలియని దుండగులు వేటకొడవళ్లతో నరికి చంపారు. స్థానికుల సమాచారంతో పోలీసులు సంఘటనాస్థలానికి చేరుకున్నారు. క్లూస్‌ టీం, డాగ్‌ స్క్వాడ్ రప్పించి ఆధారాలు సేకరిస్తోన్నారు. ఈ మేరకు కేసు నమోదు చేసి దర్యాప్తు చేస్తున్నారు. ఈ ఘటనకు సంబంధించి పూర్తి వివరాలు తెలియాల్సి ఉంది.


 శావల్యపురం(గుంటూరు):
 గుంటూరు జిల్లా శావల్యపురం మండలం కృష్ణపురంలో శనివారం భారీ అగ్నిప్రమాదం సంభవించింది. ప్రమాదవశాత్తు షార్ట్‌ సర్క్యూట్‌ జరగడంతో.. మంటలంటుకొని రెండిళ్లు కాలి బూడిదయ్యాయి. ఈ ప్రమాదంలో రూ. 10 లక్షల ఆస్తి నష్టం వాటిల్లినట్లు సమాచారం.
 
 విషయం తెలుసుకున్న అగ్నిమాపక సిబ్బంది సంఘటనా స్థలానికి చేరుకునే లోపే జరగాల్సిన నష్టం జరిగిపోయింది.