బాలీవుడ్‌ ‍ప్రముఖ గాయకుడు షాన్‌కు అసోంలో చేదు అనుభవం ఎదురైంది. గువాహటిలో ఓ మ్యూజిక్‌ కన్సర్ట్‌లో పాల్లొనేందుకు వెళ్లిన షాన్‌ పాట పాడుతున్న సమయంలో సమయంలో ప్రేక్షకులు అతడిపై పేపర్‌ బాల్స్‌, రాళ్లు విసిరారు. అసలేం జరిగిందంటే.. ఆదివారం గువాహటిలో షాన్‌ ప్రదర్శన ఉండటంతో పెద్ద సంఖ్యలో అభిమానులు అక్కడికి చేరుకున్నారు. తమ అభిమాన గాయకుడి గాత్రం వినాలని ఆశపడ్డారు.. అయితే షాన్‌ బెంగాలీ పాట పాడటంతో నిరాశకు గురయ్యారు. దీంతో అతడిపై రాళ్లు విసిరి దాడి చేశాడు. ఊహించని పరిణామానికి కంగుతిన్న షాన్‌.. మధ్యలోనే పాటను ఆపివేసి.. ‘ఈ పని చేసిందెవరో పట్టుకురండి. ఒక ఆర్టిస్టుకు ఇచ్చే గౌరవం ఇదేనా. ముందు మర్యాద నేర్చుకోండి. నాకు జ్వరంగా ఉన్నా మీకు వినోదం పంచాలనే ఉద్దేశంతోనే ఇక్కడకు వచ్చాను’ అంటూ ఆవేదన వ్యక్తం చేశాడు. దీంతో తప్పు తెలుసుకున్న అభిమానులు తమని మన్నించాలంటూ ట్విటర్‌ వేదికగా షాన్‌ను క్షమాపణలు కోరుతున్నారు. షాన్‌ కూడా ఇందుకు సానుకూలంగా స్పందించాడు. ‘రాజకీయ నాయకుల మాటల ప్రభావంతోనే మీలో అసహనం పెరిగిపోయింది. ఏదో ఆవేశంలో మీరలా చేసి ఉంటారు. మరేం ఫర్వాలేదంటూ’ సమాధామిచ్చాడు. కాగా భారత పౌరులను గుర్తించే ‘నేషనల్‌ రిజిస్టర్‌ ఆఫ్‌ సిటిజెన్స్‌’ ప్రకారం.. అసోంలో మొత్తం 3.29 కోట్ల జనాభా ఉండగా వారిలో 2,89,88,677 మందిని మాత్రమే భారత పౌరులుగా కేంద్రం గుర్తించింది. మిగిలిన దాదాపు 40 లక్షల మందికి గుర్తింపు ఇవ్వకపోవడంతో వారిని విదేశీయులుగా పరిగణించే అవకాశం ఉంది. వీరిలో ఎక్కువ మంది ముస్లింలు, అందులో కూడా బెంగాలీ మాట్లాడే ముస్లింలే ఎక్కువగా ఉన్నారు. ఈ క్రమంలో షాన్‌ బెంగాలీ పాట పాడటంతో వారికే తన మద్దతు ప్రకటిస్తున్నాడని భావించిన ప్రేక్షకులు అతడిపై దాడి చేసినట్లు తెలుస్తోంది.


 నైరోబీ: బాలీవుడ్ శృంగార తార సన్నీ లియోన్, ప్రముఖ సింగర్ షాన్ కెన్యా రాజధాని నైరోబీలో ఆడిపాడి అలరించబోతున్నారు. మ్యూజికల్ టూర్లో భాగంగా వారిద్దరు నైరోబీ వెళ్లనున్నారు. సెప్టెంబర్ 5న నైరోబీలోని కార్నివోర్ గ్రౌండ్స్లో వారు ఈ కార్యక్రమం నిర్వహించనున్నట్లు అల్లాఫ్రికా డాట్ కామ్ అనే సంస్థ తెలిపింది. ఇటీవల కాలంలో కాస్త సినిమాల వేగం తగ్గించిన ఈ నాయకి గత వారంలో ప్రముఖ దర్శకుడు, గాయకుడు ఫరాహ్ అక్తర్తో కలిసి నైరోబీలోనే పార్క్లాండ్ స్పోర్ట్స్ క్లబ్ వద్ద ఓ మ్యూజికల్ షోను నిర్వహించిన విషయం తెలిసిందే. మరోపక్క ఆగస్టు 29, 30లో జరిగే కెన్యా వరల్డ్ వైడ్ ఫ్యాషన్ ఫియెస్టా 2015 కార్యక్రమంలో కూడా సన్నీ ప్రముఖ గాయని సోను శర్మతో కలిసి పాల్గొననుంది.