స్టార్స్‌ని సినిమాలోకి తీసుకుంటే, ప్రేక్షకుల్ని వాళ్లు థియేటర్‌కి రప్పించగలుగుతారు అంటారు. సార్ట్స్‌ చిన్నితెరపై దర్శనమిచ్చినా ప్రేక్షకులకు పండగే. స్టార్స్‌ క్రేజ్‌ అలాంటిది. ఆ క్రేజ్, వాళ్ల సంపాదన ఎప్పుడూ ఆశ్చర్యపరిచే టాపిక్కే. ప్రతి ఏడాది ఎవరెంత సంపాదిస్తున్నారు అని ఓ జాబితాను విడుదల చేస్తుంది ఫోర్బ్స్‌ మ్యాగజీన్‌. ఈ ఏడాది హాలీవుడ్‌ హీరోయిన్లు సంపాదన గురించి ఈ పత్రిక ఒక జాబితా విడుదల చేసింది. మరి.. ఏయే నటీమణి ఎంత ‘మనీ’ సంపాదిస్తున్నారో చూద్దాం. ‘మోడ్రన్‌ ఫ్యామిలీ’ టీవీ సిరీస్‌ స్టార్‌ సోఫియా వెర్గారా అత్యధికంగా సంపాదిస్తున్న నటీమణుల్లో మొదటి వరుసలో ఉన్నారు. 43 మిలియన్‌ డాలర్స్‌ ఆర్జిస్తూ ఆమె మొదటి వరుసలో ఉన్నారు. 43 మిలియన్లు అంటే మన కరెన్సీలో సుమారు 315 కోట్లు. ఆమె తర్వాతి స్థానంలో ఏంజెలినా జోలీ ఉన్నారు. సుమారు 35.5 మిలియన్లు (దాదాపు 256 కోట్లు) సంపాదిస్తున్నారు జోలీ. మూడో స్థానాన్ని గాల్‌ గాడోట్‌ సంపాదించారు. ఆమె సంపాదన 31 మిలియన్లు. ఆ తర్వాత మెలిసా మెకార్తీ (25 మిలియన్‌ డాలర్లు), మెరిల్‌ స్ట్రీప్స్‌ ( 24 మిలియన్‌ డాలర్లు), ఎమీలా బ్లంట్‌ (22.5 మిలియన్‌ డాలర్లు), నికోల్‌ కిడ్‌మన్‌ (22 మిలియన్‌ డాలర్లు), ఎలెన్‌ పోంపీ (19 మిలియన్‌ డాలర్లు), ఎలిజిబెత్‌ మోస్‌ (16 మిలియన్‌ డాలర్లు), వోయిలా డేవిస్‌ (15.5 మిలియన్‌ డాలర్లు)తో టాప్‌ టెన్‌లో ఉన్నారు. సాధారణంగా సినిమాల ద్వారా ఎక్కువ ఆర్జించడం చూస్తుంటాం. కానీ ఈ ఏడాది టాప్‌లో ఉన్న సోఫియా వెర్గారా సంపాదన భారీగా ఉండటానికి కారణం ప్రధానంగా రెండు పాపులర్‌ టీవీ షోలు కావడం విశేషం. మార్వెల్‌ నిర్మాణ సంస్థ తెరకెక్కిస్తున్న ‘ది ఎటర్నల్స్‌’ కోసం భారీ పారితోషికం అందుకున్నారు ఏంజెలినా జోలీ. ఆమె ఆదాయంలో ఎక్కువ శాతం ఈ సినిమా నుంచే వచ్చిందని టాక్‌. సాధారణంగా ప్రతీ ఏడాది సినిమాలు ఎక్కువ చేసే స్టార్స్‌ అత్యధికంగా సంపాదిస్తున్నవారి జాబితాలో కనిపిస్తారు. కానీ ఈ ఏడాది టీవీ స్టార్స్‌ కూడా ఈ జాబితాలో కనిపించడం విశేషం. ఎలెన్‌ పోంపీ, ఎలిజిబెత్‌ మోస్, వోయిలా డేవిస్‌ టీవీ స్టార్సే. సినిమా విడుదలలు ఏమీ లేకపోవడం, కొత్త సినిమా ప్రాజెక్ట్స్‌ ప్రకటించకపోవడం వల్ల చిన్నితెర స్టార్స్‌ సంపాదన పెరిగిందని హాలీవుడ్‌ మీడియా పేర్కొంది.


 వృద్ధాప్యం గురించి హాలీవుడ్ హాట్ లేడీ సోఫియా వెర్గరా చేస్తున్న వ్యాఖ్యలు హాలీవుడ్‌లో హాట్ టాపిక్ అవుతున్నాయి. కొన్ని రోజుల క్రితం వయసు మీద పడే కొద్దీ ఒంటి మీద ముడతలు పడతాయి కదా... అవి పోవడానికి శస్త్ర చికిత్స చేయించుకుంటానని స్టేట్‌మెంట్ ఇచ్చారు సోఫియా వెర్గరా. ఇప్పుడేమో ‘ఒకవేళ నా కంటి కింద ముడతలు వచ్చాయనుకోండి... సిమెంట్ రాసుకుంటే అవి మాయమయ్యే అవకాశం ఉందంటే, నేను రెడీ!’ అంటున్నారు. అది మాత్రమే కాదు అందం కోసం ఏం చేయడానికైనా సిద్ధమని కూడా  అన్నారు.  ‘‘నా వయసు నాలుగు పదులు. కానీ, రెండు పదుల్లోనే ఉన్నానన్నది నా ఫీలింగ్’’ అని పేర్కొన్నారు. మొత్తానికి అందమంటే ఈ హాలీవుడ్ భామకు ఎంత పట్టింపో అర్థమవుతోంది.
  


 హాలీవుడ్... బాలీవుడ్... ఏ ‘వుడ్’లతో టచ్ లేకపోరుునా కోట్లు గడిస్తోంది టీవీ నటి సోఫియా వెర్గారా. ఫోర్బ్స్ వ్యూగజైన్ ‘హయ్యుస్ట్ పెరుుడ్ యూక్ట్రెస్’ లిస్టులో వరుసగా మూడో ఏడాదీ ఈ అమ్మడే టాప్ ప్లేస్ దక్కించుకుంది. ఈ ఏడాదిలో సోఫియూ సంపాదన దాదాపు 37 మిలియున్ డాలర్లని అంచనా. 13 మిలియున్ డాలర్లతో రెండో స్థానంలో నిలిచింది వురిస్కా హర్గిటే.   
  
 శ్రుతి మించిన ప్రమోషన్
  ‘దేశీ కట్టే’ చిత్రం టీమ్ చౌకబారు పబ్లిసిటీతో పరువు తీసుకుంది. ఇటీవల ఢిల్లీలో జరిగిన ఈ చిత్రం ఆడియో లాంచింగ్‌లో.. పాటల వీడియో ప్లే చేస్తుండగా వుధ్యలో ఓ నీలి చిత్రం క్లిప్పింగ్ వచ్చేసింది. ఈ దెబ్బకు అక్కడున్నవారు షాక్‌కు గురయ్యారన్నది ‘మిడ్ డే’ కథనం. ఇది ఓ టెక్నీషియున్ పనని అంటున్నా... అతడు మాత్రం తనకేమీ తెలీదన్నాడు. ఇది తమనీ దిగ్భ్రాంతికి గురిచేసిందనేది నిర్మాత, దర్శకుల మాట.   
  
 అసోంలోనూ నో ట్యాక్స్
 ప్రియాంకాచోప్రా నటించిన ‘మేరీకోమ్’ చిత్రానికి అసోం ప్రభుత్వం ఎంటర్‌టైన్‌మెంట్ ట్యాక్స్ ఎత్తివేసింది. స్ఫూర్తిదాయుకమైన వుణిపూర్ వుహిళా బాక్సర్ మేరీకోమ్ జీవిత కథ ఆధారంగా తీసిన ఈ చిత్రం శుక్రవారం విడుదలవుతోంది. మేరీ యూవత్ దేశానికీ గర్వకారణవుని, అందుకే ట్యాక్స్ విధించడం లేదని అసోం వుుఖ్యవుంత్రి తరుణ్ గొగోయ్ చెప్పారు. వుహారాష్ర్ట, ఉత్తరాఖండ్ రాష్ట్రాలు ఇప్పటికే ఈ సినివూపై ట్యాక్స్ ఎత్తివేశాయి.


 ‘‘నా వంటి మీద ముడత పడనివ్వను’’ అని చెబుతున్నారు సోఫియా వెర్గరా. ఈ హాలీవుడ్ హాట్ లేడీ వయసిప్పుడు దాదాపు 40. అందం మీద అతిగా శ్రద్ధపెడతారు సోఫియా. ఏదైనా ఫంక్షన్‌కి వెళ్లాలంటే గంటల తరబడి రెడీ అవుతారట. ఆ సమయంలో ఇంట్లోవాళ్లు తొందరపెట్టినా పట్టించుకోనని, నింపాదిగా తయారవుతానని సోఫియా అంటున్నారు. అందం మీద ఇంతగా శ్రద్ధ పెట్టే మీకు ఇప్పుడు కాకపోయినా... కొన్నేళ్ల తర్వాత అయినా...
  
   ముడతలు పడే వయసొచ్చేస్తుంది కదా? ఏమైనా దిగులుగా ఉందా? అనే ప్రశ్నను సోఫియా ముందుంచితే.. నాకేం దిగులు అంటున్నారు దిలాసాగా! మరింత వివరంగా చెబుతూ - ‘‘వయసు మీద పడితే ముడతలు రావడం సహజమని చాలామంది సరిపెట్టుకుంటారు. కానీ, నావల్ల కాదు. ఇప్పుడు టెక్నాలజీ పెరిగిపోయింది కదా, అందుకే అవసరమైతే ఆపరేషన్ చేయించేసుకుంటా. వీలైనంత యంగ్‌గా కనిపించాలన్నదే నా తాపత్రయం. భవిష్యత్తుల్లో కళ్ల కింద చారలు ఏర్పడతాయి. వాటి ఆనవాళ్లు కూడా కనిపించకుండా చేసేస్తా’’ అన్నారు ఈ కోమలాంగి మరింత కులాసాగా!


 లండన్: హాలీవుడ్ నటి ఎలిజబెత్ హ్యార్లీతో సంబంధాన్ని తెంచేసుకున్న ఆస్ట్రేలియన్  క్రికెటర్ షేన్ వార్న్ మరో తారపై మనసు పారేసుకున్నారు. మోడర్న్ ఫ్యామిలీ టెలివిజన్ సీరియల్ తార సోఫియా వెర్గరాతో డేటింగ్ చేయాలని ఉందని షేన్ వార్న్ ఓ రేడియో కార్యక్రమంలో తన మనసులో మాట బయటపెట్టాడు. అయితే సోఫియా వెర్గారా కూడా ఇటీవలే తన ప్రియుడికి గుడ్ బై చెప్పింది. 
  
 ఎవరితో డేటింగ్ చేయాలని ఉందని అడిగిన ప్రశ్నకు సోఫియాతో డేటింగ్ చేయాలనుందని షేన్ వార్న్ జవాబిచ్చారు. సోఫియా అభిమానిని నేను. ఆమె గొప్పగా ఉంటుంది. ప్రయత్నించడంలో తప్పేమి లేదు. మహిళలతో మర్యాదగా ప్రవర్తించే అంశంలో నాట్రాక్ రికార్డు బాగానే ఉంది అని రేడియో కార్యక్రమంలోతెలిపారు. షేన్ వార్న్ ప్రపోజల్ కు సోఫియా ఎలా స్పందిస్తుందో వేచి చూడాల్సిందే.